କେଉଁଠି ୭୦୦ ଟଙ୍କା କିଲୋ ଲଙ୍କା ତ କେଉଁଠି ୫୦ ଲକ୍ଷରେ ମିଳୁଛି ୫ଟି ଟମାଟୋ, ଜାଣନ୍ତୁ ଦୁନିଆର ଏହି ୬ଟି 'ଭିକାରୀ' ଦେଶର କାହାଣୀ

ନୂଆଦିଲ୍ଲୀ: କୋରୋନା ସଂକ୍ରମଣ ଦୁନିଆର ପ୍ରାୟ ସମସ୍ତ ଦେଶର ଅର୍ଥ ବ୍ୟବସ୍ଥାକୁ ପ୍ରଭାବିତ କରିଛି । ଭାରତ ସମେତ ବିଶ୍ୱର ଅଧିକାଂଶ ଦେଶ ଏହି ସଙ୍କଟର ସାମ୍ନା କରୁଛି । କିନ୍ତୁ ଆମ ପଡ଼ୋଶୀ ପାକିସ୍ତାନ (Pakistan) ଓ ଶ୍ରୀଲଙ୍କା (Sri Lanka) ପରି ଦେଶର ଅର୍ଥ ଅବସ୍ଥା ଦିନକୁ ଦିନ ଶୋଚନୀୟ ହେବାରେ ଲାଗିଛି । ଶ୍ରୀଲଙ୍କା କାଙ୍ଗାଳ ହେବାକୁ ବସିଲାନି । ଆସନ୍ତୁ ଜାଣିବା ଏପରି ୬ଟି ଦେଶ ବିଷୟରେ, ଯାହାର ଅର୍ଥ ବ୍ୟବସ୍ଥା ଅତ୍ୟନ୍ତ ଖରାପ ସ୍ଥିତିରେ ରହିଛି ।

ଚୀନର ଋଣ ଜାଳ ଓ କୋରୋନା ସଙ୍କଟ ଶ୍ରୀଲଙ୍କାକୁ ଦେବାଳିଆ ପରିସ୍ଥିତିକୁ ଠେଲି ଦେଇଛି । ଏଠାରେ ଲଙ୍କା ୭୦୦ ଟଙ୍କା କିଲୋଗ୍ରାମ, ଆଳୁ ୨୦୦ ଟଙ୍କା କିଲୋଗ୍ରାମ, କ୍ଷୀରର ମୂଲ୍ୟ ଏତେ ପହଞ୍ଚିଛି ଯେ ଲୋକମାନେ ଚା' ମଧ୍ୟ ପିଇପାରୁ ନାହାଁନ୍ତି । ମୁଦ୍ରାସ୍ଫୀତି ଏକ ମାସରେ ୧୫ ପ୍ରତିଶତ ବୃଦ୍ଧି ସହିତ ଶ୍ରୀଲଙ୍କାର ସାଧାରଣ ଲୋକଙ୍କ ଜୀବନକୁ ଅସ୍ତବ୍ୟସ୍ତ କରିଦେଇଛି । ଦୈନନ୍ଦିନ ଖାଦ୍ୟ ସାମଗ୍ରୀର ମୂଲ୍ୟ ଏତେ ବୃଦ୍ଧି ପାଇଛି ଯେ ସାଧାରଣ ବର୍ଗଙ୍କ ପାଇଁ ଏହି ଜିନିଷ କିଣିବା ସହଜ ନୁହେଁ ।

ଶ୍ରୀଲଙ୍କାର ମୁଦ୍ରାସ୍ଫୀତି ବିଷୟରେ ଚିନ୍ତା କରୁଥିବା ଲୋକମାନେ ଜାଣିବା ଉଚିତ୍ ଯେ ପାକିସ୍ତାନର ପରିସ୍ଥିତି ମଧ୍ୟ ବହୁତ ଭଲ ନୁହେଁ । ପାକିସ୍ତାନରେ ଘରୋଇ ଏଲପିଜି ସିଲିଣ୍ଡରର ମୂଲ୍ୟ ୨୫୬୦ ଟଙ୍କା ଓ ବ୍ୟବସାୟିକ ସିଲିଣ୍ଡରର ମୂଲ୍ୟ ହେଉଛି ୯,୮୪୭ ଟଙ୍କା । ପାକିସ୍ତାନରେ ପେଟ୍ରୋଲ ଲିଟର ପିଛା ୧୪୫.୮୨ ଟଙ୍କା ଓ ଡିଜେଲ ୧୪୨.୬୨ ଟଙ୍କାରେ ବିକ୍ରି ହେଉଛି । ଭାରତର ଏହି ପଡ଼ୋଶୀ ଦେଶରେ କ୍ଷୀର ମଧ୍ୟ ୧୪୦ ଟଙ୍କା ଲିଟର ବିକ୍ରି ହେଉଛି ।

୨୦୦୮ ବୈଶ୍ୱିକ ଆର୍ଥିକ ସଙ୍କଟ ଦ୍ୱାରା ସବୁଠାରୁ ଅଧିକ ପ୍ରଭାବିତ ଦେଶ ମଧ୍ୟରେ ଗ୍ରୀସ ହେଉଛି ଅନ୍ୟତମ । ଦେଶ ୨୦୧୨ରେ ୧୩୮ ବିଲିୟନ ଡଲାରର ଋଣ ଥିଲା, ଯାହା ସେ ପରିଶୋଧ କରିପାରିନଥିଲା । ଏହା ପରେ ଗ୍ରୀସକୁ ସର୍ବ ବୃହତ ସାର୍ବଭୌମ ଡିଫଲ୍ଟ ଘୋଷିତ କରାଯାଇଛି । ଗ୍ରୀସରେ ଆନୁମାନିକ ବେକାରୀ ହାର ୨୦୧୨ରୁ ୨୪ ପ୍ରତିଶତରୁ ୨୫ ପ୍ରତିଶତ ମଧ୍ୟରେ ରହିଆସିଛି, ଯାହାକି ବିଶ୍ୱରେ ସର୍ବାଧିକ ।

