Meta Layoffs: ୧୧୦୦୦ ରୁ ଅଧିକ କର୍ମଚାରୀଙ୍କୁ ଚାକରିରୁ ଛଟେଇ କରିବେ Zuckerberg

Meta Sacks Employees: ଫେସବୁକର (Facebook) ପ୍ୟାରେଣ୍ଟ୍ କମ୍ପାନୀ ମେଟା (Meta) ନିଜର ୧୧ ହଜାରରୁ ଅଧିକ କର୍ମଚାରୀ ଛଟେଇ କରିବାକୁ ନିଷ୍ପତ୍ତି ନେଇଛି । ବୁଧବାର ଦିନ ମେଟା କହିଛି ଯେ ଏହାର ୧୩% କର୍ମଚାରୀ ଅର୍ଥାତ ୧୧,୦୦୦ ରୁ ଅଧିକ କର୍ମଚାରୀଙ୍କୁ ଚଳିତ ବର୍ଷ ଛଟେଇ କରିବ, କାରଣ କମ୍ପାନୀ ମୂଲ୍ୟ ବୃଦ୍ଧି ଓ ଦୁର୍ବଳ ବିଜ୍ଞାପନ ବଜାରରେ ମୁକାବିଲା କରୁଛି । କହିରଖୁଛୁ ଯେ ଏହାର ୧୮ ବର୍ଷର ଇତିହାସରେ ପ୍ରଥମ ଥର ପାଇଁ କମ୍ପାନୀ ଏତେ ବଡ଼ ଧରଣର ଛଟେଇ କରୁଛି । ନିକଟରେ ଏଲୋନ୍ ମସ୍କର ମାଲିକାନା ଟ୍ୱିଟର ଓ ମାଇକ୍ରୋସଫ୍ଟ ସମେତ ଅନେକ ବୃହତ୍ କମ୍ପାନୀ ମଧ୍ୟ ହଜାର ହଜାର କର୍ମଚାରୀଙ୍କୁ ଛଟେଇ କରିଛନ୍ତି ।

META ର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ମାର୍କ ଜୁକରବର୍ଗ (Mark Zuckerberg) କର୍ମଚାରୀମାନଙ୍କୁ ଏକ ମେସେଜରେ କହିଛନ୍ତି ଯେ କେବଳ ଅନଲାଇନ୍ ବାଣିଜ୍ୟ ପୂର୍ବ ଧାରାକୁ ଫେରିନାହିଁ, ବରଂ ବ୍ୟାପକ ଆର୍ଥିକ ମନ୍ଦି, ପ୍ରତିଯୋଗିତା ବୃଦ୍ଧି ଓ ବିଜ୍ଞାପନ ସଙ୍କେତ କ୍ଷତି ଆମ ଆୟକୁ ଆଶା ଠାରୁ କମ୍ କରିଦେଇଛି ।" ସେ ଆହୁରି ମଧ୍ୟ କହିଛନ୍ତି ଯେ "ମୁଁ ଏହାକୁ ଭୁଲ୍ କରିଥିଲି ଓ ମୁଁ ଏଥିପାଇଁ ନିଜକୁ ଦାୟୀ କରୁଛି । ମୁଁ ଜାଣେ ଏହା ସମସ୍ତଙ୍କ ପାଇଁ କଷ୍ଟକର, ଓ ମୁଁ ପ୍ରଭାବିତ ଲୋକଙ୍କ ପାଇଁ ବିଶେଷ ଦୁଃଖିତ ।"

Facebook owner Meta will lay off more than 11,000 of its staff in "the most difficult changes we've made in Meta's history" said Mark Zuckerberg: AFP

(File Pic) pic.twitter.com/BcWzx43fD8

— ANI (@ANI) November 9, 2022

ମେଟା କହିଛି ଯେ ସେଭେନ୍ସ ପ୍ୟାକେଜ୍ ର ଏକ ଅଂଶ ଭାବରେ ୧୬ ବର୍ଷ ବେସ୍ ପେ ଓ ପ୍ରତ୍ୟେକ ବର୍ଷ ସେବା ପାଇଁ ଦୁଇଟି ଅତିରିକ୍ତ ସପ୍ତାହ ଦେବ । କମ୍ପାନୀ ଅନୁଯାୟୀ, ଆସନ୍ତା ଛଅ ମାସ ପାଇଁ ଆମେ କର୍ମଚାରୀ ଓ ସେମାନଙ୍କ ପରିବାରର ସ୍ୱାସ୍ଥ୍ୟ ବୀମା ଖର୍ଚ୍ଚ ବହନ କରିବୁ ।

୨୦୦୪ ମସିହାରେ ଫେସବୁକ୍ ପ୍ରତିଷ୍ଠାର ୧୮ ବର୍ଷର ଇତିହାସରେ ପ୍ରଥମ ଥର ପାଇଁ ଡିଜିଟାଲ୍ ବିଜ୍ଞାପନରୁ ରାଜସ୍ୱର ହ୍ରାସକୁ ସୂଚାଇ ଏହିପରି ଏକ ବଡ଼ ଧରଣର ଛଟେଇ କରାଯାଇଛି । ଗତ ସପ୍ତାହରେ ଟ୍ୱିଟର ମଧ୍ୟ ନିଜ କର୍ମଚାରୀଙ୍କୁ ବହୁ ମାତ୍ରାରେ ଛଟେଇ କରିଥିଲା । ଏଲୋନ୍ ମସ୍କ କମ୍ପାନୀ କିଣିବା ପରେ ଟ୍ୱିଟର ଏହାର କର୍ମଚାରୀଙ୍କୁ ପ୍ରାୟ ୫୦% ହ୍ରାସ କରିଛନ୍ତି ।

ମୁଦ୍ରାସ୍ଫୀତି ଆକାଶଛୁଆଁ ଓ ସୁଧ ହାରରେ ଦ୍ରୁତ ଗତିରେ ବୃଦ୍ଧି ଯୋଗୁଁ ଆମେରିକାର ଅର୍ଥନୀତି ଉପରେ ସଙ୍କଟର ବାଦଲ ଦେଖା ଦେଇଛି ଓ ବିମୁଦ୍ରାକରଣ ହେବାର ସମ୍ଭାବନା ରହିଛି । କୋଭିଡ ମହାମାରୀ ସମୟରେ ବୈଷୟିକ କମ୍ପାନୀଗୁଡିକର ମୂଲ୍ୟବୋଧକୁ ନେଇ ବର୍ତ୍ତମାନ ପ୍ରଶ୍ନ ଉଠିଛି । ମେଟାର ଷ୍ଟକ୍ ଦୁଇ-ତୃତୀୟାଂଶ ହ୍ରାସ ପାଇଛି । ସେପ୍ଟେମ୍ବର ଶେଷରେ ମାର୍କ ଜୁକରବର୍ଗ କର୍ମଚାରୀମାନଙ୍କୁ ଚେତାବନୀ ଦେଇ କହିଥିଲେ ଯେ ମେଟା ଖର୍ଚ୍ଚ ହ୍ରାସ କରିବା ଏବଂ ଦଳ ଗଠନ ପାଇଁ ଉଦ୍ଦିଷ୍ଟ ।

ଏହା ବି ପଢ଼ନ୍ତୁ: Nirav Modi Extradition: ନିରବ ମୋଦିଙ୍କ ଆବେଦନକୁ ପ୍ରତ୍ୟାଖ୍ୟାନ କଲା ଲଣ୍ଡନ ହାଇକୋର୍ଟ, ଖୁବ ଶୀଘ୍ର ଅଣାଯିବ ଭାରତ