ଚାକିରି ଛାଡ଼ି ଘରେ ବସିଛନ୍ତି କି? ଟାଟା ପାୱାର କମ୍ପାନୀରେ ବାହାରିଲା ନିଯୁକ୍ତି, ମହିଳାଙ୍କୁ ପ୍ରାଧାନ୍ୟ

TATA POWER JOBS: ରାଜ୍ୟରେ ବିଦ୍ୟୁତ୍ ବିତରଣ ବ୍ୟବସାୟ ପରିଚାଳନା ପାଇଁ ଟାଟା ପାୱାର ଓଡିଶା ସରକାରଙ୍କ ସହ ମିଳିତ ଉଦ୍ୟମରେ ପ୍ରବେଶ କରିଛି। ଏହି ବିତରଣ କମ୍ପାନୀ (TPCODL, TPWODL, TPNODL, ଏବଂ TPSODL) ବିଦ୍ୟୁତ୍ ଯୋଗାଣର ବିଶ୍ୱସନୀୟତା ବୃଦ୍ଧି, ଗ୍ରାହକ ସେବାରେ ଉନ୍ନତି ଆଣିବା ଏବଂ ଅଭିନବ ପ୍ରଯୁକ୍ତିବିଦ୍ୟା ପ୍ରୟୋଗ କରିବା ପାଇଁ ଏକ ଉଚ୍ଚାଭିଳାଷୀ ଯୋଜନା ଆଣିଛନ୍ତି। 

ମହିଳା ପ୍ରାର୍ଥୀଙ୍କ ପାଇଁ ଦ୍ୱିତୀୟ ବୃତ୍ତି ବୋଲି ବିଜ୍ଞପ୍ତିରେ ଉଲ୍ଲେଖ ରହିଛି। କମ୍ପାନୀ ବିଶେଷ ଭାବରେ ମହିଳାଙ୍କଠାରୁ ଅଧିକ ଆବେଦନ ଗ୍ରହଣ କରୁଛନ୍ତି, ବିଶେଷ କରି ଯେଉଁମାନେ ଗତ ୫ ବର୍ଷ ଭିତରେ ଚାକିରୀରୁ ବିରତୀ ନେଇଛନ୍ତି। ତେଣୁ ମହିଳାମାନେ ଏହି ସୁଯୋଗକୁ ହାତଛଡ଼ା କରିବା ଉଚିତ୍ ନୁହେଁ। 

ଏହି ବିତରଣ କମ୍ପାନୀଗୁଡିକ ବ୍ୟବସାୟର ବଢ଼ୁଥିବା ଆବଶ୍ୟକତାକୁ ପୁରଣ କରିବା ପାଇଁ ବିଭିନ୍ନ କାର୍ଯ୍ୟରେ ଯୋଗ୍ୟ ପ୍ରାର୍ଥୀ ନିଯୁକ୍ତି କରିବାକୁ ଚେଷ୍ଟା କରୁଛନ୍ତି ।

ମନୋନୀତ ପ୍ରାର୍ଥୀମାନେ ସମସ୍ତ ଚାରୋଟି ବିତରଣ କମ୍ପାନୀଗୁଡିକରେ ବିଭିନ୍ନ ସର୍କଲ୍ ଏବଂ ଡିଭିଜନ୍ ଅଫିସରେ ପୋଷ୍ଟ ହେବେ ।

ପଦବୀ: ଅପରେସନ୍ ଏବଂ ରକ୍ଷଣାବେକ୍ଷଣ ( Operation & Maintenance, ବ୍ୟବସାୟୀକ କାର୍ଯ୍ୟ ଏବଂ ଗ୍ରାହକ ସେବା(Commercial function & Customer service), ସୂଚନା ପ୍ରଯୁକ୍ତିବିଦ୍ୟା(information Technology) , ଇଞ୍ଜିନିୟରିଂ ଏବଂ ଗୁଣବତ୍ତା (Engineering & quality) , ଚୁକ୍ତିନାମା ଏବଂ କ୍ରୟ (Contract & Procurement) , ଏଚଆର୍ ଏବଂ ପ୍ରଶାସନ ( HR & Adminstration) , ଅର୍ଥ ଏବଂ ଖାତା(Finance & Accounts), ଆଇନଗତ ଏବଂ ସଚିବଗତ(Legal & Secretarial).

