Hockey World Cup 2023: ପ୍ରଥମ ମ୍ୟାଚରେ ଭାରତ ସହ ମୁହାଁମୁହିଁ ହେବ ସ୍ପେନ, ଅଧିନାୟକ ଇଗ୍ଲେସିଆ ଦେଲେ ବଡ଼ ବୟାନ

FIH Odisha Hockey World Cup 2023: ହକି ବିଶ୍ୱକପ ୨୦୨୩ର ମେଗା ଇଭେଣ୍ଟର ପ୍ରଥମ ମ୍ୟାଚରେ ଭାରତ ଓ ସ୍ପେନ ମୁହାଁମୁହିଁ ହେବେ । ଯାହାକୁ ନେଇ ଖେଳାଳିଙ୍କ ଠାରୁ ଆରମ୍ଭ କରି ହକି ପ୍ରଶଂସକଙ୍କ ମଧ୍ୟ ଉତ୍ସୁକତା ଦେଖାଦେଇଛି । ଭାରତ ଓ ସ୍ପେନ ମ୍ୟାଚ ପୂର୍ବରୁ ସ୍ପେନ ଅଧିନାୟକ (Spain Captain) ଆଲଭାରୋ ଇଗ୍ଲେସିଆସ (Alvaro Iglesias) ବହୁତ ଉତ୍ସାହିତ ଅଛନ୍ତି । ଆପଣଙ୍କୁ କହି ରଖୁଛୁ ଯେ, ଚଳିତ FIH ହକି ବିଶ୍ୱକପ ୨୦୨୩ (Hockey World Cup 2023) ଓଡ଼ିଶାରେ ଅନୁଷ୍ଠିତ ହେଉଛି  । ଜାନୁଆରୀ ୧୩ରେ ରାଉରକେଲାରେ ଭାରତ ବିପକ୍ଷରେ ସ୍ପେନ ହକି ଦଳ ନିଜର ଅଭିଯାନ ଆରମ୍ଭ କରିବ । ଆଲଭାରୋ ଇଗ୍ଲେସିଆସ (Alvaro Iglesias)  ଙ୍କ ଅନୁଯାୟୀ, ଏହା ଦୁନିଆର ଯେକୌଣସି ବିପକ୍ଷ ଦଳ ପାଇଁ ସବୁଠାରୁ ରୋମାଞ୍ଚକର ଚ୍ୟାଲେଞ୍ଜ ହେବ ।

ଆଲଭାରୋ ଇଗ୍ଲେସିଆସ (Alvaro Iglesias) ଆଗକୁ କହିଛନ୍ତି, ମୁଁ ଭାବୁଛି ଏହା ହେଉଛି ସବୁଠାରୁ ରୋମାଞ୍ଚକର ଖେଳ ଯାହା ଆପଣ ଖେଳିପାରିବେ । ଯଦି କେହି ପଚାରନ୍ତି ସେମାନେ କାହା ବିପକ୍ଷରେ ଗେମ୍ ଖେଳିବାକୁ ଚାହୁଁଛନ୍ତି, ବୋଧହୁଏ ସମସ୍ତେ କହିବେ ଯେ ସେମାନେ ବିଶ୍ୱକପ୍‌ର ଉଦଘାଟନୀ ମ୍ୟାଚରେ ଭାରତ ବିପକ୍ଷରେ ନିଜର ମ୍ୟାଚ୍ ଖେଳିବାକୁ ଚାହୁଁଛନ୍ତି । ତାହା ବହୁତ ଭଲ ହେବ । ଆମର ପ୍ରସ୍ତୁତି ଭଲ ହୋଇଛି ।

ଆଲଭାରୋ ଇଗ୍ଲେସିଆସ (Alvaro Iglesias)  ଆହୁରି ମଧ୍ୟ କହିଛନ୍ତି ଯେ, ଆମେ ଜାଣୁ ଯେ ରାଉରକେଲା ଷ୍ଟାଡିୟମ ବଡ ଅଟେ । ସେଠାରେ ବହୁତ ଭିଡ଼ ହେବ । ଆମର ସାଥୀ ଖେଳାଳି ଓ ରେଫରିଙ୍କ ନିର୍ଦ୍ଦେଶକୁ ଶୁଣିବା କଠିନ ହେବ, କିନ୍ତୁ ଏହା ଏକ ଅବିଶ୍ୱସନୀୟ ରୋମାଞ୍ଚକର ପରିବେଶ ହେବ । ଆମେ ପ୍ରକୃତରେ ଏଠାରେ ଖେଳିବାକୁ ଅପେକ୍ଷା କରିଛୁ ।

ଅଧିକ ପଢ଼ନ୍ତୁ:-ମର୍ମନ୍ତୁଦ ସଡ଼କ ଦୁର୍ଘଟଣା; ବିଜେପି ନେତାଙ୍କ ପୁଅ ଓ ଜ୍ୱାଇଁଙ୍କ ମୃତ୍ୟୁ

ଏଠାରେ କହି ରଖୁଛୁ ଯେ, ରାଉରକେଲା ମ୍ୟାଚ୍ ପାଇଁ ସମସ୍ତ ଟିକେଟ୍ ବିକ୍ରି ହୋଇସାରିଛି । ମ୍ୟାଚ୍ ଦିନ ଷ୍ଟାଡିୟମରେ ଥିବା ଭାରି ଜନତା ତାଙ୍କ ଦଳର ଧ୍ୟାନ ଉପରେ ପ୍ରଭାବ ପକାଇବ କି ବୋଲି ପଚରାଯାଇଥିବା ବେଳେ ସ୍ପେନର ମୁଖ୍ୟ କୋଚ୍ କହିଛନ୍ତି ଯେ, ରାଉରକେଲାରେ ପ୍ରତିଦ୍ୱନ୍ଦ୍ୱିତା କରିବା ସମସ୍ତଙ୍କ ପାଇଁ ଚ୍ୟାଲେଞ୍ଜ ହେବ । ମହାମାରୀ ଯୋଗୁଁ ଆମେ ଭାରି ଜନତାଙ୍କ ସାମ୍ନାରେ କିପରି ଖେଳିବାକୁ ଭୁଲି ଯାଇଛୁ । କିନ୍ତୁ ଆମେ ତାହା ଉପରେ ଅଧିକ ଧ୍ୟାନ ଦେବାକୁ ଯାଉନାହୁଁ । ଆମେ ନିଜ ଉପରେ ଧ୍ୟାନ ଦେବୁ ।

ରବିବାର ଦିନ ରାଉରକେଲାରେ ଭାରତର ଗ୍ରୁପ୍ ପର୍ଯ୍ୟାୟ ପ୍ରତିଦ୍ୱନ୍ଦ୍ୱୀ ସ୍ପେନ୍ ଓ ୱେଲ୍ସର ଆଗମନ ବିଶ୍ୱକପ୍ ପୂର୍ବରୁ ସହରର ମାହୋଲକୁ ଉଷ୍ମ କରିଦେଇଛି । ଚାର୍ଟର୍ ଫ୍ଲାଇଟ୍ ମାଧ୍ୟମରେ ଭୁବନେଶ୍ୱରରୁ ଉଭୟ ଦଳ ରାଉରକେଲାରେ ପହଞ୍ଚିଥିଲେ । ଯେତେବେଳେ ଭାରତ ବିପକ୍ଷ ପ୍ରଥମ ମ୍ୟାଚରେ ସ୍ପେନର ମୁଖ୍ୟ କୋଚ୍ ମ୍ୟାକ୍ସ କାଲଡାସଙ୍କୁ ତାଙ୍କ ରଣନୀତି ବିଷୟରେ ପଚରାଯାଇଥିଲା, ସେତେବେଳେ ସେ କିଛି ପ୍ରକାଶ କରିବାକୁ ମନା କରିଦେଇଥିଲେ । ବର୍ତ୍ତମାନ ପାଇଁ ହୋଟେଲ ଯାଇ, କିଛି ଖାଦ୍ୟ ଖାଇ ଏବଂ ବିଶ୍ରାମ ନେବାର ଯୋଜନା ଅଛି ବୋଲି ସେ କହିଛନ୍ତି ।