Tata Salt Price Hike: ମହଙ୍ଗା ହେବାକୁ ଯାଉଛି ଟାଟା ଲୁଣ, କମ୍ପାନୀ କହିଛି-ନିଷ୍ପତ୍ତି ନେବାକୁ ବାଧ୍ୟ ହେଲୁ

Tata salt Price Hike: ମହଙ୍ଗା ମାଡ଼ରେ ବେହାଲ ଦେଶର ଜନତାଙ୍କ ସ୍ୱାଦ ବିଗିଡ଼ିବାକୁ ଯାଉଛି । ଯେ କୌଣସି ଖାଦ୍ୟରେ ଖାଇବା ଲୁଣ ଗୁରୁତ୍ୱ ବହନ କରିଥାଏ । ଦେଶକୁ ଖାଇବା ଲୁଣ ଯୋଗାଉଥିବା ସବୁଠାରୁ ବଡ଼ ନାମ ହେଉଛି Tata Salt । ହେଲେ ମହଙ୍ଗା ମାଡ଼ରେ ଏବେ ଏହି କମ୍ପାନୀ ଏହା ମୂଲ୍ୟ ବୃଦ୍ଧି କରିବାକୁ ନିଷ୍ପତ୍ତି ନେଇଛି ।

ଟାଟା କଂଜ୍ୟୁମର ସିଇଓ ଦେଲେ ସଙ୍କେତ
ଟାଟା କଂଜ୍ୟୁମର (Tata Consumer Products) ଏମଡି ଏବଂ ସିଇଓ ସୁନୀଲ ଡିସୁଜା ଏକ ସାକ୍ଷାତକାର ସମୟରେ ଟାଟା ଲୁଣ (Tata Salt)ମୂଲ୍ୟ ବୃଦ୍ଧି କରିବାକୁ ସଙ୍କେତ ଦେଇଛନ୍ତି । ସେ କହିଛନ୍ତି କି ଟାଟା ଲୁଣ ଉପରେ ମୁଦ୍ରାସ୍ପିତି ଚାପ ଲଗାତାର ଜାରି ରହିଛି । ଏମିତିରେ ମାର୍ଜିନକୁ ସୁରକ୍ଷା ଦେବା ପାଇଁ ଆମକୁ ଲୁଣ ମୂଲ୍ୟ ବୃଦ୍ଧି କରିବା ପାଇଁ ପ୍ରସ୍ତୁତି କରୁଛୁ ।

Energy ମୂଲ୍ୟ ବୃଦ୍ଧି ହେଉଛି ବଡ଼ କାରଣ
ଡିସୁଜା କହିଛନ୍ତି କି ଲୁଣ ମୂଲ୍ୟକୁ ଦୁଇଟି ଉପାଦାନ ଉପରେ ଆଧାରିତ । ଏଥିରେ ପ୍ରଥମ ବ୍ରାଇନ୍ ଏବଂ ଅନ୍ୟଟି ହେଉଛି ଏନର୍ଜୀ । ବ୍ରାଇନ ମୂଲ୍ୟ ସ୍ଥିର ରହିଥିବାବେଳେ ଏନର୍ଜୀ ବା ଶକ୍ତିର ମୂଲ୍ୟ ଉଚ୍ଚ ସ୍ତରକୁ ପହଞ୍ଚିଯାଇଛି । ଏଥିପାଇଁ ଲୁଣର ମାର୍ଜିନ୍ (Margin)ଉପରେ ଚାପ ଦେଖିବାକୁ ମିଳିଛି । ଟାଟା କଂଜ୍ୟୁମର ସିଇଓଙ୍କ ଅନୁସାରେ, ଏହା ହେଉଛି ସବୁଠାରୁ ବଡ଼ କାରଣ, କି କମ୍ପାନୀ ଟାଟା ଲୁଣ ମୂଲ୍ୟ ବୃଦ୍ଧି କରିବାକୁ ଯୋଜନା କରିଛି । 

ରୋଷେଇ ଘର ବଜେଟ୍ ବିଗାଡ଼ିବ
ଏମିତିରେ ଟାଟା କଂଜ୍ୟୁମର ସିଇଓ ଏହି ସମ୍ପର୍କରେ କୌଣସି ଖୁଲାସା କରିନାହାନ୍ତି କି ଲୁଣ ମୂଲ୍ୟ କେତେ ବୃଦ୍ଧି ହେବ ଏବଂ କେବେ ହେବ । ଏବେ ଟାଟା ଲୁଣ (Tata Salt) ର ଗୋଟିଏ କିଲୋ ପ୍ୟାକେଟ୍ ୨୮ ଟଙ୍କାରେ ଉପଲବ୍ଧ । ସବୁଠାରୁ ଅଧିକ ବିକ୍ରି ହେଉଥିବା ଏହି ଲୁଣ ମହଙ୍ଗା ହେବା ପୂର୍ବରୁ ମହଙ୍ଗା ମାଡ଼ ସହୁଥିବା ଲୋକଙ୍କ ରୋଷେଇ ବଜେଟ୍ ଆହୁରି ବିଗାଡ଼ିବ ।

କମ୍ପାନୀର ଲାଭ ୩୮ ପ୍ରତିଶତ ବଢ଼ିଲା
ବୁଧବାରକୁ ଟାଟା କଂଜ୍ୟୁମର ପ୍ରଥମ ତ୍ରୈମାସିକର ଫଳାଫଳ (Tata Consumer Q1 results)ଘୋଷଣା କରିଛି । ଜୁନ ତ୍ରୈମାସିକରେ କମ୍ପାନୀର ଲାଭ ବାର୍ଷିକ ଆଧାରରେ  ୩୮ ପ୍ରତିଶତ ବଢ଼ି  ୨୫୫ କୋଟି ଟଙ୍କା ପହଞ୍ଚିଯାଇଛି । କମ୍ପାନୀ ସିଇଓଙ୍କ ମୂଲ୍ୟ ବୃଦ୍ଧି ସଙ୍କେତ, ନିଶ୍ଚିତ ଭାବେ ଖାଇବା ସ୍ୱାଦ ବିଗାଡ଼ିବାକୁ ପ୍ରସ୍ତୁତି ହୋଇସାରିଛି ।