୨୦୨୪ରେ ବିରୋଧୀ ଦଳର ପ୍ରଧାନମନ୍ତ୍ରୀ ପ୍ରାର୍ଥୀଙ୍କୁ ନେଇ ଲାଲୁ ଯାଦବଙ୍କ ଆସିଲା ପ୍ରଥମ ପ୍ରତିକ୍ରିୟା, ଜାଣନ୍ତୁ କ'ଣ କହିଲେ

ନୂଆଦିଲ୍ଲୀ: Lalu Prasad Yadav on Opposition PM Candidate: ଯଦିଓ ବିହାର ମୁଖ୍ୟମନ୍ତ୍ରୀ (Bihar CM) ନୀତିଶ କୁମାର (Nitish Kumar) ବାରମ୍ବାର କହୁଛନ୍ତି ଯେ ସେ ପ୍ରଧାନମନ୍ତ୍ରୀ ପ୍ରାର୍ଥୀ (PM Candidate) ନୁହଁନ୍ତି । ଏହା ପରେ ମଧ୍ୟ ତାଙ୍କ ଦଳ ଜେଡିୟୁ (JDU) ଓ ସହଯୋଗୀ ଦଳ ଆରଜେଡିର ନେତାମାନେ ନୀତିଶ କୁମାରଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀ ବୋଲି କହୁଛନ୍ତି । ଏବେ ରାଷ୍ଟ୍ରୀୟ ଜନତା ଦଳ (RJD) ର ପ୍ରମୁଖ ଲାଲୁ ପ୍ରସାଦ ଯାଦବ (Lalu Prasad Yadav) ନୀତିଶଙ୍କୁ ପ୍ରଧାନମନ୍ତ୍ରୀ ପଦ ପାଇଁ ପ୍ରାର୍ଥୀ ବୋଲି କହିଛନ୍ତି । ଆରଜେଡି ରାଜ୍ୟ ସଭାପତି ଜଗଦାନନ୍ଦ ସିଂ କହିଛନ୍ତି ଯେ, ଲାଲୁ ପ୍ରସାଦ ଯାଦବ ନୀତିଶ କୁମାରଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀର ଦାବିଦାର ମନେ କରିଛନ୍ତି । ଲାଲୁ ଜୀ ଚାହାଁନ୍ତି ସେ ପ୍ରଧାନମନ୍ତ୍ରୀ ହୁଅନ୍ତୁ । ଜଣେ ପୁରୁଣା ସମାଜବାଦୀ ନେତା ତଥା ଜଗଦାବାବୁ ନାମରେ ଜଣାଶୁଣା ଜଗଦାନନ୍ଦ ସିଂ କହିଛନ୍ତି ଯେ, ଏପରି ଦୁଇ ଥର ଘଟିଛି, ଯେତେବେଳେ ଲାଲୁ ଯାଦବ ଯାହାଙ୍କୁ ଚାହିଁଛନ୍ତି ସେ ଦେଶର ପ୍ରଧାନମନ୍ତ୍ରୀ ହୋଇଛନ୍ତି ।

ଜଗଦାନନ୍ଦ ସିଂ କହିଛନ୍ତି ଯେ, ନୀତିଶ କୁମାରଙ୍କୁ ପ୍ରଧାନମନ୍ତ୍ରୀ କରିବା ପାଇଁ ବିହାର ତରଫରୁ ଉଦ୍ୟମ ଆରମ୍ଭ ହୋଇଛି । ଲାଲୁ ଜୀ ତାଙ୍କୁ ପ୍ରଧାନମନ୍ତ୍ରୀ ପଦ ପାଇଁ ଦାବିଦାର କରିଦେଇଛନ୍ତି । ଏହା ଦୁଇଥର ଘଟିଛି ଯେ ଲାଲୁ ଜୀ ଯାହାଙ୍କୁ କହିଛନ୍ତି ସେ ପ୍ରଧାନମନ୍ତ୍ରୀ ହୋଇଛନ୍ତି, ନୀତିଶ ହୁଏତ ଏପରି ତୃତୀୟ ନେତା ହୋଇପାରନ୍ତି । ନୀତିଶ କୁମାର ବିହାରରେ ସମାଜବାଦୀ ଚିନ୍ତାଧାରାର ଏକ ଛୋଟ ଅଂଶକୁ ପ୍ରତିନିଧିତ୍ୱ କରନ୍ତି ଓ ଲାଲୁ ଯାଦବ ସବୁଠାରୁ ବଡ଼ ଅଂଶକୁ । ବର୍ତ୍ତମାନ ଲାଲୁ ଯାଦବ ତାଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀର ଦାବିଦାର କହିଛନ୍ତି, ତେବେ ସମସ୍ତ ସମାଜବାଦୀ ମଧ୍ୟ ତାଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀ ଭାବରେ ଗ୍ରହଣ କରିଛନ୍ତି । 

