'ଆମେ ମନ୍ଦିର ନିର୍ମାଣ କରୁ, ଗରିବଙ୍କ ପାଇଁ ଗରିବଙ୍କ ଘରୁ ମଧ୍ୟ ନିର୍ମାଣ କରୁ'

ବନାରସ: ସୋମବାର ବହୁ ପ୍ରତୀକ୍ଷିତ କାଶୀ ବିଶ୍ୱନାଥ କରିଡ଼ର ଉଦଘାଟନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହି ଅବସରରେ ସେ କହିଛନ୍ତି 'ଆମେ ମନ୍ଦିର ନିର୍ମାଣ କରୁ, ଗରିବଙ୍କ ପାଇଁ ଗରିବଙ୍କ ଘରୁ ମଧ୍ୟ ନିର୍ମାଣ କରୁ'। 

ଏହା ସହିତ ପ୍ରଧାନମନ୍ତ୍ରୀ କହିଛନ୍ତି ଗଙ୍ଗା ନଦୀକୁ ସଫା କରିବା ପାଇଁ ଉତ୍ତରପ୍ରଦେଶ ଠାରୁ ପଶ୍ଚିମବଙ୍ଗ ପର୍ଯ୍ୟନ୍ତ ଅନେକ ଉଦ୍ୟମ ଚାଲିଛି। ପ୍ରତ୍ୟେକ ଭାରତୀୟ ଯେଉଁଠାରେ ଥାଆନ୍ତି, ସେମାନେ ଦେଶ ପାଇଁ କିଛି ନୂଆ କରିବାକୁ ଚେଷ୍ଟା କରିଥାନ୍ତି ଯେତେବେଳେ ଭାରତ ସ୍ୱାଧୀନତାର ୧୦୦ ବର୍ଷର ପୂର୍ତ୍ତି ପାଳନ କରିବାକୁ ଯାଉଛି  ସେତେବେଳେ ଦେଶର ପ୍ରତିଛବି କିପରି ହେବ ସେନେଇ ଉଦ୍ୟମ କରିବାକୁ ହେବ। ଦେଶକୁ ଆତ୍ମନିର୍ଭରଶୀଳ କରିବା ପାଇଁ ଆମକୁ ନିରନ୍ତର ଉଦ୍ୟମ ଜାରି କରିବାକୁ ହେବ। ଏପରି ଏକ ଭାରତ ତିଆରି କରିବାକୁ ହେବ ଯେଉଁଥିରେ ଭୋକାଲ ପାଇଁ ଲୋକାଲ ହେବ। ଏହି ବିଶ୍ୱାସ ସହିତ ମୁଁ ବାବା ବିଶ୍ୱନାଥ ଏବଂ ସମସ୍ତ ଦେବତାଙ୍କ ପାଦତଳେ ପ୍ରଣାମ କରୁଛି। 

ଆମେ ମନ୍ଦିରରେ ଭଗବାନଙ୍କ ଠାରୁ କିଛି ନା କିଛି ମାଗିଥାଉ। ମୋ ପାଇଁ ଲୋକେ ହେଉଛନ୍ତି ଭଗବାନଙ୍କ ରୂପ। ଆମ ଦେଶ ପାଇଁ ତିନୋଟି ସଂକଳ୍ପ ନେବାକୁ ମୁଁ ଆପଣଙ୍କୁ ଅନୁରୋଧ କରୁଛି। ପ୍ରଥମ ସ୍ୱଚ୍ଛତା, ଦ୍ୱିତୀୟ ସୃଷ୍ଟି ଏବଂ ତୃତୀୟ ହେଉଛି ଆତ୍ମନିର୍ଭରଶୀଳ ଭାରତ ପାଇଁ ନିରନ୍ତର ପ୍ରୟାସ। ବର୍ତ୍ତମାନ ଅଯୋଧ୍ୟାରେ  କେବଳ ରାମ ମନ୍ଦିର ନିର୍ମାଣ ହେଉନାହିଁ ବରଂ ପ୍ରତ୍ୟେକ ଜିଲ୍ଲାରେ ମେଡିକାଲ କଲେଜ ନିର୍ମାଣ ହେଉଛି। କେବଳ କାଶୀ ଠାରେ ଭବ୍ୟ କରିଡର ନିର୍ମାଣ ହେଉନାହିଁ ବରଂ ଗରିବ ଲୋକଙ୍କ ପାଇଁ ପକ୍କା ଘର ମଧ୍ୟ ନିର୍ମାଣ କରାଯାଉଛି। ଏହି କାର୍ଯ୍ୟକୁ ସମ୍ପୂର୍ଣ୍ଣ ଭକ୍ତିଭାବ ସହିତ କରାଯାଉଛି। ଆଜିର ଭାରତ ଏହାର ହଜିଯାଇଥିବା ଐତିହ୍ୟକୁ ଖୋଜୁଛି। 

