ରାସନ ବାଣ୍ଟିବାରେ ଟପରେ ଓଡ଼ିଶା, ଜାଣନ୍ତୁ ୟୁପି ଓ ଗୁଜୁରାଟ ପରି ବିଜେପି ଶାସିତ ରାଜ୍ୟର ସ୍ଥିତି; ଦେଖନ୍ତୁ ପୁରା ତାଲିକା

ନୂଆଦିଲ୍ଲୀ: Ration Distribution Ranking: ରାସନ ଦୋକାନ ମାଧ୍ୟମରେ ଜାତୀୟ ଖାଦ୍ୟ ସୁରକ୍ଷା ଆଇନ (NFSA) କାର୍ଯ୍ୟକାରୀ କରିଥିବା ରାଜ୍ୟଗୁଡ଼ିକର ରାଙ୍କିଂରେ ଓଡିଶା (Odisha) ଶୀର୍ଷରେ ଅଛି । ଏହା ପରେ ଉତ୍ତର ପ୍ରଦେଶ (Uttar Pradesh) ଓ ଆନ୍ଧ୍ର ପ୍ରଦେଶ (Andhra Pradesh) ରହିଛି । ମଙ୍ଗଳବାର କେନ୍ଦ୍ର ସରକାର ଏହି ସୂଚନା ଦେଇଛନ୍ତି । କେନ୍ଦ୍ର ଖାଦ୍ୟ ଓ ଉପଭୋକ୍ତା ବ୍ୟାପାର ମନ୍ତ୍ରୀ ପୀୟୁଷ ଗୋୟଲ ଭାରତରେ ଖାଦ୍ୟ ଏବଂ ପୁଷ୍ଟିକର ସୁରକ୍ଷା ଉପରେ ରାଜ୍ୟ ଖାଦ୍ୟ ମନ୍ତ୍ରୀଙ୍କ ସମ୍ମିଳନୀରେ 'NFSA ପାଇଁ ରାଜ୍ୟର ରାଙ୍କିଂ ଇଣ୍ଡେକ୍ସ-2022' ଜାରି କରିଛନ୍ତି ।

ସ୍ୱତନ୍ତ୍ର ବର୍ଗ ରାଜ୍ୟ (ଉତ୍ତର-ପୂର୍ବ ରାଜ୍ୟ, ହିମାଳୟ ରାଜ୍ୟ ଏବଂ ଦ୍ୱୀପପୁଞ୍ଜ ରାଜ୍ୟ) ମଧ୍ୟରେ ତ୍ରିପୁରା ପ୍ରଥମ ସ୍ଥାନରେ ରହିଛି । ଏହା ପରେ ଯଥାକ୍ରମେ ହିମାଚଳ ପ୍ରଦେଶ ଓ ସିକ୍କିମ୍ ରହିଛନ୍ତି । ରିପୋର୍ଟରେ କୁହାଯାଇଛି ଯେ ଲଜିଷ୍ଟିକ୍ ଫ୍ରଣ୍ଟରେ ସୀମିତତା ଥିବା ସତ୍ତ୍ୱେ ଏହି ରାଜ୍ୟଗୁଡିକ ସାଧାରଣ ବର୍ଗ ରାଜ୍ୟଗୁଡିକ ସହିତ ଭଲ ପ୍ରତିଦ୍ୱନ୍ଦ୍ୱିତା କରିଛନ୍ତି ।

ସରକାରଙ୍କ ଦ୍ୱାରା ପ୍ରକାଶିତ ରାଙ୍କିଙ୍ଗ ଅନୁଯାୟୀ, ଓଡିଶା ୦.୮୩୬ ମାର୍କ ସହିତ ପ୍ରଥମ ସ୍ଥାନରେ ରହିଛି । ଏହା ପରେ ଉତ୍ତରପ୍ରଦେଶ (୦.୭୯୭ ମାର୍କ) ଓ ଆନ୍ଧ୍ର ପ୍ରଦେଶ (୦.୭୯୪)ର ସ୍ଥାନ ରହିଛି ।​ ଏହି ତାଲିକାରେ ଗୁଜୁରାଟ ଚତୁର୍ଥ ସ୍ଥାନରେ ରହିଛି । ଏହା ପରେ ଏହି ତାଲିକାରେ ଅନ୍ତର୍ଭୁକ୍ତ ଅନ୍ୟ ରାଜ୍ୟ ଓ କେନ୍ଦ୍ର ଶାସିତ ପ୍ରଦେଶଗୁଡ଼ିକରେ ଦାଦ୍ରା ଏବଂ ନାଗର ହାଭେଲି, ଦାମନ ଡିୟୁ, ମଧ୍ୟପ୍ରଦେଶ, ବିହାର, କର୍ଣ୍ଣାଟକ, ତାମିଲନାଡୁ ଏବଂ ଝାଡଖଣ୍ଡର ସ୍ଥାନ ରହିଛି ।

