Rishab Pant House: ଋଷଭ ପନ୍ତଙ୍କ ଘର ଆଗରେ ଡଜନ ଡଜନ ଖୁଣ୍ଟ ପୋତିଲା ରେଲୱେ, ଜାଣନ୍ତୁ ଏହା ପଛର କାରଣ

Rishab Pant House: ରେଳବାଇ ଅଧିକାରୀମାନେ ଉତ୍ତରାଖଣ୍ଡର ଋଡ଼କୀରେ ସ୍ଥିତ ଭାରତୀୟ କ୍ରିକେଟର (Indian Cricketer) ଋଷଭ ପନ୍ତ (Rishab Pant) ଙ୍କ ଘର ସମ୍ମୁଖରେ ଖୁଣ୍ଟ ପୋତିଛି । ଅତିକ୍ରମଣ ବିରୋଧ ଅଭିଯାନର ଏକ ଅଂଶ ଭାବରେ ରେଳବାଇ (Roorkee Railways) ଏହା କରିଛି । ସୂଚନାନୁସାରେ, କିଛି ଲୋକ ଋଷଭ ପନ୍ତଙ୍କ ଘର ସମ୍ମୁଖରେ ଖୁଣ୍ଟ ପୋତୁଥିବା ଅଧିକାରୀଙ୍କୁ କିଛି ଲୋକ ମଧ୍ୟ ବିରୋଧ କରିଥିଲେ । କିନ୍ତୁ କଠୋରତା ଦେଖାଇ ସେମାନେ ଖୁଣ୍ଟ ଗୁଡ଼ିକୁ ପୋତି ଦେଇଥିଲେ । ଏହି ଖୁଣ୍ଟ ଏହି କଥାର ଘୋଷଣା କରୁଛି କି ଏହି ଜମି ରେଳବାଇର ଅଟେ, ଯାହା ଉପରେ ଜବରଦଖଲ କରାଯାଇଥିଲା ।

ଯେଉଁ ସ୍ଥାନରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି, ତାହା ହେଉଛି ଢଣ୍ଡୋରା ରେଳ ଷ୍ଟେସନର ଦକ୍ଷିଣ ଭାଗରେ ଅବସ୍ଥିତ ରେଲୱେର ମୂଲ୍ୟବାନ ଜମି । ଏହି ଜମିରେ ଖମ୍ଭ ଗୁଡିକ ପୋତା ଯାଇଥିଲା । କିନ୍ତୁ ଗତ କିଛି ବର୍ଷ ମଧ୍ୟରେ ଲୋକମାନେ ଏହି ଖମ୍ଭ ଗୁଡ଼ିକୁ ହଟାଇ ଜବରଦଖଲ କରିଥିଲେ । ଅନେକ ଲୋକ ଏଠାରେ ପାର୍କିଂ କରିଥିଲେ । ବୁଧବାର ରେଳ ବିଭାଗର ବରିଷ୍ଠ ଅଧିକାରୀମାନେ ଏହି ଜବରଦଖଲ ବିରୁଦ୍ଧରେ ଅଭିଯାନ ଚଳାଇଥିଲା ଓ ସୀମା ନିର୍ଦ୍ଧାରଣ ପାଇଁ ନୂତନ ଖମ୍ଭ ପୋତି ଥିଲା ।

ଏହି ଅଭିଯାନରେ ଅଧିକାରୀମାନେ ଅନ୍ତର୍ଜାତୀୟ କ୍ରିକେଟର ଋଷଭ ପନ୍ତଙ୍କ ଘରକୁ ମଧ୍ୟ ବାଦ୍ ଦେଇ ନଥିଲେ । ଋଷଭ ପନ୍ତଙ୍କ ଘର ଓ ବିଦ୍ୟାଳୟ ସମ୍ମୁଖରେ ଅଧିକାରୀମାନେ ଖୁଣ୍ଟ ପୋତିଥିଲେ । କେବଳ ଏତିକି ନୁହେଁ, ରେଳ ଅଧିକାରୀମାନେ ମଧ୍ୟ ଖମ୍ଭ ନ ହଟାଇବାକୁ ଲୋକଙ୍କୁ ଚେତାବନୀ ଦେଇଛନ୍ତି । ଯିଏ ଏପରି ଉଦ୍ୟମ କରିବେ, ତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ରେଳବାଇ ମଧ୍ୟ ସେମାନଙ୍କ କର୍ମଚାରୀଙ୍କୁ ଏଠାରେ ମନିଟରିଂ ପାଇଁ ନିୟୋଜିତ କରିଛି ।

