HMPV Infection: ପିଲାଙ୍କ ମଧ୍ୟରେ କାହିଁକି ବ୍ୟାପୁଛି ଚୀନ୍‌ର ବିପଜ୍ଜନକ ଭାଇରସ୍ ? ଆସିଲା ତୃତୀୟ ମାମଲା

HMPV Symptoms In Infents: ଚାଇନାରେ ଭୟ ବିସ୍ତାର କରୁଥିବା HMPV ଭାଇରସ୍ ଭାରତରେ ମଧ୍ୟ ଦ୍ରୁତ ଗତିରେ ବ୍ୟାପିବାରେ ଲାଗିଛି ବୋଲି ଅବିଯୋଗ ଆସୁଛି । ଏହା ପୂର୍ବରୁ ବାଙ୍ଗାଲୋରରେ ୮ ଏବଂ ୩ ମାସର ଶିଶୁଙ୍କ ଦେହରେ ଏହାର ଲକ୍ଷଣ ନିଶ୍ଚିତ କରାଯାଇଥିଲା । ବର୍ତ୍ତମାନ ଗୁଜୁରାଟ ଅହମ୍ମଦାବାଦରେ ମଧ୍ୟ ୨ ମାସର ଶିଶୁର ଲକ୍ଷଣକୁ ନେଇ ସନ୍ଦେହ ପ୍ରକାଶ ପାଇଛି । ଏହା ପରେ ଶିଶୁକୁ ଏକ ଘରୋଇ ଡାକ୍ତରଖାନାରେ ଚିକିତ୍ସା କରାଯାଉଛି।

ସ୍ୱାସ୍ଥ୍ୟ ବିଶେଷଜ୍ଞଙ୍କ କହିବାନୁଯାୟୀ, ୬୦ ବର୍ଷରୁ ଅଧିକ ବୟସ୍କ ବ୍ୟକ୍ତି ଏବଂ ଛୋଟ ପିଲା ଏହି ଭାଇରସ୍ ଦ୍ୱାରା ଅଧିକ ବିପଦରେ ପଡିପାରନ୍ତି । କିନ୍ତୁ ନବଜାତ ଶିଶୁମାନଙ୍କଠାରେ ଏହି ସଂକ୍ରମଣ ହେବାର କାରଣ କ’ଣ? ଆସନ୍ତୁ ଜାଣିବା

ବାୟୁରେ ନିଜର ଉପସ୍ଥିତି କାରଣରୁ HMPV ଭାଇରସ୍ ଫୁସଫୁସକୁ ଅଧିକ ପ୍ରଭାବିତ କରିଥାଏ । ଏହାର ସଂକ୍ରମଣ ଉପର ଏବଂ ତଳ ଶ୍ୱାସନଳୀରେ ଆରମ୍ଭ ହୋଇଥାଏ । ବେଳେବେଳେ ଏହି ଭାଇରସ୍ କାନରେ ବ୍ୟାପିବା ଆରମ୍ଭ କରିଥାଏ ।

ନବଜାତ ଶିଶୁମାନଙ୍କ ମଧ୍ୟରେ HMPV ଭାଇରସ୍ ସଂକ୍ରମଣର ମୁଖ୍ୟ କାରଣ ହେଉଛି ରୋଗପ୍ରତିରୋଧକ ଶକ୍ତି ହ୍ରାସ । ଜନ୍ମ ସମୟରେ ଶିଶୁମାନଙ୍କର ରୋଗ ପ୍ରତିରୋଧକ ଶକ୍ତି ଦୁର୍ବଳ ରହିଥାଏ । ସେମାନେ ସଂକ୍ରମଣ ସହିତ ଲଢିବା ପାଇଁ ପର୍ଯ୍ୟାପ୍ତ ପରିମାଣର ଆଣ୍ଟିବଡି ଉତ୍ପାଦନ କରିବାରେ ସକ୍ଷମ ନୁହଁନ୍ତି । ଏହା ସହିତ, ଶିଶୁମାନଙ୍କର ଶ୍ୱାସକ୍ରିୟା ସମୟରେ ଭାଇରସ୍ ସହଜରେ ପ୍ରଭାବିତ କରିଥାଏ । ବୟସ୍କ ବ୍ୟକ୍ତିଙ୍କଠାରେ ମଧ୍ୟ ଏହି ଭାଇରସ୍ ଅଧିକ ପ୍ରଭାବ ପକାଇଥାଏ । ତାହାର କାରଣ ହେଉଛି ରୋଗ ପ୍ରତିରୋଧକ ଶକ୍ତିର ଦୁର୍ବଳତା ।

ସାଧାରଣତଃ , HMPV ସଂକ୍ରମଣର ପ୍ରାରମ୍ଭିକ ଲକ୍ଷଣ ହେଉଛି ସାମାନ୍ୟ ଜ୍ୱର, କାଶ । ଶିଶୁମାନେ ଶ୍ୱାସକ୍ରିୟାରେ ଅସୁବିଧା ସିଣ୍ଡ୍ରୋମ (RDS) କିମ୍ବା ବ୍ରୋଙ୍କାଇଟିସ୍ ପରି ଗଭୀର କାଶ, ଶୀଘ୍ର ନିଶ୍ୱାସ ପ୍ରଶ୍ୱାସ ଏବଂ ଛାତି ଟାଣିବା ପରି ସମସ୍ୟାର ଶିକାର ହୋଇପାରନ୍ତି । ଏହା ରୋଗର ଲକ୍ଷଣ ବୋଲି ବିବେଚନା କରାଯାଏ ।

Disclamer: (ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ତଥ୍ୟକୁ ଆଧାର କରି ମିଳିଥିବା ସୂଚନା ଅନୁଯାୟୀ ଏହା  ପ୍ରଦାନ କରାଯାଇଛି। କୌଣସି କାରଣ ପାଇଁ ZEE ODISHA NEWS ଦାୟୀ ରହିବ ନାହିଁ।

Also Read- Rahu Gochar 2025: ଶନିଙ୍କ ନକ୍ଷତ୍ରରେ ରାହୁଙ୍କ ଚଳନ, ବଦଳିବ ୩ ରାଶିର ଭାଗ୍ୟ

Also Read- Mangal Gochar 2025: ବର୍ଷର ପ୍ରଥମ ରାଶି ପରିବର୍ତ୍ତନ କରିବେ ମଙ୍ଗଳ, ୧୭ ଦିନ ପରେ ୩ ରାଶିକୁ ଫାଇଦା !