Donald Trump: ଡୋନାଲ୍ଡ ଟ୍ରମ୍ପ ରଚୁଥିଲେ କି କିଛି ବଡ ଷଡଯନ୍ତ୍ର? FBI ଚଢାଉରେ ମିଳିଲା ଏହି ଖୁଫିଆ ଦସ୍ତାବେଜ

Donald Trump House Raid: ଆମେରିକାର ଆଇନ ମନ୍ତ୍ରଣାଳୟ ଶୁକ୍ରବାର ଦିନ ସଙ୍ଘୀୟ ଯାଞ୍ଚ ଏଜେନ୍ସିର (FBI) ଆଫିଡେଭିଟର ଖୁଲାସା କରିଛନ୍ତି। ଯେଉଁଥିରେ ଦେଶର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମାର୍-ଆ-ଲାଗୋ ସ୍ଥିତ ବାସଭବନର ହେଉଥିବା ତଲାସିକୁ ଉଚିତ ଦର୍ଶାଇଛି FBI। ସାର୍ବଜନୀନ କରାଯାଇଥିବା ଏହି ଦସ୍ତାବେଜରେ ଅନେକ ସଂଶୋଧନ କରାଯାଇଛି ଓ କେତେକ ପୃଷ୍ଠାରେ କଳା ଚିହ୍ନ ଲଗାଯାଇଛି। ଏଥିରେ ପୂର୍ବତନ ରାଷ୍ଟ୍ରପତିଙ୍କ ଫ୍ଲୋରିଡା ସ୍ଥିତ ଆବାସରେ ଗୋପନୀୟ ଭାବେ ରଖାଯାଇଥିବା ଅତ୍ୟନ୍ତ ସମ୍ବେଦନଶୀଳ ସୂଚନା ରହିଛି। ଦସ୍ତାବେଜରେ ମୁଖ୍ୟତଃ ଅନେକ କଥାର ଖୁଲାସା କରାଯାଇଛି।  

ଟ୍ରମ୍ପଙ୍କ ଶୀତକାଳୀନ ବାସଭବନରେ ଅଗଷ୍ଟ ୮ରେ FBI ଦ୍ବାରା କରାଯାଇଥିବା ତଲାସିରେ ମିଳିଥିବା ଗୋପନୀୟ ଦସ୍ତାବେଜରେ ୧୧ ସିଟ ବିଷୟରେ ଏହି ଆପିଡେଭିଟରେ ଅନେକ ନୂତନ ସୂଚନା ମିଳିନାହିଁ। କିନ୍ତୁ, ଏତିକି ଜଣାପଡୁଛି ଆଇନ ମନ୍ତ୍ରଣାଳୟ ପାଇଁ ଏହି ଦସ୍ତାବେଜ ଗୁଡିକୁ ହାସଲ କରିବା କାହିଁକି ଗୁରୁତ୍ବପୂର୍ଣ୍ଣ ଥିଲା। 

ଆଫିଡେଭିଟରୁ ​​ଜଣାପଡିଛି ଯେ, ଜାନୁୟାରୀ ମାସରେ ଟ୍ରମ୍ପଙ୍କ ବାସଭବନରୁ ମିଳିଥିବା ୧୫ଟି ବକ୍ସ ମଧ୍ୟରୁ ୧୪ଟିରେ  ଗୋପନୀୟ ଲେଖା ହୋଇଥିଲା। ଏହି ବକ୍ସ ଗୁଡିକ ଭିତରୁ ୧୮୪ ଦସ୍ତାବେଜ ମିଳିଥିଲା। ଯେଉଁଥିରେ ଗୋପନୀୟ ଲେଖାଥିଲା। ଏଥି ମଧ୍ୟରୁ ୬୭ରେ କନ୍ଫିଡେନ୍ସିଆଲ, ୯୨ରେ ସିକ୍ରେଟ ଓ ୨୫ରେ ଟପ ସିକ୍ରେଟ ଲେଖା ଥିଲା। 

ଉଚ୍ଚ ସ୍ତରୀୟ ଗୁପ୍ତ ତଥ୍ୟ ଥିବା ଡକ୍ୟୁମେଣ୍ଟ ଗୁଡିକ ଏଥିରେ ଅନ୍ତର୍ଭୁକ୍ତ ରହିଛି। ବକ୍ସଗୁଡିକ ଯାଞ୍ଚ କରୁଥିବା ଏଜେଣ୍ଟମାନେ ଜାଣିବାକୁ ପାଇଲେ ଯେ ଡକ୍ୟୁମେଣ୍ଟଗୁଡିକ ଉପରେ ବିଶେଷ ଭାବରେ ସୂଚିତ ରହିଛି ଯେ, ସୂଚନା ଗୁଡିକ ଅତ୍ୟନ୍ତ ସମ୍ବେଦନଶୀଳ ମାନବ ଉତ୍ସ କିମ୍ବା ବୈଦ୍ୟୁତିକ ଉତ୍ସରୁ ପ୍ରାପ୍ତ ହୋଇଛି।

