Ollywood News: ପୁଣି ବିବାଦରେ ଅଭିନେତା ମନୋଜ ମିଶ୍ର ! ଜାଣନ୍ତୁ କାହିଁକି

Ollywood News: ମନୋଜ ମିଶ୍ର ଜଣେ ଭଲ ଅଭିନେତା ଭାବେ ଜଣାଶୁଣା । ଅଭିନୟ ମାଧ୍ୟମରେ ଦର୍ଶକଙ୍କ ହୃଦୟରେ ସେ ନିଜର ସ୍ଵତନ୍ତ୍ର ସ୍ଥାନ ସୃଷ୍ଟି କରିପାରିଛନ୍ତି, କିନ୍ତୁ ତାଙ୍କ ରୋକ୍ ଠୋକ୍ ପ୍ରକୃତି ପାଇଁ ସେ ଏବେ ଖୁବ୍ ହାଇଲାଇଟରେ ରହୁଛନ୍ତି। ଦର୍ଶକବନ୍ଧୁ ଜଣେ ଭଲ ଅଭିନେତା ଆଉ ଦକ୍ଷ ଅଭିନେତା ଭିତରେ ଅନେକ ଫରକ ଥାଏ। ଯିଏ ପ୍ରକୃତରେ ଦକ୍ଷ ସେ କୌଣସିବି ସିନେମାକୁ ବାହାରେ କେବେବି ନିନ୍ଦା କରିବ ନାହିଁ। ସିନେମା କିଭଳି ହୋଇଛି, ପ୍ରସ୍ତୁତି ଆଉ କିପରି ଭଲ ହୋଇପାରିଥାନ୍ତା ବା ଭୁଲ୍ କେଉଁଠାରେ ରହିଛି ଏସବୁ ଫିଲ୍ମର ମେକର୍ସ ମାନଙ୍କ ସହ ଆଲୋଚନା କଲେ ଅଧିକ ଲାଭ ମିଳିବ। ଯାହା ଦ୍ଵାରା ପରବର୍ତ୍ତୀ ସମୟରେ ସିନେମା ପ୍ରସ୍ତୁତକାରୀ ଉକ୍ତ ଭୁଲକୁ ଦୋହରାଇବେ ନାହିଁ। ହଲରେ ସିନେମାଟି ଚାଲୁଥିବା ସମୟରେ ଏଭଳି ପ୍ରଥମେ ବଦନାମ କରିବା ଆଉ ତାପରେ ପ୍ରବଳ ମାତ୍ରାରେ ପ୍ରଶଂସା କରିବା କେଉଁ ଭଳି ମଣିଷତ୍ୱକୁ ଦର୍ଶାଉଛି ବୋଲି ସାଧାରଣରେ ଚର୍ଚ୍ଚା ହେଉଛି। 

ଗୋଟେ ଦିନ ଏମିତି ଆସିଥିଲା, ଓଡ଼ିଆ ଦର୍ଶକ ସିନେମା ପ୍ରତି ମୁହଁ ଫେରାଇ ନେଇଥିଲେ । ଏବେ କିନ୍ତୁ ସେ ସ୍ଥିତିରେ ସୁଧାର ଆସିଛି। ଫିଲ୍ମ୍ ମେକର୍ସ ମାନେ କପି କଣ୍ଟେଣ୍ଟ ସିନେମା ଛାଡ଼ି ଏବେ ଭଲ ଭଲ ନିଜସ୍ଵ କଣ୍ଟେଣ୍ଟରେ ସିନେମା ପ୍ରସ୍ତୁତ କରୁଛନ୍ତି। ଯାହା ଦର୍ଶକଙ୍କୁ ପସନ୍ଦ ମଧ୍ୟ ଆସୁଛି। ସେଇଥିପାଇଁ ତ ଏବେ ହଲରେ ବି ଦର୍ଶକଙ୍କର ଖଚାଖଚ ଭିଡ଼ ଜମୁଛି। ଦମନ, ପ୍ରତୀକ୍ଷା ଆଉ ଡେଲିଭରି ବୟ, ପରେ ଏବେ ନିକଟରେ ଅନେକ ଓଡ଼ିଆ ସିନେମା ରିଲିଜ୍ ହୋଇଛି,  ଭଲ ବ୍ୟବସାୟ ମଧ୍ୟ କରିଛି। ଆମେ ଓଡ଼ିଆଭାବରେ ଆମ କଳାକାରଙ୍କୁ ଓ କଳାକୁ ସମ୍ମାନ ଦେବା ଉଚିତ୍। କିନ୍ତୁ ଅଭିନେତା ମନୋଜ ମିଶ୍ର ପୂର୍ବରୁ ମଧ୍ୟ ଅନେକ ଓଡ଼ିଆ ସିନେମା ନାମରେ ଅପପ୍ରଚାର କରି ଚର୍ଚ୍ଚାରେ ରହି ଆସିଥିବା ବେଳେ ଏବେ ସେ ନୂଆ ଓଡ଼ିଆ ସିନେମା ବଇଦ ଓ ରଙ୍ଗସୁରକୁ ନେଇ ଏଭଳି କିଛି ମନ୍ତବ୍ୟ ରଖିଛନ୍ତି।

