ଖେଳ ଉପରେ ଲାଗିବ ଟ୍ୟାକ୍ସ

ନୂଆଦିଲ୍ଲୀ:  ଏବେ ଅନଲାଇନ ଗେମ୍ ହେବ ମହଙ୍ଗା  । ଅନଲାଇନ ଗେମ୍ ଉପରେ ବଢିବ ୨୮ ପ୍ରତିଶତ  ଜିଏସଟି । ଅନଲାଇନ ଗେମ୍ କ୍ୟାସିନୋ ଏବଂ ଘୋଡା ଦୈାଡ(horse racing)ଉପରେ ବଢିବ ଜିଏସଟି ଦର । କ୍ୟାସିନୋ(casinos), ଅନ୍ଲାଇନ୍ ଗେମିଂ(online gaming ) ଏବଂ ରେସ୍ ପାଠ୍ୟକ୍ରମ(race courses) ଉପରେ ଟିକସ ହାରକୁ ଦୃଷ୍ଟିରେ ରଖି ବିତ୍ତମନ୍ତ୍ରୀ ମାନଙ୍କର ଏକ ଗୋଷ୍ଠୀ(Group of Ministers)ଦ୍ରବ୍ୟ ଏବଂ ସେବା କର (Goods and Services Tax ) ଅଧୀନରେ ଏହି ସେବାଗୁଡିକ ଉପରେ ୨୮ ପ୍ରତିଶତ ହାରରେ ଆଦାୟ କରିବାକୁ ବ୍ୟାପକ ସହମତି ପ୍ରକାଶ କରିଛନ୍ତି । ତେବେ ଏ ନେଇ କୈାଣସି ଶେଷ ନିଷ୍ପତି  ନିଆଯାଇ ନାହିଁ । ପଶ୍ଚିମବଙ୍ଗର ଅର୍ଥମନ୍ତ୍ରୀ ଚନ୍ଦ୍ରମା ଭଟ୍ଟାଚାର୍ଯ୍ୟ କହିଛନ୍ତି ଯେ, ଟ୍ୟାକ୍ସ ଆଦାୟ ପାଇଁ ମୂଲ୍ୟ ନିର୍ଦ୍ଧାରଣ କରିବାକୁ ମୋଡାଲିଟି ଉପରେ ଦୃଷ୍ଟି ଦେବାପାଇଁ ପ୍ୟାନେଲ୍ ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି । ବର୍ତ୍ତମାନ ଅନଲାଇନ ଗେମ କ୍ୟାସିନୋ ଏବଂ ହର୍ସ ରେସିଙ୍ଗ ପାଇଁ ୧୮ ପ୍ରତିଶତ ଜିଏସଟି ଦେବାକୁ ପଡ଼ୁଛି । କେନ୍ଦ୍ର ସରକାର ଗତ ବର୍ଷ ମେ ମାସ ରେ ଅନଲାଇନ ଗେମ କ୍ୟାସିନୋ ଏବଂ ହର୍ସ ରେସିଙ୍ଗ ପାଇଁ ରାଜ୍ୟ ର ଅର୍ଥମନ୍ତ୍ରୀ ମାନଙ୍କୁ ନେଇ ଏକ ପ୍ୟାନେଲ ଗଠନ କରିଥିଲେ । ମେଘାଳୟ ର ମୁଖ୍ୟମନ୍ତ୍ରୀ କୋନରାଡ ସଙ୍ଗମା (Conrad Sangma)  ଙ୍କ ଅଧକ୍ଷତାରେ ସମସ୍ତ ରାଜ୍ୟର ମନ୍ତ୍ରୀ ମାନଙ୍କର ଏହି ବୈଠକ ବସିଥିଲା । ଯେଉଁ ବୈଠକରେ  ଜିଏସଟି ଦର କୁ ନେଇ ଆଲୋଚନା ମଧ୍ୟ ହୋଇଥିଲା ।

