Manipur Earthquake: ସକାଳୁ ସକାଳୁ ଭୂକମ୍ପ ଝଟକା, ଜାଣନ୍ତୁ କେତେ ଥିଲା ତୀବ୍ରତା

Manipur Earthquake: ଶୁକ୍ରବାର ସକାଳ ସମୟରେ ମଣିପୁରରେ ଭୂମିକମ୍ପ ଅନୁଭୂତ ହୋଇଛି । ଭୂକମ୍ପର ତୀବ୍ରତା ରିକ୍ଟର ସ୍କେଲରେ ୩.୯ ରେ ରେକର୍ଡ କରାଯାଇଛି । ନ୍ୟାସନାଲ ସେଣ୍ଟର ଫର ସେସମୋଲୋଜି ଅନୁଯାୟୀ, ମଣିପୁରର ଉଖରୁଲରେ ସକାଳ ପ୍ରାୟ ୬ଟା୫୬ ମିନିଟ୍ ସମୟରେ ଭୂକମ୍ପ ଅନୁଭୂତ ହୋଇଛି । ଭୂକମ୍ପର କେନ୍ଦ୍ର ଭୂମିଠାରୁ ୯୦ କିଲୋମିଟର ଗଭୀର ବୋଲି ସୂଚନା ମିଳିଛି । ଭୂକମ୍ପ ଆରମ୍ଭ ହେବା ମାତ୍ରେ ଲୋକମାନେ ଧାଁ ଦୌଡ ହୋଇ ଘରୁ ବାହାରକୁ ଆସିଥିଲେ। ବର୍ତ୍ତମାନ ପର୍ଯ୍ୟନ୍ତ କୌଣସି କ୍ଷୟକ୍ଷତି ସମ୍ପର୍କରେ ସୂଚନା ମିଳିନାହିଁ ।

କାହିଁକି ଭୂକମ୍ପ ହୁଏ?
ପୃଥିବୀ ଭିତରେ ୭ ଟି ସ୍ତରରେ ପ୍ଲେଟ୍ ରହିଛି । ଯାହା କ୍ରମାଗତ ଭାବରେ ଘୂର୍ଣ୍ଣନ କରିଥାଏ । ଯେଉଁ ଜୋନରେ ଏହି ପ୍ଲେଟଗୁଡିକ ପରସ୍ପର ଧକ୍କା ହୁଏ ତାହାକୁ ଫଲ୍ଟ ଲାଇନ କୁହାଯାଇଥାଏ । ବାରମ୍ବାର ଧକ୍କା ହେବା କାରଣରୁ ପ୍ଲେଟ ଗୁଡିକର କୋଣଗୁଡ଼ିକ ବଙ୍କା ହୋଇଯାଏ । ଯେତେବେଳେ ଅତ୍ୟଧିକ ଚାପ ସୃଷ୍ଟି ହୁଏ, ପ୍ଲେଟଗୁଡିକ ଭାଙ୍ଗିବା ଆରମ୍ଭ କରିଥାଏ । ଯାହାଫଳରେ ନିମ୍ନରେ ଥିବା ଶକ୍ତି ଏକ ରାସ୍ତା ଖୋଜିଥାଏ ।

ଜାଣନ୍ତୁ ଭୂକମ୍ପର କେନ୍ଦ୍ର ଏବଂ ତୀବ୍ରତାର ଅର୍ଥ କ’ଣ?
ଭୂକମ୍ପର କେନ୍ଦ୍ରସ୍ଥଳ ହେଉଛି ସେହି ସ୍ଥାନ ଯେଉଁଠାରେ ପ୍ଲେଟଗୁଡିକରେ ଧକ୍କା ହେବା କାରଣରୁ ଶକ୍ତି ନିର୍ଗତ ହୋଇଥାଏ । ଏହି ସ୍ଥାନରେ ଭୂକମ୍ପର କମ୍ପନ ଅଧିକ ଭୟଙ୍କର ଥାଏ । ଯଦିଓ, ରିଚ୍ଟର ସ୍କେଲରେ ୭ କିମ୍ବା ଅଧିକ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ହୁଏ, ତେବେ ୪୦ କିଲୋମିଟର ବ୍ୟାସାର୍ଦ୍ଧରେ କମ୍ପନ ଅନୁଭୂତ ହୋଇଥାଏ । କିନ୍ତୁ ଏହା ମଧ୍ୟ ନିର୍ଭର କରେ ଯେ, ଭୂକମ୍ପ ଫ୍ରିକ୍ୱେନ୍ସି କେତେ ଉପର କିମ୍ବା ତଳକୁ ଅଛି। ଯଦି କମ୍ପନର ଫ୍ରିକ୍ୱେନ୍ସି ଅଧିକ ଥାଏ ତେବେ କମ୍ କ୍ଷେତ୍ର ପ୍ରଭାବିତ ହୋଇଥାଏ । ରିଚ୍ଟର ସ୍କେଲ ବ୍ୟବହାର କରି ଭୂକମ୍ପର ତୀବ୍ରତା ମାପ କରାଯାଏ । ଏହାକୁ ରିଚ୍ଟର ମ୍ୟାଗ୍ନିଚ୍ୟୁଡ୍ ଟେଷ୍ଟ ସ୍କେଲ୍ କୁହାଯାଇଥାଏ । ୧ ରୁ ୯ ପର୍ଯ୍ୟନ୍ତ ରିଚ୍ଟର ସ୍କେଲରେ ଭୂକମ୍ପ ମାପ କରାଯାଇଥାଏ । ଭୂକମ୍ପ ସମୟରେ ପୃଥିବୀ ଭିତରୁ ନିର୍ଗତ ଶକ୍ତିର ତୀବ୍ରତା ଏହା ଦ୍ୱାରା ମାପ କରାଯାଏ । ଏହି ତୀବ୍ରତା ଭୂକମ୍ପର ପରିମାଣ କେତେ ତାହା ନିର୍ଣ୍ଣୟ କରିଥାଏ ।

Also Read- Budh Uday: ବୁଧଙ୍କ ପ୍ରଭାବରୁ କ୍ଷତିଗ୍ରସ୍ତ ହେବେ ୩ଟି ରାଶି !

Also Read- Gold Silver Price: ପୁଣି ବଢିଲା କି ସୁନା, ରୂପା ଦର? ଜାଣନ୍ତୁ କେତେ ରହିଛି ଦାମ୍