Rohit Sharma:ମୁଁ ସିଡନୀରେ ପହଞ୍ଚିଲି ସେତେବେଳେ ମୁଁ ତାଙ୍କୁ ଏହା ବିଷୟରେ କହିଥିଲି ଏବଂ କହିଥିଲି ଯେ ମୋ ଫର୍ମ ଠିକ୍ ନାହିଁ। ସେଥିପାଇଁ ମୁଁ ସିଡନୀ ଟେଷ୍ଟରୁ ଓହରିଯିବାକୁ ନିଷ୍ପତ୍ତି ନେଇଛି। ତେବେ ଏହି ନିଷ୍ପତ୍ତି ନେବା ଅତ୍ୟନ୍ତ କଷ୍ଟକର ଥିଲା। କିନ୍ତୁ ମୁଁ ମଧ୍ୟ ଦୁଇ ସନ୍ତାନର ପିତା, ତେଣୁ ମୋର ଟିକିଏ ମସ୍ତିଷ୍କ ଅଛି।
Trending Photos
5
6
5
5 "Rohit Sharma: ଖରାପ ଫର୍ମ ଦେଇ ଗତି କରୁଥିବା ରୋହିତ ଶର୍ମା କେବେ ନେବେ ଅବସର, ନିଜେ କଲେ ଖୁଲାସା")
Rohit Sharma: ବର୍ଡର-ଗାଭାସ୍କର ଟ୍ରଫି ୨୦୨୪-୨୫ର ଶେଷ ମ୍ୟାଚ୍ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଛି। ଭାରତୀୟ ଅଧିନାୟକ ରୋହିତ ଶର୍ମାଙ୍କୁ ସିଡନୀ ଟେଷ୍ଟର ଚୂଡ଼ାନ୍ତ ଏକାଦଶରୁ ବାଦ୍ ଦିଆଯାଇଛି। ତେବେ ଏହାପରେ ସମସ୍ତ ପ୍ରଶଂସକ ଆଶ୍ଚର୍ଯ୍ୟ ହୋଇଯାଇଥିଲେ । ମେଲବର୍ଣ୍ଣ ଟେଷ୍ଟ ପରଠାରୁ ରୋହିତଙ୍କ ଅବସର ଖବର କୁହନ୍ତୁ ବା ଗୁଜବ ବେଶ ଚର୍ଚ୍ଚାକୁ ଆସିଥିଲା। ରୋହିତ ଶର୍ମା ଖରାପ ଫର୍ମ ସହ ସଂଘର୍ଷ କରୁଛନ୍ତି, ଯାହା ପରେ ରୋହିତ ଟେଷ୍ଟରୁ ଅବସର ନେବେ ବୋଲି କଳ୍ପନାଜଳ୍ପନା ଆରମ୍ଭ ହୋଇଥିଲା। କିନ୍ତୁ ଏବେ ଅଧିନାୟକ ରୋହିତ ଶର୍ମା ନିଜ ଅବସରକୁ ନେଇ ଏକ ବଡ ଖୁଲାସା କରିଛନ୍ତି । ଆସନ୍ତୁ ଜାଣିବା ସେ କ'ଣ କହିଛନ୍ତି।
ଷ୍ଟାର ସ୍ପୋର୍ଟସରେ ଇରଫାନ୍ ଓ ଯତୀନ ସପ୍ରୁ ରୋହିତ ଶର୍ମାଙ୍କ ଅବସର କୁ ନେଇ ପ୍ରଶ୍ନ କରିଥିଲେ। ଏହାପରେ ରୋହିତ କହିଥିଲେ, ମୁଁ ଏହି ମ୍ୟାଚ୍ ରୁ ବାଦ୍ ପଡ଼ିଛି। ଦଳ ପାଇଁ ଏହା ଏକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ମ୍ୟାଚ୍ ଥିଲା ଏବଂ ଯଦିଓ ଆମେ ସିରିଜ୍ ଜିତି ପାରିବୁ ନାହିଁ। କିନ୍ତୁ ସିରିଜ୍ ନିଶ୍ଚିତ ଭାବେ ଡ୍ର ହୋଇପାରିବ। ତେଣୁ ଏହି ମ୍ୟାଚରେ ଦେଖିବାକୁ ମିଳିଥିଲା ଫର୍ମରେ ଯେଉଁ ଖେଳାଳିଙ୍କୁ ସୁଯୋଗ ଦିଆଯାଇଥିଲା। ମୁଁ ବର୍ତ୍ତମାନ ଅବସର ନେଉନାହିଁ। ମୁଁ କେବଳ ଏହି ଖେଳ ଖେଳୁନାହିଁ । ମୁଁ ଅବସର ନେଇନାହିଁ।
ଆପଣ କାହିଁକି ସିଡନୀ ଟେଷ୍ଟ ଖେଳୁନାହାଁନ୍ତି?