Also Read: ଯଦି ଆପଣ ସନ୍ନ୍ୟାସୀ ତାହେଲେ ପାହାଡରେ କାହିଁକି କରୁନାହାଁନ୍ତି ତପସ୍ୟା?

ସୋମନାଥ ଠାରୁ ବିଶ୍ୱନାଥ ପର୍ଯ୍ୟନ୍ତ ଦ୍ୱାଦଶ ଜ୍ୟୋତିର୍ଲିଙ୍ଗଙ୍କୁ ସ୍ମରଣ କରି ସମସ୍ତ କାର୍ଯ୍ୟ ସମ୍ପନ୍ନ ହୁଏ କାରଣ ଏହା ଦ୍ୱାରା ସମଗ୍ର ଭାରତ ଭ୍ରମଣ ହୋଇଥାଏ। ଯେତେବେଳେ ଭାରତର ଭାବ ଆସିଥାଏ କେଉଁଠାରେ କୌଣସି ଅସମ୍ଭବ ନଥାଏ। ଯଦି ଆପଣ ଭାବିଛନ୍ତି, ନିଷ୍ଠା କରିଛନ୍ତି ତାହେଲେ କିଛି ଅସମ୍ଭବ ନୁହେଁ। ପ୍ରତ୍ୟେକ ଭାରତୀୟଙ୍କ ବାହୁରେ, ସେହି ଶକ୍ତି ଅଛି ଯାହା ପ୍ରତ୍ୟେକ ଅସମ୍ଭବ କାର୍ଯ୍ୟକୁ ସହଜ କରିଥାଏ। ଯେତେ ବଡ଼ ଆହ୍ୱାନ ହେଉନା କାହିଁକି ଆମେ ଭାରତୀୟ ଏହାକୁ ଏକାଠି ପରାସ୍ତ କରିପାରିବା। 

ବାବା ବିଶ୍ୱନାଥ ମନ୍ଦିର ପାଇଁ ମହାରାଜା ରଣଜିତ ସିଂହ ଅନେକ ସୁନା ଦାନ କରିଛନ୍ତି। ଗୁରୁ ନାନକ ଜୀ ମଧ୍ୟ ଏଠାରେ ସତସଙ୍ଗ କରିଥିଲେ। ଦକ୍ଷିଣ ଭାରତର ରାଜା ମଧ୍ୟ କାଶୀ ପାଇଁ ଅନେକ ସହଯୋଗ କରିଥିଲେ। ପ୍ରତ୍ୟେକ ଶୈଳୀର ମନ୍ଦିର ଏଠାରେ ମିଳିବ। ଏହା ମୋର ପୁରୁଣା ଅନୁଭୂତି ଯେ ଘାଟରେ ରହୁଥିବା ଲୋକେ ଏବଂ ଡଙ୍ଗା ଚାଳକ ତେଲୁଗୁ, ତାମିଲ ଏବଂ ମାଲାୟାଲମ୍ ଭାଷାରେ କଥାବାର୍ତ୍ତା କରିଥାନ୍ତି ଯେ ସେମାନେ ଦକ୍ଷିଣ ଭାରତର କୌଣସି ସ୍ଥାନକୁ ଆସିଥିବାର ଦେଖାଯାଏ।

