Gujarat Election: ଆପକୁ ନେଇ ବଦଳିଗଲା ଚାଣକ୍ୟଙ୍କ ଆଭିମୁଖ୍ୟ, କହିଦେଲେ ଏହି ବଡ଼ କଥା

Gujarat Election: ଗୁଜୁରାଟ ବିଧାନସଭା ନିର୍ବାଚନ (Gujarat Assembly Election) ଉପରେ ​​ପୁରା ଦେଶର ନଜର ରହିଛି। ବିଜେପିର (BJP) ଲାବୋରେଟୋରୀ କୁହାଯାଉଥିବା ଏହି ରାଜ୍ୟରେ (Gujarat) ଆମ୍ ଆଦମୀ ପାର୍ଟିର (Aa Aadmi Party) ପ୍ରଦର୍ଶନକୁ ନେଇ ସମସ୍ତ ପ୍ରକାରର ମୂଲ୍ୟାଙ୍କନ କରାଯାଉଛି। ଏହି ସମୟରେ କେନ୍ଦ୍ର ଗୃହମନ୍ତ୍ରୀ (Home Minister) ଅମିତ ଶାହା (Amit Shah) ଦାବି କରିଛନ୍ତି ଯେ ଗୁଜୁରାଟ ବିଧାନସଭା ନିର୍ବାଚନରେ (Gujarat Assembly Election) ​​ଆମ୍ ଆଦମୀ ପାର୍ଟି (Aam Aadmi Party) ନିଜର ଖାତା ଖୋଲିପାରିବ ନାହିଁ। ନ୍ୟୁଜ୍ ଏଜେନ୍ସିକୁ ସାକ୍ଷାତକାର (Interview) ଦେଇ ସେ କହିଥିଲେ କି AAP କୁ ଅଧିକ ଧ୍ୟାନ ଦେବାର ଆବଶ୍ୟକତା ନାହିଁ। ସେ କହିଛନ୍ତି ଯେ କେଜ୍ରିୱାଲଙ୍କ ଦଳ ଗୁଜୁରାଟରେ କୌଣସି ଆସନରେ ଖାତା ଖୋଲିପାରିବ ନାହିଁ। 

ସେ ଆହୁରି ମଧ୍ୟ କହିଥିଲେ କି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଲୋକପ୍ରିୟତା ରାଜ୍ୟ ମୁଖ୍ୟମନ୍ତ୍ରୀ ଥିବା ସମୟରେ ଗୁଜୁରାଟର ସର୍ବକାଳୀନ ବିକାଶ ଏବଂ ଶୂନ୍ୟ ତୁଷ୍ଟିକରଣ ନୀତିର କାର୍ଯ୍ୟକାରିତାକୁ ଗତ ୨୭ ବର୍ଷ ଧରି ଲୋକମାନେ ବାରମ୍ବାର ପ୍ରଶଂସା କରି ଆସୁଛନ୍ତି। ସେ କହିଛନ୍ତି ଗୁଜୁରାଟରେ ବିଜେପି ଏକ ଅଦ୍ୱିତୀୟ ବିଜୟ ପଞ୍ଜିକରଣ କରିବ। ଆମ ଦଳ ତଥା ଆମର ନେତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ଲୋକଙ୍କର ସମ୍ପୂର୍ଣ୍ଣ ବିଶ୍ୱାସ ରହିଛି। 

ଗୁଜରାଟ ବିଧାନସଭା ନିର୍ବାଚନରେ ଆପର ପ୍ରବେଶ ଉପରେ ହୋଇଥିବା ଏକ ପ୍ରଶ୍ନର ଉତ୍ତରରେ ଶ୍ରୀ ଶାହ କହିଥିଲେକି ପ୍ରତିଟି ଦଳ ନିର୍ବାଚନ ଲଢିବାର ଅଧିକାର ରହିଛି। କିନ୍ତୁ ଏଠାକାର ଲୋକମାନଙ୍କ ଉପରେ ନିର୍ଭର କରୁଛି କି ନୂତନ ଦଳ ଗୁଡ଼ିକୁ ଲୋକମାନେ କେତେମାତ୍ରାରେ ଗ୍ରହଣ କରୁଛନ୍ତି। ଆପକୁ ପ୍ରତ୍ୟାଖ୍ୟାନ କରିବାକୁ ଗୁଜରାଟର ଲୋକମାନେ ମାନସିକ ସ୍ଥିତିରେ ପ୍ରସ୍ତୁତ ରହିଛନ୍ତି। ନିର୍ବାଚନ ଫଳକୁ ଅପେକ୍ଷା କରନ୍ତୁ। ଆପର ଆଶାୟୀଙ୍କ ନାଁ ସଫଳ ଆଶାୟୀ ତାଲିକାରେ ପ୍ରକାଶ ପାଇନାହିଁ ବୋଲି ସେ କହିଥିଲେ। 

ଗୁଜରାଟରେ କଂଗ୍ରେସ ପ୍ରମୁଖ ବିରୋଧୀ ଭାବେ ରହି ଆସିଛି। ସେପଟେ କିନ୍ତୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ୱାଲଙ୍କ ନେତୃତ୍ୱାଧୀନ ଆପ ବର୍ତ୍ତମାନ ମୋଦିଙ୍କ ରାଜ୍ୟରେ ଏକ ଆକ୍ରାମକ ପ୍ରଚାର ଅଭିଯାନ ଚଳାଇ ଆସିଛି। କଂଗ୍ରେସ ପକ୍ଷରୁ ମିଳୁଥିବା ଚ୍ୟାଲେଞ୍ଜକୁ ନେଇ ଅମିତ ଶାହ କହିଥିଲେ କଂଗ୍ରେସ ଏବେବି ମୁଖ୍ୟ ବିରୋଧୀ ଦଳ ଭାବେ ରହି ଆସିଛି। କିନ୍ତୁ ସେ ତମାମ ଦେଶରେ ରାଜନୈତି ସଂକଟର ସାମ୍ନା କରି ଆସୁଛି। ଏହାର ପ୍ରଭାବ ଗୁଜରାଟରେ ମଧ୍ୟ ଦେଖିବାକୁ ମିଳୁଛି ବୋଲି ସେ କହିଥିଲେ। 

ଅଧିକ ପଢନ୍ତୁ: FIFA World Cup 2022: ଫିଫା ବିଶ୍ୱକପ ୨୦୨୨ ପାଇଁ ୪୦୦ରୁ ୫୦୦ ଶ୍ରମିକଙ୍କ ମୃତ୍ୟୁ, କାତାର ଅଧିକାରୀ କଲେ ଖୁଲାସା

ଅଧିକ ପଢନ୍ତୁ: Adani takeover NDTV: ନିର୍ଦ୍ଦେଶକ ପଦରୁ ରାଧିକା ରୟ ଓ ପ୍ରଣୟ ରୟଙ୍କ ଇସ୍ତଫା, ଜାଣନ୍ତୁ କ'ଣ ହେବ କମ୍ପାନୀର ଭବିଷ୍ୟତ?

ଅଧିକ ପଢନ୍ତୁ: Daler Mehndi: ଦଲେର ମେହେନ୍ଦୀଙ୍କ ପୁଣି ବଢ଼ିଲା ଅସୁବିଧା, ଗୁରୁଗ୍ରାମ ସ୍ଥିତ ଫାର୍ମହାଉସ ସିଲ୍; ଜାଣନ୍ତୁ ପୂରା ମାମଲା