SM Krishna Passes Away: ଆଉ ନାହାଁନ୍ତି ପୂର୍ବତନ ମୁଖ୍ୟମନ୍ତ୍ରୀ ଏସ୍‌.ଏମ୍ କ୍ରିଷ୍ଣା, ଶୋକ ବ୍ୟକ୍ତ କଲେ ପିଏମ୍ ମୋଦି

SM Krishna Passes Away: ଆଉ ନାହାଁନ୍ତି ବିଶିଷ୍ଟ ରାଜନେତା ତଥା କର୍ଣ୍ଣାଟକ ପୂର୍ବତନ ମୁଖ୍ୟମନ୍ତ୍ରୀ ଏସ୍‌.ଏମ୍ କ୍ରିଷ୍ଣା । ଆଜି ତାଙ୍କ ଦେହାନ୍ତ ହୋଇଛି।  ବିଶେଷ ସୂତ୍ରରୁ ମିଳିଥିବା ସୂଚନା ଅନୁସାରେ, ରାତି ପ୍ରାୟ ୨ଟା ୪୫ ମିନିଟ୍ ସମୟରେ ତାଙ୍କର ଦେହାନ୍ତ ହୋଇଛି। ୯୨ ବର୍ଷ ବୟସରେ ତାଙ୍କ ଦେହାନ୍ତ ହୋଇଥିବା ଜଣାପଡିଛି।  ଏସ୍‌.ଏମ୍ କ୍ରିଷ୍ଣାଙ୍କ ବିୟୋଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୋକବ୍ୟକ୍ତ କରିଛନ୍ତି। ଏସ୍‌.ଏମ୍ କ୍ରିଷ୍ଣାଙ୍କ ଦେହାନ୍ତ ଖବର ଶୁଣି ମୁଁ ଅତ୍ୟନ୍ତ ଦୁଃଖିତ ଓ ମର୍ମାହତ। ତାଙ୍କ ପରିବାର ଏବଂ ପ୍ରଶଂସକଙ୍କୁ ସମବେଦନା ଜଣାଇଛନ୍ତି। 

Shri SM Krishna Ji was a remarkable leader, admired by people from all walks of life. He always worked tirelessly to improve the lives of others. He is fondly remembered for his tenure as Karnataka’s Chief Minister, particularly for his focus on infrastructural development. Shri… pic.twitter.com/Wkw25mReeO

— Narendra Modi (@narendramodi) December 10, 2024

ମୋଦି ନିଜ ସୋସିଆଲ୍ ମିଡିଆ ଏକ୍ସରେ ଲେଖିଛନ୍ତି, ' ଏସ୍‌.ଏମ୍ କ୍ରିଷ୍ଣା ଜଣେ ଉଲ୍ଲେଖନୀୟ ନେତା ଥିଲେ। ତାଙ୍କୁ ବିଭିନ୍ନ ବର୍ଗର ଲୋକମାନେ ପ୍ରଶଂସା କରିଥିଲେ। ସେ ଅନ୍ୟମାନଙ୍କ ଜୀବନରେ ଉନ୍ନତି ଆଣିବା ପାଇଁ ସର୍ବଦା ନିରନ୍ତର ପରିଶ୍ରମ କରିଥିଲେ। କର୍ଣ୍ଣାଟକର ମୁଖ୍ୟମନ୍ତ୍ରୀ ଭାବରେ ତାଙ୍କର କାର୍ଯ୍ୟକାଳ ପାଇଁ, ବିଶେଷ କରି ଭିତ୍ତିଭୂମି ବିକାଶ ଉପରେ ତାଙ୍କର କାର୍ଯ୍ୟ ଚିର ସ୍ମରଣୀୟ ହୋଇ ରହିବ। ଏସ୍‌.ଏମ୍ କ୍ରିଷ୍ଣା ମଧ୍ୟ ଜଣେ ଉତ୍ତମ ପାଠକ ଏବଂ ଚିନ୍ତକ ଥିଲେ। ' । ସମ୍ପୂର୍ଣ୍ଣ ରାଷ୍ଟ୍ରୀୟ ମର୍ଯ୍ୟାଦାରେ ଶେଷକୃତ୍ୟ ସମ୍ପନ୍ନ ହେବ ବୋଲି ଜଣାପଡିଛି। କ୍ରିଷ୍ଣାଙ୍କ ପରିବାରରେ ତାଙ୍କର ପତ୍ନୀ ପ୍ରେମା ଓ ଦୁଇ ଝିଅ, ସମ୍ଭାବି ଓ ମାଳବିକା ରହିଛନ୍ତି ।