Duleep Trophy: ରୋହିତ-ବିରାଟ କୋହଲି କାହିଁକି ଖେଳିବେନି ଦୁଲୀପ ଟ୍ରଫି ଟୁର୍ଣ୍ଣାମେଣ୍ଟ? ଜୟ ଶାହ କହିଲେ କାରଣ

Duleep Trophy 2024: ବିସିସିଆଇ ବୁଧବାର ଦିନ ଦୁଲିପ୍ ଟ୍ରଫି ୨୦୨୪-୨୫ ର ପ୍ରଥମ ରାଉଣ୍ଡ ପାଇଁ ଦଳ ଘୋଷଣା କରିଛି। ଟୁର୍ଣ୍ଣାମେଣ୍ଟ ପାଇଁ ଶୁବମନ ଗିଲ, ଅଭିମନ୍ୟୁ ଇଶ୍ୱରନ, ରୁତୁରାଜ ଗାଇକୱାଡ ଓ ଶ୍ରେୟାସ ଆୟରଙ୍କୁ ଅଧିନାୟକତ୍ୱ ଦାୟିତ୍ୱ ଦିଆଯାଇଛି। ଏହି ଟୁର୍ଣ୍ଣାମେଣ୍ଟ ୫ ସେପ୍ଟେମ୍ବର ୨୦୨୪ ରୁ ଆରମ୍ଭ ହେବ।

ବିରାଟ କୋହଲି ଓ ରୋହିତ ଶର୍ମାଙ୍କ ସମେତ କିଛି ବରିଷ୍ଠ ଖେଳାଳିଙ୍କୁ ଦୁଲିପ୍ ଟ୍ରଫିରେ ସାମିଲ ନ କରାଯାଇଥିବା ଦେଖିବାକୁ ମିଳିଛି। ତେବେ ଦଳରେ ବିରାଟ କୋହଲି, ରୋହିତ ଶର୍ମା ଓ ଜସପ୍ରୀତ ବୁମ୍ରାଙ୍କ ନାମ କ'ଣ ପାଇଁ ସାମିଲ ନାହିଁ ତାହାକୁ ନେଇ BCCI ସଚିବ ନିଜର ପ୍ରତିକ୍ରିୟା ରଖିଛନ୍ତି। ବିସିସିଆଇ ସଚିବ ଜୟ ଶାହା ନିଜ ପ୍ରତିକ୍ରିୟାରେ କହିଛନ୍ତି ଯେ ବାଂଲାଦେଶ ବିପକ୍ଷ ଟେଷ୍ଟ ସିରିଜ ପୂର୍ବରୁ ବିରାଟ କୋହଲି ଓ ରୋହିତ ଶର୍ମା କାହିଁକି ଘରୋଇ ଟୁର୍ଣ୍ଣାମେଣ୍ଟ ଖେଳୁ ନାହାଁନ୍ତି।

BCCI ସଚିବ ଜୟ ଶାହା କହିଛନ୍ତି ଯେ ଚଳିତ ବର୍ଷ ଅଷ୍ଟ୍ରେଲିଆରେ ଆୟୋଜିତ ହେବାକୁ ଥିବା ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ପାଇଁ ରୋହିତ ଶର୍ମା ଓ ବିରାଟ କୋହଲିଙ୍କୁ ଫିଟ୍ ରଖିବା ଆମର ପ୍ରାଥମିକତା। TOI ସହ କଥାବାର୍ତ୍ତା କରି ଶାହା କହିଛନ୍ତି, "ତାଙ୍କ ବ୍ୟତୀତ ଅନ୍ୟ ସମସ୍ତେ ଖେଳୁଛନ୍ତି। ଆପଣ ଏହାକୁ ପ୍ରଶଂସା କରିବା ଉଚିତ୍। ଏହା ମନେ ରଖିବା ଉଚିତ୍ ଯେ ଇଶାନ୍ କିଶାନ୍ ଓ ଶ୍ରେୟସ୍ ଆୟର୍ ବୁଚି ବାବୁ ଟୁର୍ଣ୍ଣାମେଣ୍ଟରେ ଖେଳୁଛନ୍ତି।"

ବିସିସିଆଇ ସଚିବ କହିଛନ୍ତି, "ରୋହିତ ଶର୍ମା ଓ ବିରାଟ କୋହଲିଙ୍କ ଭଳି ଖେଳାଳିଙ୍କୁ ଦୁଲିପ୍ ଟ୍ରଫିରେ ଖେଳିବାକୁ ବାଧ୍ୟ କରିବା ଉଚିତ୍ ନୁହେଁ। ସେମାନେ ଆହତ ହେବାର ଆଶଙ୍କା ଥିବ। ଯଦି ଆପଣ ଧ୍ୟାନ ଦେଇଛନ୍ତି, ପ୍ରତ୍ୟେକ ଅନ୍ତର୍ଜାତୀୟ ଖେଳାଳି ଅଷ୍ଟ୍ରେଲିଆ ଓ ଇଂଲଣ୍ଡରେ ଘରୋଇ କ୍ରିକେଟ୍ ଖେଳନ୍ତି ନାହିଁ। ଖେଳାଳିଙ୍କୁ ସମ୍ମାନ ଦିଅନ୍ତୁ।"

ଆପଣଙ୍କୁ କହିରଖୁଛୁ ଯେ ଆସନ୍ତା ମାସରେ ବାଂଲାଦେଶ ଦଳ ଭାରତ ଗସ୍ତ କରିବ। ଏହି ଅବଧି ମଧ୍ୟରେ ଦୁଇ ଦଳ ମଧ୍ୟରେ ୨ଟି ଟେଷ୍ଟ ମ୍ୟାଚ୍ ଖେଳାଯିବ। ଋଷଭ ପନ୍ତ ଦୁଲିପ୍ ଟ୍ରଫି ଖେଳୁଛନ୍ତି। ଏଭଳି ପରିସ୍ଥିତିରେ ସେ ବାଂଲାଦେଶ ବିପକ୍ଷ ଟେଷ୍ଟ ସିରିଜରେ ସୁଯୋଗ ପାଇବାର ସମସ୍ତ ସମ୍ଭାବନା ରହିଛି। ପନ୍ତ ଦୀର୍ଘ ଦିନ ଧରି ଟେଷ୍ଟ କ୍ରିକେଟ୍ ଠାରୁ ଦୂରରେ ରହିଆସିଛନ୍ତି। ସେ ୨୦୨୨ ଶେଷରେ ଏକ ସଡ଼କ ଦୁର୍ଘଟଣାର ସମ୍ମୁଖୀନ ହେବା ପରଠାରୁ ସେ କୌଣସି ଟେଷ୍ଟ ଖେଳି ନାହାଁନ୍ତି।

Also Read: ICC champions trophy 2025: ଚାମ୍ପିଅନ୍ସ ଟ୍ରଫି ଖେଳିବାକୁ ପାକିସ୍ତାନ ଯିବ କି ଭାରତ? ଜୟ ଶାହ ଦେଲେ ଏହି ଉତ୍ତର