Cristiano Ronaldo: ରୋନାଲ୍ଡୋ ନା ତାଙ୍କ ଗର୍ଲଫ୍ରେଣ୍ଡ ଜର୍ଜିନା, କିଏ ଅଧିକ ଧନୀ; ଜାଣନ୍ତୁ କିଏ କେତେ ସମ୍ପତ୍ତିର ମାଲିକ

Cristiano Ronaldo Girlfriend Total Net Worth:  ଆଜିକାଲି କ୍ରିଷ୍ଟିଆନୋ ରୋନାଲ୍ଡୋଙ୍କ ଚର୍ଚ୍ଚା ଖୁବ୍ ଚାଲିଛି । ଏହାର କାରଣ ହେଉଛି ନିକଟ ଅତୀତରେ କ୍ରିଷ୍ଟିଆନୋ ରୋନାଲ୍ଡୋ (Cristiano Ronaldo) ସାଉଦି ଆରବର ଅଲ ନାସର (Al-Nassr) ଫୁଟବଲ କ୍ଲବରେ ଯୋଗଦେଇଛନ୍ତି । ସେ ନିଜ ଗର୍ଲଫ୍ରେଣ୍ଡ (Cristiano Ronaldo Girlfriend) ସହିତ ସାଉଦି ଆରବରେ ରହିବାକୁ ଚାହୁଁଛନ୍ତି । ରୋନାଲ୍ଡୋ ୨୦୧୬ରୁ ଜର୍ଜିନା ରୋଡ୍ରିଗେଜ (Georgina Rodriguez) ସହିତ ଅଛନ୍ତି ।

କ୍ରିଷ୍ଟିଆନୋ ରୋନାଲ୍ଡୋ ତାଙ୍କ ପରିବାର ସହିତ ସମୟ ବିତାଇବାକୁ ଭଲ ପାଆନ୍ତି । ଯେତେବେଳେ ବି ସେ ଖେଳ ପଡିଆଠାରୁ ଦୂରରେ ରହନ୍ତି, ସେ ଅଧିକାଂଶ ସମୟ ନିଜ ପରିବାର ସହିତ ବିତାଇଥା’ନ୍ତି ।

କ୍ରିଷ୍ଟିଆନୋ ରୋନାଲ୍ଡୋ କେବଳ ଜୁନ୍ ୨୦୧୮ରୁ ଜୁନ୍ ୨୦୧୯ ମଧ୍ୟରେ ଏକ ବର୍ଷ ମଧ୍ୟରେ ବିଜ୍ଞାପନରୁ ୧୧୦ ମିଲିୟନ୍ ଡଲାର୍ ରୋଜଗାର କରିଥିଲେ ।

କ୍ରିଷ୍ଟିଆନୋ ରୋନାଲ୍ଡୋଙ୍କ ମୋଟ ସମ୍ପତ୍ତି ମୂଲ୍ୟରେ ଲଗାତର ବଢ଼ି ଚାଲିଛି । ୨୦୧୪ ମସିହାରେ ତାଙ୍କର ମୋଟ ସମ୍ପତ୍ତିର ମୂଲ୍ୟ ୧୫୦ ମିଲିୟନ୍ ଡଲାର ଥିଲା । ସର୍ବଶେଷ ରିପୋର୍ଟ ଅନୁଯାୟୀ, ଏହି ମୋଟ ସମ୍ପତ୍ତି ମୂଲ୍ୟ ୨୦୨୨ରେ ୫୦୦ ମିଲିୟନ ଡ଼ଲାରକୁ ବୃଦ୍ଧି ପାଇଛି ।

ସେଲିବ୍ରିଟି ନେଟୱର୍ଥ ଅନୁଯାୟୀ ରୋନାଲ୍ଡୋଙ୍କ ଗର୍ଲଫ୍ରେଣ୍ଡ ଜର୍ଜିନା ରୋଡ୍ରିଗେଜଙ୍କ ସମ୍ପତ୍ତିର ମୋଟ ମୂଲ୍ୟ ହେଉଛି ୧୦ ମିଲିୟନ୍ ଡଲାର ।

କ୍ରିଷ୍ଟିଆନୋ ରୋନାଲ୍ଡୋଙ୍କ ଗର୍ଲଫ୍ରେଣ୍ଡ ଜଣେ ମଡେଲ, ନୃତ୍ୟଶିଳ୍ପୀ, ପେଶା ଅନୁଯାୟୀ ଅଭିନେତ୍ରୀ । ତାଙ୍କୁ ମାତ୍ର ୨୮ ବର୍ଷ ବୟସ ହୋଇଛି । ଫୋର୍ବସ୍ ପତ୍ରିକା ଅନୁଯାୟୀ, ୨୦୨୧ରେ ଶ୍ରେଷ୍ଠ ୧୦୦ ପ୍ରଭାବଶାଳୀମାନଙ୍କ ମଧ୍ୟରୁ ସେ ଜଣେ ଥିଲେ ।

କ୍ରିଷ୍ଟିଆନୋ ରୋନାଲ୍ଡୋଙ୍କ ପାଖରେ ମାନହଟାନର ଟ୍ରମ୍ପ ଟାୱାରର ଏକ ଆପାର୍ଟମେଣ୍ଟ ଠାରୁ ଆରମ୍ଭ କରି ୬.୨ ମିଲିୟନ ଡଲାର ମୂଲ୍ୟର ଲା ଫିନକାର ବିଳାସପୂର୍ଣ୍ଣ ଭିଲ୍ଲା ଏବଂ ବିଭିନ୍ନ ପ୍ରକାରର ଆପାର୍ଟମେଣ୍ଟ ଅଛି ।

ଦୁନିଆର ଅନେକ ସୁପର-ଧନୀଙ୍କ ସହିତ ରୋନାଲ୍ଡୋ ମଧ୍ୟ ଲମ୍ବୋର୍ଗିନି ଆଭେଣ୍ଟାଡୋର ଓ  ରୋଲ୍ସ-ରୋଏସ୍ ସମେତ ଦୁନିଆର କେତେକ ମହଙ୍ଗା କାରର ମାଲିକ ଅଟନ୍ତି । ନିକଟ ଅତୀତରେ ତାଙ୍କ ଗର୍ଲଫ୍ରେଣ୍ଡ ତାଙ୍କୁ ଏକ ରୋଲ୍ସ-ରୋଏସ୍ ଉପହାର ଦେଇଛନ୍ତି ।

ଅଧିକ ପଢ଼ନ୍ତୁ:-କ'ଣ ଆପଣ ବି ଚିକେନକୁ ରୋଷେଇ କରିବା ପୂର୍ବରୁ ଧୋଉଛନ୍ତି? ଯଦି ହଁ, ତେବେ ହୋଇଯାଆନ୍ତୁ ସାବଧାନ

କ୍ରିଷ୍ଟିଆନୋ ରୋନାଲ୍ଡୋଙ୍କର ଏକ ପ୍ରାଇଭେଟ୍ ଜେଟ୍ ମଧ୍ୟ ଅଛି ଯାହାର ମୂଲ୍ୟ ପ୍ରାୟ ୨୦୭ କୋଟି ଟଙ୍କା ହେବ । ତାଙ୍କର ବ୍ୟକ୍ତିଗତ ଜେଟ୍ ଆଧୁନିକ ଜିନିଷ ସହିତ ସମ୍ପୂର୍ଣ୍ଣ ସଜ୍ଜିତ । ଏଥିରେ ପ୍ରାୟ ୧୦ ଜଣ ଲୋକ ଆରାମରେ ବସିପାରିବେ ।