Ghulam Nabi Azad: 'କଂଗ୍ରେସରେ ନିଷ୍ପତ୍ତି ନିଅନ୍ତି ରାହୁଲ ଗାନ୍ଧୀଙ୍କ ବ୍ୟକ୍ତିଗତ ସହାୟକ ଏବଂ ସୁରକ୍ଷାକର୍ମୀ'

Ghulam Nabi Azad on Rahul Gandhi: ଦଳ ଛାଡିବା ପରେ କଂଗ୍ରେସ ନେତୃତ୍ୱ ବିରୋଧରେ ବରିଷ୍ଠ ନେତା ଗୁଲାମ ନବୀ ଆଜାଦ। ଅଗଷ୍ଟ ୨୬ ତାରିଖ ଶୁକ୍ରବାର ଦଳର ପ୍ରାଥମିକ ସଦସ୍ୟତା ଏବଂ ଦଳର ସମସ୍ତ ପଦବୀରୁ ଇସ୍ତଫା ଦେଇଥିଲେ। କଂଗ୍ରେସ ଅଧ୍ୟକ୍ଷାଙ୍କ ନିକଟକୁ ପଠାଯାଇଥିବା ଇସ୍ତଫା ପତ୍ରରେ ଗୁଲାମ ନବୀ ଆଜାଦ ଦଳକୁ ନେଇ ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। ଇସ୍ତଫା ପତ୍ରରେ ସେ ଦଳ ସହ ଜଡିତ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉଠାଇ କହିଛନ୍ତି ଯେ ଗତ ୨୦୧୪ ଲୋକସଭା ନିର୍ବାଚନରେ କଂଗ୍ରେସ ଶୋଚନୀୟ ପରାଜୟ ବରଣ କରିଥିଲା। କଂଗ୍ରେସ ଲଗାତାର ଭାବେ ୨ ଥର ୨୦୧୪ ଏବଂ ୨୦୧୯ ଲୋକସଭା ନିର୍ବାଚନରେ ପରାସ୍ତ ହୋଇଛି। ଏପରିକି ୪୯ ବିଧାନସଭା ନିର୍ବାଚନରେ ମଧ୍ୟରୁ କଂଗ୍ରେସ ୩୯ ନିର୍ବାଚନ ହାରିଛି। ଗତ ୨୦୧୯ ଲୋକସଭା ନିର୍ବାଚନ ପରେ କଂଗ୍ରେସ ସ୍ଥିତ ଅବସ୍ଥା ଆହୁରି ଖରାପ ହୋଇଯାଇଛି। ଦଳରେ ବରିଷ୍ଠ କଂଗ୍ରେସ ନେତା ଅପମାନିତ ହୋଇଥିଲେ। ୟୁପିଏ ମେଣ୍ଟର କଣ୍ଟ୍ରୋଲ୍ ମଡେଲ୍ ଦଳରେ ଲାଗୁ କରାଯାଇଥିଲା।

କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କ (Congress president Sonia Gandhi) ପାଖକୁ ପଠାଯାଇଥିବା ୫ ପୃଷ୍ଠାର ଇସ୍ତଫା ପତ୍ରରେ ଗୁଲାମ ନବୀ ଆଜାଦ (Ghulam Nabi Azad) କହିଛନ୍ତି ଯେ ସେ ଏହି ପଦକ୍ଷେପ ନେଉଛନ୍ତି। ସେ ହେଉଛନ୍ତି ଦଳର ଅସନ୍ତୁଷ୍ଟ ଗୋଷ୍ଠୀ G23 ସଦସ୍ୟ (Congress G23 Member) ଯିଏ ଦଳରେ ପରିବର୍ତ୍ତନ ଆଣିବାକୁ ଚେଷ୍ଟା କରୁଥିଲେ। ଅଖିଳ ଭାରତୀୟ କଂଗ୍ରେସ କମିଟି (All India Congress Committee) ଚଳାଉଥିବା କିଛି ନିର୍ଦ୍ଧିଷ୍ଟ ଲୋକ ଦ୍ୱାରା ନିୟନ୍ତ୍ରିତ କଂଗ୍ରେସ (Congress) ଦେଶର ହିତକାରୀ ପ୍ରସଙ୍ଗରେ ଲଢେଇ କରିବାର ଇଚ୍ଛା ଏବଂ କ୍ଷମତା ହରାଇଛି।