ଏହା ବି ପଢ଼ନ୍ତୁ:-ନୂଆ ବର୍ଷରେ ଆସିବ ୧୦୦୦ ଟଙ୍କାର ନୂଆ ନୋଟ୍, ବନ୍ଦ ହେବ ୨୦୦୦ ଟଙ୍କିଆ ନୋଟ୍! ସରକାର ଦେଲେ ବଡ଼ ସୂଚନା

ଏହା ବି ପଢ଼ନ୍ତୁ:-ଦୀପିକା ପାଦୁକୋନ ଦେଶକୁ କଲେ ଗୌରବାନ୍ୱିତ, ଫିଫା ବିଶ୍ୱକପ ଟ୍ରଫି ଲଞ୍ଚ କରିଥିବା ପ୍ରଥମ ଭାରତୀୟ

ଏହା ବି ପଢ଼ନ୍ତୁ:-କାରଖାନା କର୍ମଚାରୀଙ୍କ ପୁଅ, କିପରି ହେଲେ ବିଶ୍ୱ ଚାମ୍ପିଅନ୍; ପଢ଼ନ୍ତୁ ଲିଓନେଲ ମେସିଙ୍କ କାହାଣୀ

ସିନିୟର ବ୍ଲକ୍ ଇଞ୍ଜିନିୟର ବ୍ରଜ ମୋହନ ସିଂ କହିଛନ୍ତି ଯେ, ଅନେକ ନୋଟିସ୍ ପଠାଇବା ପରେ ମଧ୍ୟ ଲୋକମାନେ ରେଳ ଜମିରେ ହୋଇଥିବା ଜବରଦଖଲ ହଟାଇ ନା ନଥିଲେ । ଏହା ପରେ ହିଁ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପଡିଲା । ରେଳବାଇ ଦଳ ଜବରଦଖଲ ହଟାଇବାକୁ ଚେଷ୍ଟା କରିଥିଲା ​​କିନ୍ତୁ ସିଏମଙ୍କ ଗସ୍ତ ଯୋଗୁଁ ପୋଲିସର ସୁରକ୍ଷା ଯୋଗାଇ ମିଳି ନଥିଲା । ଏହା ପରେ କାର୍ଯ୍ୟକ୍ରମକୁ ସ୍ଥଗିତ ରଖାଯାଇଛି ।

ସୂଚନାଯୋଗ୍ୟ ଯେ, କିଛି ମାସ ପୂର୍ବେ ଉତ୍ତରାଖଣ୍ଡ ସରକାର ଋଷଭ ପନ୍ତଙ୍କୁ ବ୍ରାଣ୍ଡ ଆମ୍ୱାସାଡର ଭାବରେ ଘୋଷଣା କରିଥିଲେ । ରାଜ୍ୟର ଯୁବକମାନଙ୍କୁ କ୍ରୀଡ଼ା ଓ ଜନସ୍ୱାସ୍ଥ୍ୟ ପ୍ରତି ଉତ୍ସାହିତ କରିବା ଉଦ୍ଦେଶ୍ୟରେ ଋଷଭ ପନ୍ତଙ୍କୁ ବ୍ରାଣ୍ଡ ଆମ୍ବାସାଡର ଭାବେ ନିଯୁକ୍ତି ଦିଆଯାଉଛି ବୋଲି ସିଏମ ପୁଷ୍କର ସିଂ ଧାମି ଟ୍ୱିଟ୍ କରି ସୂଚନା ଦେଇଥିଲେ । ଏହା ପରେ ଉଭୟଙ୍କ ଏକ ଫଟୋ ମଧ୍ୟ ସାମ୍ନାକୁ ଆସିଥିଲା । ଋଷଭ ପନ୍ତ ମଧ୍ୟ ଏହି ଦାୟିତ୍ୱ ଉପରେ ଖୁସି ବ୍ୟକ୍ତ କରିଥିଲେ । ଏଥି ସହିତ ରେଳବାଇର କାର୍ଯ୍ୟାନୁଷ୍ଠାନ ଯୋଗୁଁ ପ୍ରଶାସନ ଉପରେ ପ୍ରଶ୍ନ ଉଠିଛି । ତେବେ ଏପର୍ଯ୍ୟନ୍ତ ଋଷଭ ପନ୍ତ କିମ୍ବା ତାଙ୍କ ପରିବାରର କୌଣସି ସଦସ୍ୟଙ୍କ କୌଣସି ଆଧିକାରୀକ ବୟାନ ସାମ୍ନାକୁ ଆସି ନାହିଁ ।