ଏହା ବି ପଢ଼ନ୍ତୁ:-ଏଜବାଷ୍ଟନ ଟେଷ୍ଟରେ ଭାରତର ଲଜ୍ଜାଜନକ ପରାଜୟ, ରୁଟ୍-ବେୟାରଷ୍ଟୋ ଯୋଗୁଁ ଇଂଲଣ୍ଡକୁ ମିଳିଲା ଐତିହାସିକ ବିଜୟ

ଏହା ବି ପଢ଼ନ୍ତୁ:-ଏକାନାଥ ସିନ୍ଦେଙ୍କ ଉପରେ ବର୍ଷିଲେ ଉଦ୍ଧବ ଠାକରେ, କହିଲେ-ଗତକାଲି ରିକ୍ସା ଚାଳକଙ୍କ ରିକ୍ସା ଦ୍ରୁତ ବେଗରେ ଚାଲୁଥିଲା, କିନ୍ତୁ...

ଏହା ବି ପଢ଼ନ୍ତୁ:-ଗରିବ ଲୋକଙ୍କ ପାଇଁ ସରକାରଙ୍କ ବଡ଼ ଉପହାର! ଏହି ମାସ ପର୍ଯ୍ୟନ୍ତ ମିଳିବ ମାଗଣା ରାସନ

ଏହା ବ୍ୟତୀତ କେରଳ ରାଙ୍କିଂରେ ଏକାଦଶ ସ୍ଥାନରେ ରହିଛି । ତେଲେଙ୍ଗାନା ଦ୍ୱାଦଶ, ମହାରାଷ୍ଟ୍ର ତ୍ରୟୋଦଶ, ପଶ୍ଚିମବଙ୍ଗ  ଚତୁର୍ଦ୍ଦଶ ଏବଂ ରାଜସ୍ଥାନ ୧୫ ପଞ୍ଚଦଶ ସ୍ଥାନରେ ରହିଛି । ପଞ୍ଜାବ ଷୋଡ଼ଶ ସ୍ଥାନରେ ରହିଛି । ଏହା ସହିତ ପଞ୍ଜାବ ପରେ ହରିୟାଣା ସପ୍ତଦଶ, ଛତିଶଗଡ ଅଷ୍ଟାଦଶ ଏବଂ ଗୋଆ ୧୯ତମ ସ୍ଥାନରେ ରହିଛି ।

ଏଠାରେ କହି ରଖୁଛୁ ଯେ, ମୋଦି ସରକାର ମାଗଣା ରାସନ ଯୋଜନାର ସମୟ ସୀମାକୁ ଚଳିତ ବର୍ଷ ମାର୍ଚ୍ଚ ମାସରେ ସେପ୍ଟେମ୍ୱର ୩୦ ପର୍ଯ୍ୟନ୍ତ ବୃଦ୍ଧି କରିଥିଲେ । ୮୦,୦୦୦ କୋଟି ଟଙ୍କା ବ୍ୟୟରେ ୫ କିଲୋଗ୍ରାମ ଖାଦ୍ୟ ଶସ୍ୟ ମାଗଣାରେ ୬ ମାସ ପାଇଁ ସରକାରଙ୍କ ତରଫରୁ ଦିଆଯାଉଛି । ପୂର୍ବରୁ ଏହି ଯୋଜନାର ଶେଷ ତାରିଖ ଥିଲା ଚଳିତ ବର୍ଷ ମାର୍ଚ୍ଚ ୩୧ ତାରିଖି ଥିଲା । ଅବଶ୍ୟ, ମାର୍ଚ୍ଚ ମାସରେ ହିଁ ଏହାର ଅବଧି ୩୦ ସେପ୍ଟେମ୍ବର ୨୦୨୦ ପର୍ଯ୍ୟନ୍ତ ବୃଦ୍ଧି କରାଯାଇଥିଲା । ଏହା ସହିତ ଗରିବ ବର୍ଗର ଲୋକମାନେ ଚଳିତ ବର୍ଷ ସେପ୍ଟେମ୍ବର ମାସ ପର୍ଯ୍ୟନ୍ତ ଏହି ଯୋଜନାର ଲାଭ ଉଠାଇ ପାରିବେ ।

COVID-19 କାରଣରୁ ଗରିବ ଲୋକଙ୍କୁ ସହାୟତା ଯୋଗାଇବା ପାଇଁ ସରକାର ମାଗଣା ରାସନ ଯୋଜନା ଆଣିଥିଲେ । ଏଥି ସହିତ ଗତ ଦୁଇ ବର୍ଷ ମଧ୍ୟରେ ଏହି ଯୋଜନା ଅଧୀନରେ ପ୍ରାୟ ୨.୬ ଲକ୍ଷ କୋଟି ଟଙ୍କା ଖର୍ଚ୍ଚ ହୋଇସାରିଛି । ମାର୍ଚ୍ଚରେ ଏହି ଯୋଜନା ୬ ମାସ ପାଇଁ ବୃଦ୍ଧି କରାଯାଇଥିଲା । ଏହି କାରଣରୁ ଏହି ଯୋଜନାରେ ଆଉ ୮୦,୦୦୦ କୋଟି ଟଙ୍କା ଖର୍ଚ୍ଚ ହେବ ।