ନିଜେ ଇସ୍ତଫା ପତ୍ରରେ ଗୁଲାମ ନବୀ ଆଜାଦ କହିଛନ୍ତି ଯେ କଂଗ୍ରେସ ନେତୃତ୍ୱ 'ଭାରତ ଯୋଡ ଯାତ୍ରା' (Bharat Jodo Yatra) ପୂର୍ବରୁ 'କଂଗ୍ରେସ ଯୋଡ ଯାତ୍ରା' (Congress Jodo Yatra) ବାହାର କରିବା ଆବଶ୍ୟକ। ଦଳର ଦୁର୍ବଳତା ପ୍ରତି ଧ୍ୟାନ ଦେବା ପାଇଁ ଚିଠି ଲେଖିଥିବା G23 ଗୋଷ୍ଠୀର ନେତାଙ୍କୁ ଅପମାନିତ କରାଯାଇଥିଲା। କଂଗ୍ରେସ ଛାଡିବା ସମ୍ପର୍କରେ ଘୋଷଣା କରି ସେ କହିଛନ୍ତି ଯେ ଦଳର କୌଣସି ସ୍ତରରେ ନିର୍ବାଚନ ଅନୁଷ୍ଠିତ ହୋଇନାହିଁ। ବର୍ତ୍ତମାନ ଦଳର ପରିସ୍ଥିତି ଏପରି ଏକ ସ୍ଥିତିରେ ପହଞ୍ଚିଛି ଯେଉଁଠାରୁ କଂଗ୍ରେସକୁ ଫେରାଇ ଅଣା ଯାଇପାରିବ ନାହିଁ। ଦଳର ନେତୃତ୍ୱ ନେବାକୁ ତାଙ୍କ ପ୍ରତିନିଧିଙ୍କୁ ପରୋକ୍ଷରେ ଆଗକୁ ନିଆଯାଉଛି ବୋଲି ସେ କହିଛନ୍ତି। ଦଳ ସହିତ ବଡ଼ ଧରଣର ପ୍ରତାରଣା ପାଇଁ ଦଳୀୟ ନେତୃତ୍ୱକୁ ଦାୟୀ କରିଛନ୍ତି ଏବଂ କହିଛନ୍ତି ଯେ ଏଆଇସିସି ନିର୍ବାଚିତ କାର୍ଯ୍ୟାଳୟ ଅଧିକାରୀ ଏବଂ ଏହାକୁ ଚଳାଉଥିବା କିଛି ଦଳୀୟ ନେତାଙ୍କ ଦ୍ୱାରା ପ୍ରସ୍ତୁତ ତାଲିକାରେ ଦସ୍ତଖତ କରିବାକୁ ବାଧ୍ୟ କରାଯାଇଥିଲା। 

Also Read: Ghulam Nabi Azad: କଂଗ୍ରେସରୁ ଆଜାଦ ହେଲେ ଗୁଲାମନବୀ, ଦଳକୁ କହିଲେ ଏକଥା

ରାହୁଲ ଗାନ୍ଧୀଙ୍କ (Rahul Gandhi) ବିରୋଧରେ ଗୁରୁତର ଅଭିଯୋଗ ଆଣି ସେ କହିଛନ୍ତି ଯେ କଂଗ୍ରେସ ସହ ଜଡିତ ନିଷ୍ପତ୍ତି ରାହୁଲ ଗାନ୍ଧୀଙ୍କ ବ୍ୟକ୍ତିଗତ ସହାୟକ ଏବଂ ସୁରକ୍ଷାକର୍ମୀ ନେଇଥାନ୍ତି। ନିଜ ଇସ୍ତଫା ପତ୍ରରେ କ'ଣ କହିଛନ୍ତି ଗୁଲାମ ନବୀ ଆଜାଦ...

