Lucky Zodiac Sign: ୬ ଡିସେମ୍ବରରେ ରବି ଯୋଗର ଶୁଭ ସମକକ୍ଷ, ୫ଟି ରାଶିର ଭାଗ୍ୟ ଉଜ୍ୱଳ

ମିଥୁନ ରାଶି ମିଥୁନ ରାଶିର ବ୍ୟକ୍ତିବିଶେଷଙ୍କ ପାଇଁ ଦିନଟି ଲାଭଦାୟକ ହେବାକୁ ଯାଉଛି। ମିଥୁନ ରାଶିର ବ୍ୟକ୍ତିବିଶେଷ ପରିବାର ଓ ବନ୍ଧୁଙ୍କ ସହିତ ଏକ ଲମ୍ବା ଯାତ୍ରାରେ ଯାଇପାରନ୍ତି। ବ୍ୟକ୍ତିତ୍ୱରେ ଅନ୍ୟକୁ ନିଜ ଆଡ଼କୁ ଆକର୍ଷଣ କରିବାରେ ସଫଳ ହେବେ। ସମାଜରେ ନିଜର ମାନ ସମ୍ମାନ ବୃଦ୍ଧି ହେବ। ପରିବାରରେ ବିବାହ ତଥା ଧାର୍ମିକ କାର୍ଯ୍ୟକ୍ରମର ଯୋଗ ରହିଛି। ଫଳରେ ଏଥିପାଇଁ ଦିନଟି ବ୍ୟସ୍ତବହୁଳ ରହିପାରେ। ବ୍ୟବସାୟିକ କ୍ଷେତ୍ରରେ ନୂଆ ବ୍ୟବସାୟ ଆରମ୍ଭ କରିପାରନ୍ତି। ବ୍ୟବସାୟରେ ନିବେଶ କରିପାରନ୍ତି। ପରିବାରରେ ଲାଗି ରହିଥିବା ବିବାଦ ମଧ୍ୟ ଅନ୍ତ ହେବ। ସନ୍ଧ୍ୟାରେ ଅଟକି ଥିବା ଧନ ଫେରିପାଇବେ।

ସିଂହ ରାଶି ସିଂହ ରାଶିର ବ୍ୟକ୍ତିବିଶେଷ ମାନଙ୍କ ପାଇଁ ଦିନଟି ବେଶ ଜବରଦସ୍ତ ରହିବ। ସିଂହ ରାଶିର ବ୍ୟକ୍ତିବିଶେଷ ଆଜି ମାଆ ଲକ୍ଷ୍ମୀଙ୍କ କୃପା ଲାଭ ହେବ। ଫଳରେ ଜୀବନରେ ସକରାତ୍ମକ ପରିବର୍ତ୍ତନ ଆସିବାକୁ ଯାଉଛି। ଅଟକିଥିବା କାର୍ଯ୍ୟ ମଧ୍ୟ ଶେଷ ହେବ। ସୁଖ ସୁବିଧା ବୃଦ୍ଧି ହେବ। ମାତା ପିତାଙ୍କ ଆଶିର୍ବାଦରେ ଘର ମରାମତି ଶେଷ ହେବ। ଆଜି ଭୂମି, ଘର କିଣିବାର ଯୋଗ ରହିଛି। ବ୍ୟବସାୟୀ କିମ୍ବା ଖୁଚୁରା ଦୋକାନୀ ଭଲ ଲାଭ ରୋଜଗାର କରିବେ। ହସଖୁସିରେ ଦିନଟି ବିତିବ। ସନ୍ତାନ ପକ୍ଷରୁ ଖୁସି ଖବର ମିଳିପାରେ। ମାତା ପିତାଙ୍କ ଆଶିର୍ବାଦ ନେଇ ଆରମ୍ଭ କରିଥିବା କାର୍ଯ୍ୟ ସଫଳତାର ସହ ଶେଷ ହେବ। ସନ୍ଧ୍ୟାରେ ଧାର୍ମିକ କାର୍ଯ୍ୟରେ ସାମିଲ ହୋଇପାରନ୍ତି। 

ବିଛା ରାଶି ବିଛା ରାଶିର ବ୍ୟକ୍ତିବିଶେଷଙ୍କ ପାଇଁ ଦିନଟି ବେଶ ରୋମାଞ୍ଚପୂର୍ଣ୍ଣ ରହିଛି। ବିଛା ରାଶିର ବ୍ୟକ୍ତିବିଶେଷ ସମାଜସେବାରେ ନିଜକୁ ନିୟୋଜିତ କରିବେ। ନିଷ୍ପତ୍ତି ନେବାର କ୍ଷମତା ବୃଦ୍ଧି ପାଇବ। ବୃତ୍ତିଗତ ଓ ବ୍ୟକ୍ତିଗତ ସ୍ତରରେ ସଠିକ ନିଷ୍ପତ୍ତି ନେବାରେ ସକ୍ଷମ ହେବେ। ପରିବାରରେ ଶୁଭ କାର୍ଯ୍ୟ ଅନୁଷ୍ଠିତ ହୋଇପାରେ। ଚାକିରିଆ ଓ ବ୍ୟବସାୟୀମାନେ ଖୁସି ଖବର ପାଇ ପାରନ୍ତି। ବିଦ୍ୟାର୍ଥିମାନେ କ୍ୟାରିୟରରେ ସଫଳତା ହାସଲ କରିପାରନ୍ତି। ଭାଇ-ଭଉଣୀଙ୍କ ସହିତ ସମ୍ପର୍କ ମଜବୁତ ହେବ। ସନ୍ଧ୍ୟାରେ ଧାର୍ମିକ କାର୍ଯ୍ୟରେ ସାମିଲ ହୋଇପାରନ୍ତି। 