କାଶୀ ହେଉଛି ସେହି ସ୍ଥାନ ଯେଉଁଠି ଭଗବାନ ଶିବଙ୍କ ପ୍ରେରଣାରେ ଗୋସ୍ୱାମୀ ତୁଳସୀ ଦାସ ଜୀ ରାମଚରିତମାନସରଚନା କରିଛନ୍ତି। ଏହା ହେଉଛି ସେହି ସ୍ଥାନ ଯେଉଁଠାରେ ମହାନ କବି କାଳି ଦାସ ଜନ୍ମ ହୋଇଥିଲେ। ଶିବାଜୀ ମଧ୍ୟ ଏଠାରୁ ପ୍ରେରଣା ପାଇଥିଲେ। ଅନେକ ଆଚାର୍ଯ୍ୟଙ୍କ ଜନ୍ମସ୍ଥାନ ଏବଂ କାର୍ଯ୍ୟ ସ୍ଥାନ କାଶୀ। ଏହାର ବିକାଶ ଏହି ଅନନ୍ୟ ସମ୍ମାନର ଶକ୍ତି ସହିତ ଜଡିତ। ସେଥିପାଇଁ କାଶୀକୁ ଆସିବା ପରେ ପ୍ରତ୍ୟେକ ଶ୍ରେଣୀର ଲୋକେ ଏହା ସହିତ ନିଜକୁ ସଂଯୁକ୍ତ ହୋଇଥିବାର ଅନୁଭବ କରିଥାନ୍ତି।

Also Read: ଜବରଦସ୍ତ କରାଯାଉଛି ରାମ ମନ୍ଦିର ନିର୍ମାଣ, ଆଇନ ବିରୁଦ୍ଧରେ ହେଉଛି ନିର୍ମାଣ: ସମାଜବାଦୀ ପାର୍ଟି ସାଂସଦ

କାଶୀରେ ସତ୍ୟ ହେଉଛି ସଂସ୍କାର। ଏଠାରେ ପ୍ରେମ ହେଉଛି ପରମ୍ପରା। କାଶୀ ବାବଦରେ ମୁଁ ଯାହା କହିବି ତାହା କମ ହେବ। କାଶୀ ହେଉଛି ଶିବମୟ ଏବଂ ଜ୍ଞାନମୟ। ଭଗବାନ ଶିବ ନିଜେ କହିଛନ୍ତି ଯେ ପୃଥିବୀ ଅଞ୍ଚଳରେ କାଶୀ ହେଉଛି ମୋର ସାକ୍ଷାତ ଶରୀର। ସେଥିପାଇଁ ଏଠାରେ ଥିବା ପ୍ରତ୍ୟେକ ପଥର ହେଉଛି ଶଙ୍କର। ଶାସ୍ତ୍ରରେ ଏକ ବାକ୍ୟ ଅଛି ଯାହାକି କାଶୀରେ ପ୍ରତ୍ୟେକ ସ୍ଥାନରେ ଭଗବାନ ଶିବଙ୍କ ଦର୍ଶନ ହୋଇଥାଏ। କାଶୀ ଜୀବତ୍ୱକୁ ଶିବତ୍ୱ ସହିତ ସଂଯୋଗ କରିଥାଏ।