ସିଡନୀ ଟେଷ୍ଟ ନ ଖେଳିବା ନେଇ ରୋହିତ କହିଛନ୍ତି, 'ମୁଁ ଏଠାକୁ ଆସି ଭାବିଥିଲି ଯେ ମୁଁ ଏହି ମ୍ୟାଚ୍ ଖେଳିବା ଉଚିତ୍ ନୁହେଁ। ମେଲବର୍ଣ୍ଣ ଟେଷ୍ଟପରେ ଆମ ପାଖରେ ମାତ୍ର ୨-୩ ଦିନ ଥିଲା ଏବଂ ଏହା ନୂଆ ବର୍ଷ ଥିଲା, ତେଣୁ ମୁଁ ସେତେବେଳେ କୋଚ୍ ଏବଂ ଚୟନକର୍ତ୍ତା ମାନଙ୍କୁ କହିନଥିଲି। ଯେତେବେଳେ ମୁଁ ସିଡନୀରେ ପହଞ୍ଚିଲି ସେତେବେଳେ ମୁଁ ତାଙ୍କୁ ଏହା ବିଷୟରେ କହିଥିଲି ଏବଂ କହିଥିଲି ଯେ ମୋ ଫର୍ମ ଠିକ୍ ନାହିଁ। ସେଥିପାଇଁ ମୁଁ ସିଡନୀ ଟେଷ୍ଟରୁ ଓହରିଯିବାକୁ ନିଷ୍ପତ୍ତି ନେଇଛି। ତେବେ ଏହି ନିଷ୍ପତ୍ତି ନେବା ଅତ୍ୟନ୍ତ କଷ୍ଟକର ଥିଲା। କିନ୍ତୁ ମୁଁ ମଧ୍ୟ ଦୁଇ ସନ୍ତାନର ପିତା, ତେଣୁ ମୋର ଟିକିଏ ବୁଝିବାର ଶକ୍ତି ଅଛି। ମୁଁ ପାଗଳ ନୁହେଁ ବୋଲି ହସି ହସି କହିଛନ୍ତି ରୋହିତ।
ଏହି ସାକ୍ଷାତକାର ଶେଷ ହେବା ପରେ ରୋହିତ ଶର୍ମା ପୁଣି ଥରେ ସ୍ପଷ୍ଟ କରିଦେଇଛନ୍ତି ଯେ ସେ ଅବସର ନେଉନାହାଁନ୍ତି । ସାକ୍ଷାତକାର ଶେଷ ହେବା ପରେ ଯତୀନ ସପ୍ରୁ ରୋହିତଙ୍କୁ ଧନ୍ୟବାଦ ଜଣାଇଛନ୍ତି। ତା'ପରେ ରୋହିତ କହିଲେ, "ଆରେ ଭାଇ, ମୁଁ କୁଆଡ଼େ ଯାଉନାହିଁ। ରୋହିତ ସ୍ପଷ୍ଟ କରିଛନ୍ତି ଯେ ସେ ବର୍ତ୍ତମାନ ଅବସର ମୁଡରେ ନାହାଁନ୍ତି।
Also Read: Odia Comedian Youtuber: ଏମାନେ ହେଉଛନ୍ତି ଓଡ଼ିଶାର ଟପ୍ ୫ କମେଡିଆନ ୟୁଟ୍ୟୁବର , ଜାଣନ୍ତୁ ସବୁକିଛି