ଯୋଗ୍ୟତା:
କ୍ୟାରିୟର ବିରତୀ: ଗତ ପାଞ୍ଚ ବର୍ଷ ମଧ୍ୟରେ କ୍ୟାରିୟର ବିରତୀ ନେଇଥିବା ମହିଳା ପ୍ରାର୍ଥୀମାନେ ଉପରୋକ୍ତ ପଦବୀ ପାଇଁ ଆବେଦନ କରିପାରିବେ।

ବୃତ୍ତିଗତ ଯୋଗ୍ୟତା: ଆବେଦନକାରୀମାନେ ବି ଟେକ୍, ଇଲେକ୍ଟ୍ରିକାଲ୍ ଇଞ୍ଜିନିୟରିଂରେ ଡିପ୍ଲୋମା, ଏମବିଏ(MBA), ଏଲଏଲବି(LLB), ଏମସିଏ(MCA), ସିଏ(CA), ସିଏସ୍(CS) କିମ୍ବା ଅନ୍ୟ କୌଣସି ବୃତ୍ତିଗତ ଯୋଗ୍ୟତା ଉପରେ ଏକ ନିୟମିତ ପାଠ୍ୟକ୍ରମ ସମାପ୍ତ କରିଥିବା ଉଚିତ୍ ।

ଏକାଡେମିକ୍ ପ୍ରଦର୍ଶନ: ଏକାଡେମିକ୍ ଯୋଗ୍ୟତା ମଧ୍ୟରେ ସର୍ବନିମ୍ନ ୬୦ ପ୍ରତିଶତ ମାର୍କ ପାଇଥିବା ପ୍ରାର୍ଥୀଙ୍କୁ ଏଥିରେ ଅଗ୍ରାଧିକାର ଦିଆଯିବ । 

ବୟସ ସୀମା: ପ୍ରାର୍ଥୀମାନଙ୍କ ବୟସ ସର୍ବାଧିକ ୪୦ ବର୍ଷ ହୋଇଥିବା ଜରୁରୀ । ଏବଂ ଓଡିଶାରେ ରହୁଥିବା ପ୍ରାର୍ଥୀଙ୍କୁ ଅଗ୍ରାଧିକାର ଦିଆଯିବ ।

କିପରି ଆବେଦନ କରିବେ: ଇଚ୍ଛୁକ ପ୍ରାର୍ଥୀମାନେ ୨୫ ଜାନୁୟାରୀ ୨୦୨୫ରେ କିମ୍ବା ତା’ପୂର୍ବରୁ  recruitment@tpcentralodisha.com କୁ ଇମେଲ ମାଧ୍ୟମରେ ନିଜର ଆବେଦନ ଦାଖଲ କରିବାକୁ ଅନୁରୋଧ କରାଯାଇଛି। ଇମେଲର ବିଷୟ ଲାଇନ୍ "ନୂଆ ଆରମ୍ଭ: ମହିଳା ପ୍ରାର୍ଥୀଙ୍କ ପାଇଁ ଦ୍ୱିତୀୟ ବୃତ୍ତି" ( "Nua Aarambha: Second Career for Women Candidates" ) ରହିବ ।

ଇମେଲରେ, ପ୍ରାର୍ଥୀମାନେ ସେମାନଙ୍କର ଆବେଦନ କରୁଥିବା ବଣ୍ଟନ କମ୍ପାନୀ ଏବଂ ବିଭାଗକୁ ସ୍ପଷ୍ଟ ଭାବରେ ଉଲ୍ଲେଖ କରିବା ସହିତ ସେମାନଙ୍କର ସମସ୍ତ ଏକାଡେମିକ୍ ଯୋଗ୍ୟତା ଉଲ୍ଲେଖ କରିବେ ।

Also Read- ଲାଲ କ୍ୟାପ୍ସିକମ୍ ପୁଷ୍ଟିକର ପଦାର୍ଥର ଭଣ୍ଡାର, କ୍ୟାନସର ସହ ଲଢ଼ିବାକୁ ଯୋଗାଇଥାଏ ଶକ୍ତି

Also Read- Budh Gochar 2025: ମୀନରେ ବୁଧଙ୍କ ଚଳନ, ଫେବୃଆରୀ ୧୧ରୁ ୩ ରାଶିକୁ ମିଳିବ ସଫଳତା