ଅନେକ ସୁଲତାନ ଆସିଛନ୍ତି ଏବଂ ଯାଇଛନ୍ତି। ହେଲେ ବନାରସ ସେପରି ରହିଛି। ମୋଗଲ ଶାସକ ଅଉରଙ୍ଗଜେବଙ୍କ ଅତ୍ୟାଚାରର ସାକ୍ଷୀ ହେଉଛି କାଶୀ। ଯିଏ ସଂସ୍କୃତିକୁ କଟ୍ଟରତାରେ ଭାଙ୍ଗିବାକୁ ଚେଷ୍ଟା କରିଥିଲେ। ଯେତେବେଳେ ଅରରଙ୍ଗଜେବ ଏଠାକୁ ଆସିଥାନ୍ତି ସେତେବେଳେ ଶିବାଜୀ ମଧ୍ୟ ଛିଡା ହୋଇଥାନ୍ତି। ଯଦି ସାଲାର ମାସୁଦ ଏଠାକୁ ଆସିଥାଏ ତାହେଲେ ମହାରାଜା ସୁହେଲଦେବ ତାଙ୍କ  ସାମ୍ନା କରିଥାନ୍ତିଯ ବ୍ରିଟିଶ ଯୁଗରେ କାଶୀ ଲୋକ ସେମାନଙ୍କ ସାହସିକତା ପ୍ରଦର୍ଶନ କରିଥିଲେ। ବର୍ତ୍ତମାନ ସମୟ ଚକ୍ରକୁ ଦେଖନ୍ତୁ ଆତଙ୍କ ପର୍ଯ୍ୟାୟ ଇତିହାସ ଅନ୍ଧକାର ପୃଷ୍ଠାରେ ସୀମିତ ରହିଯାଇଛି।

ଯଦି ବାବାଙ୍କ ସହ ଅନ୍ୟ କାହାର ଅବଦାନ ଥାଏ ତାହେଲେ ଏହା ହେଉଛି ବାବାଙ୍କ ଗଣ ଅର୍ଥାତ୍ କାଶୀ ବାସୀ ଯେଉଁମାନେ ନିଜେ ମହାଦେବଙ୍କ ରୂପ ଅଟନ୍ତି। ଯେତେବେଳେ ବାବାଙ୍କୁ ତାଙ୍କ ଶକ୍ତି ଅନୁଭବ କରିବାକୁ ପଡିଥାଏ ସେ କାଶୀଙ୍କୁ ଏକ ମାଧ୍ୟମ କରନ୍ତି। କାଶୀ ବିଶ୍ୱନାଥ କରିଡର ନିର୍ମାଣ କରିଥିବା ଶ୍ରମିକଙ୍କୁ ମଧ୍ୟ ଧନ୍ୟବାଦ ଦେଉଛି ସେମାନେ କୋରୋନା ଅବଧି ସମୟରେ ମଧ୍ୟ ନିର୍ମାଣ କାର୍ଯ୍ୟ ବନ୍ଦ କରିବାକୁ ଦେଇନାହାଁନ୍ତି। ମୁଁ ସେହି ଲୋକଙ୍କୁ ମଧ୍ୟ ଅଭିନନ୍ଦନ ଜଣାଉଛି ଯାହାର ଘର ଏଠାରେ ଥିଲା। ମୁଁ କର୍ମଯୋଗୀ ମୁଖ୍ୟମନ୍ତ୍ରୀ ଯୋଗୀ ଏବଂ ତାଙ୍କ ଦଳକୁ ମଧ୍ୟ ଧନ୍ୟବାଦ ଦେଉଛି।

ଯେତେବେଳେ ବନାରସ ଆସିଥିଲି ମୋର ବିଶ୍ୱାସ ଥିଲା। ମୋ ଅପେକ୍ଷା ବନାରସ ଲୋକଙ୍କ ଉପରେ ମୋର ଅଧିକ ବିଶ୍ୱାସ ଥିଲା। କିଛି ଲୋକ କହୁଥିଲେ ଏହା କିପରି ହେବ? ଏହା ଘଟିବ ନାହିଁ। ମୋଦିଙ୍କ ପରି ଅନେକ ଲୋକ ଆସି ଚାଲିଗଲେ। ବନାରସ ବିଷୟରେ ଧାରଣା ତିଆରି ହେବା ଆରମ୍ଭ କଲା। ଏହି ନିଷ୍କ୍ରିୟତା ବନାରସର ନୁହେଁ। ବ୍ୟକ୍ତିଗତ ସ୍ୱାର୍ଥ ପାଇଁ ବନାରସ ବିରୁଦ୍ଧରେ ଅଭିଯୋଗ କରିଥିଲେ। କାଶୀରେ କେବଳ ଗୋଟିଏ ସରକାର ଅଛି, ଯେଉଁମାନଙ୍କ ହାତରେ ଡମ୍ବରୁ ଅଛି ସେମାନଙ୍କ ସରକାର ଅଛି। କାଶୀକୁ କିଏ ଅଟକାଇ ପାରିବ ଯେଉଁଠାରେ ଗଙ୍ଗା ଏହାର ଧାରା ବଦଳାଇ ପ୍ରବାହିତ ହୁଏ। ମହାଦେବଙ୍କ ଇଚ୍ଛାରେ ଏଠାରେ ସବୁକିଛି ଘଟେ। ଯାହା କହିଛି ଘଟିଛି ତାହା ସବୁ ମହାଦେବ କରିଛନ୍ତି।

