Sahara India Refund Start: ବ୍ୟାଙ୍କ ଖାତାକୁ ଆସିବା ଆରମ୍ଭ ହେଲାଣି ସାହାରା ଟଙ୍କା !

ରିଫଣ୍ଡର ଏହି ପ୍ରକ୍ରିୟା ସାହାରା ରିଫଣ୍ଡ ପୋର୍ଟାଲ୍ ମାଧ୍ୟମରେ ଆରମ୍ଭ କରାଯାଇଛି। ପଞ୍ଜୀକରଣ ପରେ ଆପଣ 50000 ଟଙ୍କା ପର୍ଯ୍ୟନ୍ତ ରାଶି ପାଇପାରିବେ। ପୂର୍ବରୁ ଏହି ପରିମାଣ କେବଳ 10,000 ଟଙ୍କା ପର୍ଯ୍ୟନ୍ତ ଥିଲା କିନ୍ତୁ ଏବେ ଏହାକୁ ବୃଦ୍ଧି କରାଯାଇଛି।

ଯଦି ଆପଣଙ୍କର ଟଙ୍କା ସାହାରା ଇଣ୍ଡିଆ କମ୍ପାନୀରେ ଦୀର୍ଘ ଦିନ ଧରି ଫସି ରହିଛି, ତେବେ ଆପଣ ଜାଣିରଖନ୍ତୁ ଯେ, ପ୍ରକୃତରେ ସାହାରା ଇଣ୍ଡିଆ ରିଫଣ୍ଡ ଆରମ୍ଭ ହୋଇଯାଇଛି । ଏହି କ୍ଷେତ୍ରରେ ଆପଣ ଶୀଘ୍ର ଆପଣଙ୍କର ପୁଞ୍ଜି ଫେରି ପାଇବେ। ଆପଣଙ୍କୁ କହି ରଖୁଛୁ ଯେ, ସାହାରା ଇଣ୍ଡିଆରେ ଟଙ୍କା ଜମା କରିବା ପରେ ଲକ୍ଷ ଲକ୍ଷ ନିବେଶକମାନେ ଫସି ଯାଇଥିଲେ।

ତାପରେ ସରକାର ହସ୍ତକ୍ଷେପ କରି ସାହାରା ଇଣ୍ଡିଆ ରିଫଣ୍ଡ ପୋର୍ଟାଲ୍ ଆରମ୍ଭ କରିଥିଲେ । ଏହି ୱେବସାଇଟ୍‌କୁ ସମ୍ପୂର୍ଣ୍ଣ ସରଳ ଏବଂ ସ୍ୱଚ୍ଛ କରାଯାଇଛି। ଯେକୌଣସି ବ୍ୟକ୍ତି ନିଜର ନିବେଶିତ ଟଙ୍କା ପାଇବାକୁ ଚାହାଁନ୍ତି, ତାଙ୍କୁ ପ୍ରଥମେ ଅନଲାଇନରେ ପଞ୍ଜୀକରଣ କରିବାର ଆବଶ୍ୟକତା ରହିଛି ।

ସାହାରା ଇଣ୍ଡିଆ ରିଫଣ୍ଡ ପୋର୍ଟାଲ୍ ମାଧ୍ୟମରେ ପଞ୍ଜୀକରଣ ସମେତ ଆପଣ ଆପଣଙ୍କର ରିଫଣ୍ଡ ବାବଦରେ ସୂଚନା ମଧ୍ୟ ଯାଞ୍ଚ କରିପାରିବେ। ତେଣୁ ଏବେ ସାହାରା ଇଣ୍ଡିଆ ରିଫଣ୍ଡ ଆରମ୍ଭ ହୋଇଗଲାଣି, ଆପଣ ନିଜ ଟଙ୍କା ଫେରି ପାଇବେ କି ନାହିଁ ପ୍ରଥମେ ତାହା ଯାଞ୍ଚ କରିବାକୁ ପଡିବ।

କିନ୍ତୁ ରିଫଣ୍ଡ କେବଳ ସେହି ଲୋକମାନଙ୍କୁ ମିଳିବ ଯେଉଁମାନେ ସାହାରା ଇଣ୍ଡିଆର ୱେବ ପୋର୍ଟାଲରେ ଯାଇ ପଞ୍ଜୀକରଣ ପୂରଣ କରିବେ। ପଞ୍ଜୀକରଣ ପାଇଁ ଆପଣଙ୍କୁ ଏକ ଅତି ସରଳ ପ୍ରକ୍ରିୟା ଅନୁସରଣ କରିବାକୁ ପଡିବ। ନିଜ ଆଧାର କାର୍ଡ, ମୋବାଇଲ୍ ନମ୍ବର ଏବଂ ବ୍ୟାଙ୍କ ଆକାଉଣ୍ଟ ବିବରଣୀ ବ୍ୟବହାର କରି ଲଗଇନ୍ କରି ପଞ୍ଜୀକରଣ କରିପାରିବେ।

ଆପଣଙ୍କୁ କହିରଖୁଛୁ ଯେ, ଲକ୍ଷ ଲକ୍ଷ ଲୋକଙ୍କ ଟଙ୍କା ଫେରସ୍ତ ପ୍ରକ୍ରିୟା ଆରମ୍ଭ ହୋଇଯାଇଥିବାରୁ ଏହି ପ୍ରକ୍ରିୟା ଧୀରେ ଧୀରେ କରାଯାଉଛି। ସମସ୍ତ ଆବେଦନ ଏବଂ ଡକ୍ୟୁମେଣ୍ଟଗୁଡ଼ିକୁ ଯାଞ୍ଚ କରାଯାଉଥିବାରୁ ରିଫଣ୍ଡରେ କିଛି ବିଳମ୍ବ ହେଉଛି। ଯଦି ବ୍ୟକ୍ତିଙ୍କ ପଞ୍ଜୀକରଣରେ କିଛି ତ୍ରୁଟି ଥାଏ କିମ୍ବା ଡକ୍ୟୁମେଣ୍ଟଗୁଡ଼ିକ ସମ୍ପୂର୍ଣ୍ଣ ନ ଥାଏ, ତେବେ ସେମାନଙ୍କର ରିଫଣ୍ଡ ବିଳମ୍ବ ହୋଇପାରେ।

Disclamer: (ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ସାଧାରଣ ତଥ୍ୟକୁ ଆଧାର କରି ମିଳିଥିବା ସୂଚନା ଅନୁଯାୟୀ ଏହା ପ୍ରଦାନ କରାଯାଇଛି। ଆପଣଙ୍କ ଆର୍ଥିକ ହାନି କିମ୍ୱା ଲାଭ ପାଇଁ ZEE ODISHA NEWS ଦାୟୀ ରହିବ ନାହିଁ।