Garlic Peel Benefits: ଫିଙ୍ଗୁଛନ୍ତି କି ରସୁଣ ଚୋପା ? ମିଳିଥାଏ ବଡ଼ ଲାଭ

Garlic Peel Benefits: ଖାଦ୍ୟର ସ୍ୱାଦ ବଢାଇବା ପାଇଁ ରସୁଣ ବ୍ୟବହାର କରାଯାଇଥାଏ । ଏହା କେବଳ ଖାଦ୍ୟକୁ ସ୍ୱାଦିଷ୍ଟ କରେ ତାହା ନୁହେଁ ବରଂ ସ୍ୱାସ୍ଥ୍ୟ ପାଇଁ ମଧ୍ୟ ଖୁବ ଲାଭଦାୟକ ବୋଲି ବିବେଚନା କରାଯାଏ । ରସୁଣରେ ୱଷଧୀୟ ଗୁଣ ପରିପୂର୍ଣ୍ଣ ରହିଛି । ରସୁଣର ଚୋପା ଆଣ୍ଟିଅକ୍ସିଡାଣ୍ଟ, ଭିଟାମିନ୍ ଏ, ସି, ଇ, ପୋଟାସିୟମ୍, କ୍ୟାଲସିୟମ୍, ଫସଫରସ୍ ଏବଂ ଫ୍ଲାଭୋନାଏଡ୍ ପରି ପୋଷକ ତତ୍ତ୍ୱରେ ଭରପୂର ଅଟେ । ଯାହା ଆମ ଶରୀରକୁ ଅନେକ ରୋଗରୁ ରକ୍ଷା କରିବାରେ ମଧ୍ୟ ସାହାଯ୍ୟ କରିଥାଏ । ଅଧିକାଂଶ ଲୋକ ରସୁଣ ଚୋପାକୁ ବ୍ୟବହାର କରୁଥିବାବେଳେ କିଛି ଲୋକ ଏହାକୁ ଅଦରକାରୀ ଭାବି ଏହାର ଫୋପାଡି ଦିଅନ୍ତି । କିନ୍ତୁ ଆପଣ ଜାଣନ୍ତି କି ଆପଣ ଫିଙ୍ଗୁଥିବା ରସୁଣ ଚୋପାରେ ଅନେକ ସ୍ୱାସ୍ଥ୍ୟ ଉପକାରୀ ଗୁଣ ମଧ୍ୟ ଲୁଚି ରହିଛି । କେଉଁ ଉପାୟରେ ରସୁଣ ଚୋପା ବ୍ୟବହାର କରାଯାଇପାରିବ ଆସନ୍ତୁ ତାହା ଜାଣିବା ।

ରସୁଣ ଚୋପାର ଉପକାର
ରସୁଣ ଚୋପାରେ ଥିବା ସଲଫର ଧାରଣକାରୀ ଯୌଗିକ ପ୍ରତିରକ୍ଷା ପ୍ରଣାଳୀକୁ ମଜବୁତ କରିଥାଏ । ଶରୀରରୁ ବିଷାକ୍ତ ପଦାର୍ଥ ଏବଂ ମୁକ୍ତ ରେଡିକାଲଗୁଡିକୁ ଦୂର କରିବାରେ ସାହାଯ୍ୟ କରିଥାଏ ।

ଏହାର ସେଲରେ ସକ୍ରିୟ ଫ୍ଲାଭୋନାଏଡ ଏବଂ କ୍ୱେରେସିଟିନ୍ ଥାଏ, ଯାହା ଖରାପ କୋଲେଷ୍ଟ୍ରଲ୍ର ସ୍ତରକୁ ହ୍ରାସ କରିବାରେ ଏବଂ ଭଲ କୋଲେଷ୍ଟ୍ରଲ୍ର ସ୍ତରକୁ ବଢାଇବାରେ ସାହାଯ୍ୟ କରିଥାଏ ।

ରସୁଣ ଚୋପା ରକ୍ତଚାପ ହ୍ରାସ କରିବା ସହ ରକ୍ତ ଜମାଟ ବାନ୍ଧିବା କ୍ଷେତ୍ରରେ ଲାଭଜନକ ଫଳ ଦେଇଥାଏ । ହୃଦ ସ୍ୱାସ୍ଥ୍ୟ ପାଇଁ ଏହା ଅତ୍ୟନ୍ତ ଲାଭଦାୟକ ଅଟେ ।

ଏହାର ଚୋପାରେ ଥିବା ଆଣ୍ଟିଅକ୍ସିଡାଣ୍ଟ କର୍କଟ କୋଷର ବୃଦ୍ଧିକୁ ରୋକିବାରେ ସାହାଯ୍ୟ କରିଥାଏ ।

ଏହାର ଚୋପାରୁ ତିଆରି ହୋଇଥିବା ଡେକୋନ୍ ଚର୍ମ ଆଲର୍ଜି ଏବଂ ଫୁଲା କମାଇବାରେ ମଧ୍ୟ ସହାୟକ ହୋଇଥାଏ ।

ଏହାର ଚୋପାରୁ ତିଆରି ତେଲ କେଶକୁ ମଜବୁତ କରିବା ସହ ଚନ୍ଦାପଣ କମାଇବାରେ ସାହାଯ୍ୟ କରିଥାଏ ।

ରସୁଣ ଚୋପା କିପରି ବ୍ୟବହାର କରିବେ?

ରସୁଣ ଚୋପାକୁ ପାଣିରେ ଫୁଟାଇ ଚା ’ପ୍ରସ୍ତୁତ କରିପାରିବେ । ଏହି ଚା ରୋଗ ପ୍ରତିରୋଧକ ଶକ୍ତି ବୃଦ୍ଧି ଏବଂ ହଜମ ପ୍ରକ୍ରିୟାକୁ ମଜବୁତ କରିବାରେ ସାହାଯ୍ୟ କରେ ।

ତେଲରେ ରସୁଣ ଚୋପାକୁ ଫୁଟାଇବା ପରେ ଥଣ୍ଡା କରି ବୋତଲରେ ରଖିନିଅନ୍ତୁ । ଏହି ତେଲ ଚର୍ମ ଏବଂ କେଶ ପାଇଁ ଅତ୍ୟନ୍ତ ଲାଭଦାୟକ ଅଟେ ।

ସାର ତିଆରି ପାଇଁ ରସୁଣ ଚୋପା ବ୍ୟବହାର କରାଯାଇପାରିବ । ଏହି ଖତ ଉଦ୍ଭିଦ ପାଇଁ ଏକ ପ୍ରାକୃତିକ ସାର ଭାବରେ କାମ କରିଥାଏ ।

Also Read- କେନ୍ଦ୍ରକୁ ୧ ଲକ୍ଷ କୋଟି ଦେବ ରିଜର୍ଭ ବ୍ୟାଙ୍କ