ଧନୁ ରାଶି ଧନୁ ରାଶିର ବ୍ୟକ୍ତିବିଶେଷଙ୍କ ପାଇଁ ଦିନଟି ସକରାତ୍ମକ ରହିବ। ଧନୁ ରାଶିର ବ୍ୟକ୍ତିବିଶେଷ ଆଜି ମାତା ଲକ୍ଷ୍ମୀଙ୍କ କୃପା ଲାଭ କରିବେ। ଅଚାନକ ଧନ ଲାଭର ଯୋଗ ରହିଛି। ଫଳରେ ଏକ ନିବେଶ କରିପାରନ୍ତି। ନିଜର ଘର କିଣିବାର ଯୋଗ ରହିଛି। ଆପଣଙ୍କ ଇଚ୍ଛା ପୂରଣ ହେବ। ଆଇନ କାନୁନ ମାମଲାରେ ଫସିଥିଲେ ସେଥିରେ ସଫଳତା ହାସଲ କରିବେ। ନବବିବାହିତଙ୍କ କୋଳକୁ ନୂଆ ଅତିଥି ଆସିପାରନ୍ତି। ଫଳରେ ଘରେ ଖୁସିର ମାହୋଲ ଦେଖାଦେଇପାରେ। ଚାକିରିଆମାନଙ୍କର କର୍ମକ୍ଷେତ୍ରରେ ଦାୟିତ୍ୱ ବଢିପାରେ। ସନ୍ଧ୍ୟାରେ ସମୟରେ ବନ୍ଧୁ ମାନଙ୍କ ସହିତ ଭ୍ରମଣରେ ଯାଇପାରନ୍ତି। 

ମୀନ ରାଶି ମୀନ ରାଶିର ବ୍ୟକ୍ତିବିଶେଷଙ୍କ ପାଇଁ ଦିନଟି ବେଶ ଉତ୍ସାହଜନକ ରହିବ। ମୀନ ରାଶିର ବ୍ୟକ୍ତିବିଶେଷଙ୍କ ପାଇଁ ଆଜି ନିଷ୍ପତ୍ତି ନେବାର କ୍ଷମତା ବୃଦ୍ଧି ପାଇବ। ଭାଗ୍ୟର ପୂର୍ଣ୍ଣ ସମର୍ଥନ ମିଳିବ। ପ୍ରତିଶୃତି ପୁରଣ କରିବେ। ଦୀର୍ଘ ଦିନ ଧରି ଅଟକିଥିବା କାର୍ଯ୍ୟ ପୁରଣ ହେବ। ଚାକିରିଆମାନେ ଉପରିସ୍ଥି ଅଧିକାରୀଙ୍କୁ ନିଜ ଆଡକୁ ଆକର୍ଷିତ କରିବାରେ ସକ୍ଷମ ହେବେ। ପରିବାରରେ କୌଣସି ସଦସ୍ୟଙ୍କ ସ୍ୱାସ୍ଥ୍ୟାବସ୍ଥାକୁ ନେଇ ଚିନ୍ତିତ ହୋଇପାରନ୍ତି। ଜୀବନସାଥିଙ୍କ ଠାରୁ ସହଯୋଗ ମିଳିବ। ଜୀବନସାଥୀଙ୍କ ପରାମର୍ଶ କ୍ରମେ ପିଲାମାନଙ୍କ ଭବିଷ୍ୟତ ପାଇଁ ନିବେଶ କରିପାରନ୍ତି। ସନ୍ଧ୍ୟା ସମୟରେ ସାମାଜିକ କାର୍ଯ୍ୟକ୍ରମରେ ଯୋଗ ଦେଇପାରନ୍ତି। 

ତଥ୍ୟ- ଜ୍ୟୋତିର୍ବିଦ ଆଚାର୍ଯ୍ୟ ସତ୍ୟବ୍ରତ ପାଢୀ,ପ୍ଲଟ ନମ୍ୱର ଏଚଆଇଜି, ୧/୧୨ ବିଡିଏ କଲୋନୀ ଏଲଏନ, ଚନ୍ଦ୍ରଶେଖରପୁର, ଭୁବନେଶ୍ୱର ୭୫୧୦୧୬ 

Disclamer:ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।