ମୁଦ୍ରାସ୍ଫୀତି ଆକାଶଛୁଆଁ ହେବା ପରେ ଦକ୍ଷିଣ ଆମେରିକୀୟ ଦେଶ ଭେନେଜୁଏଲା କହିଛି ଯେ ଏହାର ନୂତନ ମୁଦ୍ରା ବ୍ୟବସ୍ଥାରେ ଏକ ମିଲିୟନ୍ ବଲିଭାର (bolivar) ର ମୂଲ୍ୟ ଗୋଟିଏ ବଲିଭାର ହୋଇଯିବ । ଏହା ଦ୍ୱାରା ନେଣଦେଣ ଓ ବଜେଟର ଆକଳନ ଟିକିଏ ସହଜ ହୋଇଯିବ । ଭେନେଜୁଏଲାରେ ମୁଦ୍ରାସ୍ଫୀତି ହାର ୯୨,୯୭୮.୫ ପ୍ରତିଶତ ରହିଛି । ଏକ ରିପୋର୍ଟ ଅନୁଯାୟୀ, ୫ଟି ଟମାଟୋର ମୂଲ୍ୟ ମଧ୍ୟ ୫୦ ଲକ୍ଷ ବଲିଭରରେ ପହଞ୍ଚିଛି, ବଲିଭର୍ ହେଉଛି ଭେନେଜୁଏଲର ମୁଦ୍ରା ।

ବେଲିଜ ୩,୬୦,୦୦୦ ଜନସଂଖ୍ୟା ବିଶିଷ୍ଟ ମଧ୍ୟ ଆମେରିକାରେ ଅବସ୍ଥିତ ଏକ ଛୋଟ ଦେଶ । ଜିଡିପି ୧.୮ ବିଲିୟନ ଡଲାର ସହିତ ଦେଶ ହେଉଛି ଦୁନିଆର ସବୁଠାରୁ ଛୋଟ ଅର୍ଥନୀତି । ବେଲିଜ୍ ଭିତ୍ତିଭୂମି ପ୍ରକଳ୍ପଗୁଡିକ ପାଇଁ ବହୁ ଋଣ କରି ମୋଟ ୫୪ କୋଟି ଡଲାରରୁ ଅଧିକ ଋଣ ନେଇସାରିଥିଲା ।

ଏହା ବି ପଢ଼ନ୍ତୁ:-ଶାରୀରିକ ସମ୍ପର୍କ ଗଢ଼ୁଥିବା ବେଳେ ପୁରୁଷଙ୍କୁ ଲାଗିପାରେ ଏପରି ଆଘାତ! ଜାଣନ୍ତୁ ଏହାର କାରଣ ଓ ଲକ୍ଷଣ

ଏହା ବି ପଢ଼ନ୍ତୁ:-ଭାରତରେ କାହିଁକି ବିରୋଧ ପ୍ରଦର୍ଶନ କରୁଛନ୍ତି ଆଫଗାନ ସେନାର ଯବାନ? ଖାଦ୍ୟ ପାଇଁ ବିକ୍ରି କଲେ ନିଜ...

ଏହା ବି ପଢ଼ନ୍ତୁ:-କୋରୋନା ମାମଲାରେ ଆସିଲା ଗୁଡ୍ ନ୍ୟୁଜ୍

ଏହା ବି ପଢ଼ନ୍ତୁ:-ଅଭିନେତ୍ରୀ ଶ୍ୱେତା ତିୱାରୀଙ୍କ ବିରୋଧରେ FIR ରୁଜୁ, ଭଗବାନଙ୍କୁ ନେଇ ଦେଇଥିଲେ ଆପତ୍ତିଜନକ ବୟାନ

ଏହା ବି ପଢ଼ନ୍ତୁ:-ବିଜେପି ପାଇଁ ମୁଣ୍ଡ ବିନ୍ଧାର କାରଣ ପାଲଟିଲା ଏହି ସିଟ୍; ଗୋଟିଏ ଆସନ, ଦାବିଦାର ୩, ଦଳ କାହାକୁ ଦେବ ଟିକେଟ?

୨୦୦୧ରେ ଆର୍ଜେଣ୍ଟିନା ନିଜରର ଋଣଦାତାମାନଙ୍କୁ ଋଣ ପରିଶୋଧ କରିବାକୁ ମନା କରିଦେଇଥିଲା । ପ୍ରବଳ ବେକାରୀ କାରଣରୁ ଲୋକମାନେ ରାସ୍ତାରେ ହିଂସା ପ୍ରଦର୍ଶନ କରିଥିଲେ । ଆର୍ଜେଣ୍ଟିନାରେ ଯାହା ଘଟିଥିଲା ​​ତାହା ସମଗ୍ର ବିଶ୍ୱରେ ଋଣଦାତାମାନଙ୍କ ପାଇଁ ଏକ ଦୁଃସ୍ୱପ୍ନ ଥିଲା । ବିଶ୍ୱର ସର୍ବାଧିକ ମୁଦ୍ରାସ୍ଫୀତି ଦରରେ ଆର୍ଜେଣ୍ଟିନା ପଞ୍ଚମ ସ୍ଥାନରେ ରହିଛି ।