• ରାହୁଲ ଗାନ୍ଧୀ ଦଳର ପରାମର୍ଶଦାତା ବ୍ୟବସ୍ଥାକୁ ନଷ୍ଟ କରିଛନ୍ତି।
• ବରିଷ୍ଠ ତଥା ଅଭିଜ୍ଞ ନେତାଙ୍କୁ ଦଳରେ ପୃଥକ ରଖାଗଲା। ଅନଭିଜ୍ଞ ତଥା ଚାଟୁକାର ନେତାଙ୍କୁ ଦଳୀୟ ଦାୟିତ୍ ଦିଆଗଲା।
• ସରକାରୀ ଅଧ୍ୟାଦେଶ ଫାଡିବା ରାହୁଲ ଗାନ୍ଧୀଙ୍କ ରାଜନୈତିକ ଅପରିପକ୍ୱତାର ଏକ ଉଦାହରଣ।
• ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ପଦର ଗାରିମାକୁ ଆଘାତ ଦେଇଛନ୍ତି।
• ୨୦୧୪ ଲୋକସଭା ନିର୍ବାଚନରେ କଂଗ୍ରେସର ପରାଜୟ ପାଇଁ ଏହି ଗୋଟିଏ କାର୍ଯ୍ୟ ଦାୟୀ।
• ୨୦୧୩ ବର୍ଷରେ ପ୍ରସ୍ତୁତ ପ୍ରସ୍ତାବିତ କାର୍ଯ୍ୟ ଯୋଜନା ସଠିକ୍ ଭାବରେ କାର୍ଯ୍ୟକାରୀ ହୋଇପାରିଲା ନାହିଁ।
• ଗତ ୨୦୧୪ ଲୋକସଭା ନିର୍ବାଚନ ପର ଠାରୁ ବର୍ତ୍ତମାନ ପର୍ଯ୍ୟନ୍ତ ଦଳରେ ସମଗ୍ର ଦେଶରେ ଅନୁଷ୍ଠିତ ହୋଇଥିବା ୪୯ ବିଧାନସଭା ନିର୍ବାଚନ ମଧ୍ୟରୁ ୩୯ ନିର୍ବାଚନ ହାରିଛି। 
• ରିମୋଟ୍ କଣ୍ଟ୍ରୋଲ୍ ମୋଡ୍ ୟୁପିଏ ସରକାର ଏବଂ ବର୍ତ୍ତମାନ ଦଳର ଆନୁଷ୍ଠାନିକ ଅଖଣ୍ଡତାକୁ ଭାଙ୍ଗି ଦେଇଛି।
• ଦଳରେ ସୋନିଆ ଗାନ୍ଧୀ କେବଳ ନାମକୁ ମାତ୍ର ନେତା।
• ରାହୁଲ ଗାନ୍ଧୀଙ୍କ ବ୍ୟକ୍ତିଗତ ସହାୟକ ଏବଂ ସୁରକ୍ଷା କଂଗ୍ରେସ ସହ ଜଡିତ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଉଛନ୍ତି।
• ଗତ ୨୦୨୦ ଅଗଷ୍ଟରେ G23 ଗୋଷ୍ଠୀର ଚିଠି ପରେ ଦଳର ଚାଟୁକାର ଦଳୀୟ ନେତାଙ୍କୁ ଖୋଲା ଛାଡ଼ି ଦେଇଥିଲା। ସେମାନେ ଦଳର ବରିଷ୍ଠ ତଥା ଅଭିଜ୍ଞ ନେତାଙ୍କୁ ଅପମାନିତ କରିଥିଲେ।
• କଂଗ୍ରେସ କାର୍ଯ୍ୟକାରୀ କମିଟି ବୈଠକରେ ଆମକୁ ଅପମାନିତ କରାଯାଇଥିଲା।
• ଯଦି ଅନ୍ୟ କେହି ଦଳର ନେତୃତ୍ୱ ନିଅନ୍ତି ତାହେଲେ ସେ ସଖିକଣ୍ଢେଇ ଭଳି କାମ କରିବେ।
• ଦଳୀୟ ନେତୃତ୍ୱ ଜଣେ ଅଣ ଗମ୍ଭୀର ବ୍ୟକ୍ତିଙ୍କୁ ଦଳର ଶୀର୍ଷ ପଦରେ ବସାଇବାକୁ ଚେଷ୍ଟା କରୁଛି।
• ଦଳରେ ସାଙ୍ଗଠନିକ ନିର୍ବାଚନ ପ୍ରକ୍ରିୟା ଏକ ଲୋକ ଦେଖାଣିଆ ଘଟଣା। 
• ଭାରତ ଯୋଡ ଯାତ୍ରା ବଦଳରେ ପ୍ରଥମେ କଂଗ୍ରେସ ଯୋଡ ଅଭିଆନ ଆରମ୍ଭ କରାଯିବା ଆବଶ୍ୟକ।