ଏହି ଆଫିଡେଭିଟ୍‌ରେ ଏପରି ଅନେକ ଡକ୍ୟୁମେଣ୍ଟ ମିଳିଛି ଯେଉଁଥିରେ, 'ଅରିଜିନେଟେର କଣିଟ୍ରୋଲ' ଲେଖାଯାଇଛି। ଏହାର ଅର୍ଥ ହେଉଛି, ଏହାର ଅର୍ଥ ହେଉଛି, ଯେଉଁ ଗୁପ୍ତଚର ଏଜେନ୍ସିର ଅଧିକାରୀମାନେ ଏହି ରିପୋର୍ଟ ପ୍ରସ୍ତୁତ କରିଥିଲେ ସେମାନେ ଚାହୁଁ ନଥିଲେ ଯେ ସେହି ଡକ୍ୟୁମେଣ୍ଟ ଗୁଡିକ ବିନା ଅନୁମତିରେ ଅନ୍ୟ ଏଜେନ୍ସି ମାନଙ୍କୁ ଦିଆଯାଉ। କେନ୍ଦ୍ରୀୟ ଗୁଇନ୍ଦା ସଂସ୍ଥାର ଜଣେ ପୂର୍ବତନ ଅଧିକାରୀ ଡଗଲାସ ଲଣ୍ଡନ କହିଛନ୍ତି ଯେ, ଯେତେବେଳେ ଏପରି ସ୍ତରରେ କିଛି ଗୋପନୀୟ ରଖାଯାଏ, ତାହାର ଅର୍ଥ ହେଉଛି ଯେଉଁମାନେ ତଥ୍ୟ ସଂଗ୍ରହ କରୁଛନ୍ତି ସେମାନଙ୍କ ଜୀବନ ପାଇଁ ବିପଦ ସୃଷ୍ଟି କରିପାରେ।

ସେଣ୍ଟ୍ରାଲ ଇଣ୍ଟେଲିଜେନ୍ସ ଏଜେନ୍ସିର ପୂର୍ବତନ ଅଧିକାରୀ ଡଗଲାସ ଲଣ୍ଡନ କହିଛନ୍ତି ଯେ ଯେତେବେଳେ ଜିନିଷଗୁଡିକ ଏହି ସ୍ତରକୁ ଗୁପ୍ତ ରଖାଯାଏ, ଏହାର ଅର୍ଥ ହେଉଛି ଯେଉଁମାନେ ତଥ୍ୟ ସଂଗ୍ରହ କରୁଛନ୍ତି ସେମାନଙ୍କ ଜୀବନ ବିପଦରେ ପଡିପାରେ।

ଆଫିଡେଭିଟ୍‌ରେ କୁହାଯାଇଛି ଯେ, କିଛି ଗୋପନୀୟ ଦଲିଲ ଅନ୍ୟ କାଗଜପତ୍ରରେ ମିଶ୍ରିତ ହୋଇଥିଲା। ଜାତୀୟ ଅଭିଲେଖାଗାରର ହ୍ବାଇଟ ହାଉସ ବିଭାଗର ନିର୍ଦ୍ଦେଶକଙ୍କ ଅନୁଯାୟୀ, ବକ୍ସରେ ଖବରକାଗଜ, ପତ୍ରିକା, ପ୍ରକାଶିତ ସମାଚାର ପ୍ରବନ୍ଧ, ଫଟୋଗ୍ରାଫ, ବ୍ୟକ୍ତିଗତ ଡକ୍ୟୁମେଣ୍ଟ ଏବଂ ଅନ୍ୟାନ୍ୟ ଜିନିଷ ବାକ୍ସରୁ ମିଳିଛି।

ସବୁଠାରୁ ବଡ କଥା ହେଉଛି, ସବୁଠାରୁ ଗୁପ୍ତ ଡକ୍ୟୁମେଣ୍ଟ ଗୁଡିକୁ ଖୋଲା ଓ ଅନ୍ୟ କାଗଜପତ୍ର ସହିତ ମିଶାଇ କରାଯାଇଥିଲା। ସିଆଇଏର ପୂର୍ବତନ ଅଧିକାରୀ ଡେଭିଡ ପ୍ରାଇସ କହିଛନ୍ତି ଯେ, ରାଷ୍ଟ୍ରପତିଙ୍କୁ ଗୁପ୍ତ ସୂଚନା ପ୍ରଦାନ କରାଯାଇଥାଏ କିନ୍ତୁ ଏହାକୁ ଅନ୍ୟାନ୍ୟ ଜିନିଷ ସହିତ ବେଢଙ୍ଗ ଭାବରେ ମିଶାଇ ରଖିବା ସାମାନ୍ୟ କଥା ନୁହେଁ।