କାରଣ ରଙ୍ଗସୁରକୁ ନେଇ ସେ ଏଭଳି କିଛି କଥା କହିଛନ୍ତି, ଯାହାକୁ ସହଜରେ ଗ୍ରହଣ କରିପାରି ନାହାଁନ୍ତି ଦର୍ଶକ। ସୋସିଆଲ ମିଡ଼ିଆରେ ଛାଡ଼ିଥିବା ନିଜର ଏହି ଭିଡ଼ିଓରେ ମନୋଜ କହିଛନ୍ତି ରଙ୍ଗସୁରଠାରୁ ଯେତିକି ଆଶା ଥିଲା ସେତିକି ପୂରଣ ହେଲାନି। କିନ୍ତୁ କମ୍ ବଜେଟରେ ହୋଇଥିବା ସିନେମା ବଇଦ ଆଶାଠାରୁ ଅଧିକ ହୋଇଛି। ଆଉ ତାପରେ ପୁଣି କହିଛନ୍ତି ରଙ୍ଗସୁର ପୂର୍ବ ବର୍ଷର ସବୁ ସିନେମା ଠାରୁ ଭଲ ହୋଇଛି । ପ୍ରଥମେ ଖରାପ କହି ତାଉପରେ ଏମିତି ପ୍ୟାଚ୍ ପକେଇବାକୁ ଲୋକେ ଦୋମୁହାଁ ନୀତି ବୋଲି କହିଛନ୍ତି । 

ପ୍ରତି ନୂଆ ସିନେମା ଉପରେ ଅଭିନେତାଙ୍କ ଏପରି ବିବାଦୀୟ ମତ ସହଜରେ ଗ୍ରହଣ କରିପାରିନାହାଁନ୍ତି ସିନେ ପ୍ରେମୀ। କାରଣ ଅଭିଯୋଗ ହେଉଛି ଯେ, ସବୁ ସମୟରେ ନିଜେ ହାଇଲାଇଟରେ ରହିବା ପାଇଁ ଏଭଳି ବିବାଦୀୟ ମନ୍ତବ୍ୟ ରଖି ଆସୁଛନ୍ତି ମନୋଜ ମିଶ୍ର। ନୂଆ କଣ୍ଟେଣ୍ଟ ସହିତ ଆମ ପରମ୍ପରାର ବାସ୍ନା ମିଳିଥିବା ସ୍ଵତନ୍ତ୍ର ସିନେମା ରଙ୍ଗସୁର ସମସ୍ତଙ୍କୁ ବେଶ୍ ପସନ୍ଦ ଆସିଛି। ସୂର୍ଯ୍ୟମୟୀଙ୍କ ସହ ଅନ୍ୟ ସାଥି କଳାକାରଙ୍କ ଦମଦାର ଅଭିନୟ ଆଉ ଅନେକ ଶିକ୍ଷଣୀୟ କଥା ଏହି ସିନେମା ମାଧ୍ୟମରେ ଦେଖାଯାଇଛି। କିନ୍ତୁ ଏଭଳି ଏକ ସୁନ୍ଦର ପ୍ରୟାସକୁ ଭଲ ହୋଇନି ବୋଲି କହିବା କେତେଦୂର ଯୁକ୍ତି ଯୁକ୍ତ ବୋଲି ଓଡ଼ିଆ ଦର୍ଶକ ପ୍ରଶ୍ନ କରିଛନ୍ତି?

Also Read- Ollywood News: ମହାମହିମ ରାଜ୍ୟପାଳଙ୍କ ସହ "ରଙ୍ଗଶୁର" ଟିମ୍ ସାକ୍ଷାତକାର

Also Read- ଚଳିତ ଆର୍ଥିକ ବର୍ଷ ସୁଦ୍ଧା ୪୦ ହଜାର ନିଯୁକ୍ତି, ମୁଖ୍ୟମନ୍ତ୍ରୀଙ୍କ ପ୍ରତିଶୃତି