ତେବେ ଅନଲାଇନ ଗେମ, କ୍ୟାସିନୋ ଏବଂ ହର୍ସ ରେସିଙ୍ଗ ପାଇଁ ୨୮ ପ୍ରତିଶତ ଉଚ୍ଚତମ ଦର ଲଗାଇବା ପାଇଁ ସମସ୍ତେ ଏହି ବୈଠକରେ ମତ ଦେଇଥିଲେ । ତେବେ ଏ ନେଇ ଅତିଶିଘ୍ର ରିପୋର୍ଟ ଆସିବ ବୋଲି କୁହାଯାଇଛି ।  ପଶ୍ଚିମବଙ୍ଗର ଅର୍ଥମନ୍ତ୍ରୀ ଚନ୍ଦ୍ରମା ଭଟ୍ଟାଚାର୍ଯ୍ୟ କହିଛନ୍ତି କି , ଏ ନେଇ ଅଧିକାରୀ ମାନଙ୍କୁ ନେଇ ଏକ କମିଟି ଅତିଶିଘ୍ର ରିପୋର୍ଟ ଦେବ । ଏହାପରେ ମନ୍ତ୍ରୀ ମାନଙ୍କୁ ନେଇ ଆଉ ଥରେ ବୈଠକ ବସିବ । ମନ୍ତ୍ରୀ ମାନଙ୍କର ସହମତି କ୍ରମେ ଏହାର ଶେଷ ନିଷ୍ପତ୍ତି ନିଆଯିବ । ତେବେ ଚଳିତ ମାସ ରେ ଜିଏସଟି ବୈଠକ ପରିଷଦରେ ଏ ନେଇ ଆଲୋଚନା ହେବ । ଏଥିପାଇଁ ଗୋଟିଏ ଆଠ ଜଣିଆ ପ୍ୟାନେଲ ଗଠନ କରାଯାଇଛି । ଏହି ଆଠଜଣିଆ ସଦସ୍ୟ ପ୍ୟାନେଲ ରେ ମହାରାଷ୍ଟ୍ର ର ଉପମୁଖ୍ୟମନ୍ତ୍ରୀ ଅଜିତ ପାୱାର, ଗୁଜୁରାଟ ର ଅଥମନ୍ତ୍ରୀ କନ୍ନୁ ଭାଇ ପଟେଲ, ଗୋଆର ପଂଚାୟତରାଜ ମନ୍ତ୍ରୀ ମୈାବିନ ଗୋଡିହ୍ନା, ତାମିଲନାଡୁର ଅର୍ଥମନ୍ତ୍ରୀ ପୀ.ତ୍ୟାଗରାଜନ, ଉତ୍ତରପ୍ରଦେଶର ଅର୍ଥମନ୍ତ୍ରୀ ସୁରେଶ ଖନ୍ନା, ତେଲେଙ୍ଗାନାର ଅର୍ଥମନ୍ତ୍ରୀ ଟି ହରିଶ ସାମିଲ ହୋଇଛନ୍ତି । ଏହି କମିଟି  ରେଫରେନ୍ସ ସର୍ତ୍ତାବଳୀ ଅନୁସାରେ କ୍ୟାସିନୋ, ରେସ ପାଠ୍ୟକ୍ରମ ଏବଂ ଅନଲାଇନ୍ ଗେମିଂ ପୋର୍ଟାଲ ଦ୍ୱାରା ପ୍ରଦାନ କରାଯାଇଥିବା ସେବାଗୁଡିକର ମୂଲ୍ୟ ନିର୍ଧାରଣ ଏବଂ କ୍ୟାସିନୋରେ ନିର୍ଦ୍ଦିଷ୍ଟ କାରବାରର ଟିକସ ଯୋଗ୍ୟତା ଅନ୍ତର୍ଭୁକ୍ତ, ସମ୍ପୃକ୍ତ ଆଇନ ଉପରେ କୋର୍ଟର ନିର୍ଦ୍ଦେଶନାମାକୁ ବିଚାର ନେଇ ପଦକ୍ଷେପ ନେବ। ତେବେ ଏ ନେଇ ଆଗକୁ ନୂଆ ନିୟମ ଲାଗୁ କରାଯିବ । ଏଏମଆରଜି ଆଣ୍ଡ ଆସୋସିଏଟସ୍ ର ସିନିୟର ପାର୍ଟନର ରଜତ ମୋହନ କହିଛନ୍ତି କି , ଅନଲାଇନ ଗେମ କେସିନୋ ଏବଂ ହର୍ସ ରେସିଙ୍ଗ ର ସଠିକ ମୂଲ୍ୟାଙ୍କର କରାଯିବ । ସମସ୍ତ ଅଧିକାରୀ ଉଠାଇଥିବା ମୁଦ୍ଦା ର ମଧ୍ୟ ସମାଧାନ ହେବା ସହିତ ନୁଆ ନିୟମ ଲାଗୁ କରାଯିବ ।