Politician Salary In India: ରାଷ୍ଟ୍ରପତିଙ୍କ ଠାରୁ ବିଧାୟକ ପର୍ଯ୍ୟନ୍ତ ଜାଣନ୍ତୁ କିଏ ପାଇଥାନ୍ତି କେତେ ଦରମା? କାହାକୁ ଦେବାକୁ ପଡେ ଟ୍ୟାକ୍ସ ଓ କାହାକୁ ମିଳେ ରିହାତି

ରାଷ୍ଟ୍ରପତି ଦ୍ରୌପଦୀ ମୁର୍ମୁ: ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ପ୍ରତିମାସରେ ୫ ଲକ୍ଷ ଟଙ୍କା ବେତନ ପାଆନ୍ତି । ଏହି ପଦବୀରୁ ଅବସର ନେବା ପରେ ପ୍ରତ୍ୟେକ ରାଷ୍ଟ୍ରପତିଙ୍କୁ ପେନସେନ ହିସାବରେ ୧.୫ ଲକ୍ଷ ଟଙ୍କା ଦିଆଯାଏ ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି: ଭାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବେସିକ୍ ସାଲାରି ହେଉଛି ୧ ଲକ୍ଷ ୬୦ ହଜାର ଟଙ୍କା । ଏହା ସହିତ ବିଭିନ୍ନ ପ୍ରକାରର ସରକାରୀ ଭତ୍ତା ଓ ଅନ୍ୟାନ୍ୟ ସେବା ପ୍ରଧାନମନ୍ତ୍ରୀଙ୍କୁ ଦିଆଯାଉଛି ।

ଉପରାଷ୍ଟ୍ରପତି ଜଗଦୀପ ଧନଖର: ଭାରତର ଉପରାଷ୍ଟ୍ରପତି ଜଗଦୀପ ଧନଖର ରାଷ୍ଟ୍ରପତିଙ୍କ ତୁଳନାରେ ଏକ ଲକ୍ଷ ଟଙ୍କା କମ୍ ପାଇଥାନ୍ତି । ଦେଶର ଉପରାଷ୍ଟ୍ରପତିଙ୍କୁ ୪ ଲକ୍ଷ ଟଙ୍କା ଦରମା ଦିଆଯାଇଥାଏ । ଦରମା ବ୍ୟତୀତ ତା'ଙ୍କୁ ଅନ୍ୟାନ୍ୟ ଭତ୍ତା ମଧ୍ୟ ଦିଆଯାଏ ।

ରାଜ୍ୟପାଳ: ଭାରତ ରାଜ୍ୟପାଳଙ୍କୁ ପ୍ରତି ମାସରେ ୩.୫ ଲକ୍ଷ ଟଙ୍କା ଦରମା ଦିଆଯାଏ । ରାଜ୍ୟପାଳଙ୍କୁ ଏକ ମାସର ଦରମା ହିସାବରେ ୧ ଲକ୍ଷ ୧୦ ହଜାର ଟଙ୍କା ମିଳିଥାଏ ଓ ସମସ୍ତ ପ୍ରକାର ଭତ୍ତା ମିଶ୍ରଣ କରିବା ପରେ ତାଙ୍କୁ ୩.୫ ଲକ୍ଷ ଟଙ୍କା ଦିଆଯାଏ ।

ମୁଖ୍ୟମନ୍ତ୍ରୀ: ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ଦରମା ମଧ୍ୟ ଭିନ୍ନ ଅଟେ । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ପ୍ରତିମାସରେ ୪ ଲକ୍ଷ ଟଙ୍କା ଦରମା ମିଳିଥାଏ । ସର୍ବାଧିକ ଦରମା କର୍ଣ୍ଣାଟକ ମୁଖ୍ୟମନ୍ତ୍ରୀ ଏଚ୍ କୁମାରସ୍ୱାମୀ ଯାହାଙ୍କ ଦରମା ୪ ଲକ୍ଷ ୨୧ ହଜାର ଟଙ୍କା । ଓଡ଼ିଶା ମୁଖ୍ୟମନ୍ତ୍ରୀଙ୍କୁ ୧ ଲକ୍ଷ ୬୦ ହଜାର ଦରମା ମିଳିଥାଏ ।

ବିଧାୟକ: ପ୍ରତ୍ୟେକ ରାଜ୍ୟର ବିଧାୟକଙ୍କ ଦରମା ଅଲଗା ଅଟେ। ଧାରା ୧୬୪ ଅନୁଯାୟୀ, ପ୍ରତ୍ୟେକ ରାଜ୍ୟରେ ବିଧାୟକଙ୍କ ଦରମା ଏହାର ରାଜ୍ୟ ବିଧାନସଭା ଦ୍ୱାରା ସ୍ଥିର ହୋଇଛି । ଓଡ଼ିଶା ବିଧାୟକଙ୍କ ଦରମା ୧ ଲକ୍ଷ ଟଙ୍କା ଓ ଏହା ସମେତ ଅନ୍ୟାନ୍ୟ ଭତ୍ତା ମଧ୍ୟ ଦିଆଯାଏ ।