Also Read: ରାଜ୍ୟ ବିଧାନସଭା ନିର୍ବାଚନ ପୂର୍ବରୁ ଉତ୍ତର ପ୍ରଦେଶ ଉପମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା

ଆପଣ ଯେବେ ଏଠାକୁ ଆସିବେ କେବଳ ଆସ୍ଥା ଦର୍ଶନ କରିବେ ନାହିଁ। କିପରି ପ୍ରାଚୀନତା ଏବଂ ନବୀନତା ଏକ ସଙ୍ଗରେ ସଜୀବ ରହିଲେ, କିପରି ପୁରାତନ ପ୍ରେରଣା ଭବିଷ୍ୟତକୁ ଦିଗଦର୍ଶନ ଦେଉଛି ତାହାର ସାକ୍ଷାତ ଦର୍ଶନ ଆମେ ବିଶ୍ୱନାଥ ଧାମରେ କରୁଛୁ। ଆମ ପୁରାଣରେ ଏହା କୁହାଯାଇଛି ଯେ କାଶୀରେ ପ୍ରବେଶ କରିବା ମାତ୍ରେ ସମସ୍ତ ବନ୍ଧନରୁ ମୁକ୍ତ ହୋଇଯାଇଥାଏ। ଭଗବାନ ବିଶ୍ୱଶ୍ୱରଙ୍କ ଆଶୀର୍ବାଦ, ଏକ ଅଲୌକିକ ଶକ୍ତି ଆମେ ଏଠାକୁ ଆସିବା ମାତ୍ରେ ଆମର ଅନ୍ତର୍ନିହିତ ଆତ୍ମାକୁ ଜାଗ୍ରତ କରେ। ଏପରି  ଅନୁଭବ ହେଉଛି ଆମର ସମ୍ପୂର୍ଣ୍ଣ ସଚେତନ ବ୍ରହ୍ମାଣ୍ଡ ଏହା ସହିତ ସଂଯୁକ୍ତ। ବିଶ୍ୱନାଥ ଧାମର ଏହି ଘଟଣା ସହିତ ସମଗ୍ର ବିଶ୍ୱ ସଂଯୁକ୍ତ। ଆଜି ଭଗବାନ ଶିବଙ୍କ ପ୍ରିୟ ଦିନ। ଆଜି ଏକ ନୂତନ ଇତିହାସ ସୃଷ୍ଟି ହେଉଛି। ଆଖପାଖରେ ଥିବା ପ୍ରାଚୀନ ମନ୍ଦିର ଆଜି ହଜିଯାଇଛି। ବିଶ୍ୱନାଥ ଧାମର ସମଗ୍ର ପରିସର କେବଳ ଏକ କୋଠା ନୁହେଁ। ଏହା ଭାରତର ପ୍ରାଚୀନତା ଏବଂ ଶକ୍ତିର ପ୍ରତୀକ। ଏଠାରେ ଆପଣ ଆପଣଙ୍କ ଅତୀତର ଗୌରବକୁ ଅନୁଭବ କରିବେ।