ଏଠାରେ କହି ରଖୁଛୁ ଯେ, ସୋନିଆ ଗାନ୍ଧୀ (Sonai Gandhi) ଙ୍କ ସହ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଓ ପୂର୍ବତନ ସିଏମ ଲାଲୁ ପ୍ରସାଦ ଯାଦବଙ୍କ ବୈଠକ ହେବାର ଅଛି । ଏହା ପୂର୍ବରୁ କଂଗ୍ରେସ କହିଛି ଯେ, ବିରୋଧୀ ଏକତା ପାଇଁ ଏକ ମଜଭୁତ କଂଗ୍ରେସ ଅତ୍ୟନ୍ତ ପ୍ରଭାବଶାଳୀ ହେବ ଓ ସହଯୋଗୀମାନଙ୍କୁ ଏହା ବୁଝିବା ଆବଶ୍ୟକ । ଏହି ପ୍ରସଙ୍ଗରେ ଏପର୍ଯ୍ୟନ୍ତ ବ୍ୟାକଫୁଟରେ ଖେଳୁଥିବା କଂଗ୍ରେସ ନୀତିଶ କୁମାର, ଟିଆରଏସ ମୁଖ୍ୟ କେ ଚନ୍ଦ୍ରଶେଖର ରାଓ, ଟିଏମସି ମୁଖ୍ୟ ମମତା ବାନାର୍ଜୀ ଏବଂ ଶରଦ ପାୱାରଙ୍କ ସହ ମୋର୍ଚ୍ଚା ସମ୍ଭାଳିଛନ୍ତି ।

ଅଧିକ ପଢ଼ନ୍ତୁ:-ବାବା ଭେଙ୍ଗାଙ୍କ ଏହି ଭୟଙ୍କର ଭବିଷ୍ୟବାଣୀରୁ ଭୟଭୀତ ସାରା ଦୁନିଆ, ୨୦୨୩ରେ ଘଟିବ ଏପରି କିଛି

ଅଧିକ ପଢ଼ନ୍ତୁ:-ଆମ୍ ଆଦମୀ ପାର୍ଟିର ୨ ବିଧାୟକ ଦୋଷୀ ସାବ୍ୟସ୍ତ, ସେପ୍ଟେମ୍ୱର ୨୧ରେ କୋର୍ଟ ଶୁଣାଇବେ ଦଣ୍ଡ; ଜାଣନ୍ତୁ ପୂରା ମାମଲା

ଅଧିକ ପଢ଼ନ୍ତୁ:-ରାହୁଲ ଗାନ୍ଧୀଙ୍କୁ ଟାର୍ଗେଟ କରିବାକୁ ଯାଇ ଫସିଲେ ସ୍ମୃତି ଇରାନୀ, କଂଗ୍ରେସ କଲା ପାଲଟା ଆକ୍ରମଣ ତ ସୋସିଆଲ ମିଡିଆ ୟୁଜର୍ସ ବି କଲେ ଟ୍ରୋଲ୍

କଂଗ୍ରେସ ନେତା ଜୟରାମ ରମେଶ  (Jairam Ramesh) କହିଛନ୍ତି ଯେ,  ବିରୋଧୀ ଏକତାର ଅର୍ଥ ନୁହେଁ ଯେ କଂଗ୍ରେସ ଦୁର୍ବଳ ହୋଇଯାଉ । ଆମର ସହଯୋଗୀମାନେ ବୁଝିବା ଉଚିତ୍ ଯେ ଏକ ମଜବୁତ କଂଗ୍ରେସ ବିରୋଧୀ ଏକତାର ସ୍ତମ୍ଭ ହେବ । ରାହୁଲ ଗାନ୍ଧୀଙ୍କ ଦେଶ ଯୋଡ଼ ଯାତ୍ରା ହେଉଛି କଂଗ୍ରେସକୁ ମଜବୁତ କରିବା ପାଇଁ । ଯଦି ବିରୋଧୀ ମଧ୍ୟ ଏକାଠି ହୁଅନ୍ତି, ତାହା ବହୁତ ଭଲ ଅଟେ । ବାସ୍ତବରେ ବିହାର ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ଦାବି କରିଛନ୍ତି ଯେ, ନୀତିଶ କୁମାର ଓ ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବ ଦିଲ୍ଲୀ ଯାଇ କଂଗ୍ରେସ ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଭେଟିବେ ।