Paradeep Crime: ଜରାଶ୍ରମର ସଭାପତି ସନ୍ତୋଷ କୁମାର ବେହେରା ଯେତେବେଳେ ଶୋଇଥିଲେ, ସେହି ସମୟରେ ହିଁ ତାଙ୍କୁ ଆକ୍ରମଣ କରି ଜଣେ ଅନ୍ତେବାସୀ ହତ୍ୟା କରିଛନ୍ତି । ଖବର ଅନୂସାରେ ଅଭିଯୁକ୍ତ ଅନ୍ତେବାସୀଙ୍କ ନାମ କିର୍ତ୍ତନ ପରିଡ଼ା, ସେ ସେହି ଜରାଶ୍ରମରେ ରହି ବିଭିନ୍ନ କାର୍ଯ୍ୟରେ ସଭାପତିଙ୍କୁ ସହଯୋଗ କରନ୍ତି ।
Trending Photos
6
5
12
5 "ସୌ: ସୋସିଆଲ ମିଡିଆ")
Ratnamali Jema Jarashrama: ପାରାଦୀପ ଗଡ ଲକଥାନା ଅଧିନ 'ରତ୍ନମାଳୀ ଜେମା ଜରାଶ୍ରମ'ର ସଭାପତି ସନ୍ତୋଷ ବେହେରାଙ୍କୁ (Santosh Kumar Behera) ନିର୍ମମ ଭାବେ ହତ୍ୟା କରାଯାଇଛି । ଜରାଶ୍ରମରେ ରହୁଥିବା ଜଣେ ଅନ୍ତେବାସୀ ଏହି ହତ୍ୟା କରିଥିବା ଜଣାପଡିଛି । ପାରାଦ୍ଵୀପ ଗଡ଼ରେ ଥିବା ଏହି ରତ୍ନମାଳୀଜେମା ଜରାଶ୍ରମରେ (Ratnamali Jema Jarashrama) ଏଭଳି ନିର୍ମମ ହାତତର ଦୃଶ୍ୟ ସମସ୍ତଙ୍କୁ ବ୍ୟତିଥ କରିଛି । ଅସହାୟ ଲୋକଙ୍କୁ ଆଣି ସାହାରା ଦେଉଥିବା ଜରାଶ୍ରମର ସଭାପତି ସନ୍ତୋଷ କୁମାର ବେହେରାଙ୍କୁ ଜରାଶ୍ରମରେ ରହୁଥିବା ଜଣେ ଅନ୍ତେବାସୀ କଟୁରୀ ଓ କୋଦାଳରେ ନିର୍ମମ ଭାବେ ହାଣି ହତ୍ୟା କରିଥିବା ଜଣାପଡିଛି ।
ଖବର ଅନୁଯାୟୀ ଜରାଶ୍ରମର ସଭାପତି ସନ୍ତୋଷ କୁମାର ବେହେରା ଯେତେବେଳେ ଶୋଇଥିଲେ, ସେତେବେଳେ ହିଁ ତାଙ୍କୁ ଆକ୍ରମଣ କରି ହତ୍ୟା କରାଯାଇଛି । ଅଭିଯୁକ୍ତ କିର୍ତ୍ତନ ପରିଡ଼ା ଜରାଶ୍ରମରେ ରହି ବିଭିନ୍ନ କାର୍ଯ୍ୟରେ ସହଯୋଗ କରନ୍ତି, ଗତ କାଲି କିର୍ତ୍ତନ ଘରକୁ ଯିବା ପାଇଁ ସଭାପତିଙ୍କୁ କିଛି ଟଙ୍କା ମାଗିଥିଲେ । ଏହାର ଜବାବର ସଭାପତି ସନ୍ତୋଷ 'ମୋ ପାଖରେ ଏବେ ଟଙ୍କା ନାହିଁ, ତୁ ଦୁଇଦିନ ରହ ମୁଁ ଯୋଗାଡ଼ କରି ଦେବି' ବୋଲି କହିଥିବା କୁହାଯାଉଛି ।
ମାତ୍ର ଆଜି ଅର୍ଥାତ ଶନିବାର ଦିନ ୧୨ ଟା ସମୟ ପରେ କିର୍ତ୍ତନ ସନ୍ତୋଷଙ୍କ ଉପରେ ଅଚାନକ ଆକ୍ରମଣ କରିଥିଲା । ଆକ୍ରମଣରେ ଘଟଣାସ୍ଥଳରେ ହିଁ ସନ୍ତୋଷଙ୍କ ମୃତ୍ୟୁ ହୋଇଯାଇଥିଲା । ପରେ ଅଭିଯୁକ୍ତ କଟୁରୀ ଓ କୋଦାଳ ଦ୍ବାରା ଜରାଶ୍ରମରେ ଥିବା ଟିଭି ଓ ପ୍ରିଣ୍ଟର ମେସିନକୁ ଭଙ୍ଗାରୁଜା କରିବା ପରେ କଟୁରି ଓ କୋଦାଳ କୁ ଜରାଶ୍ରମ ପଛପଟରେ ଥିବା ପୋଖରୀକୁ ଫୋପାଡିବା ଦେଇଥିବା କୁହାଯାଉଛି । ଏହାପରେ ଅଭିଯୁକ୍ତ ଗଛରେ ଦିଆଯିବାକୁ ଥିବା ଡିଏପି ସାରକୁ ଖାଇ ଦେଇଥିଲେ ।
ଘଟଣାସ୍ଥଳରେ ଲକ୍ ଥାନା ପୋଲିସ ଓ ପାରାଦ୍ଵୀପ ଅତିରିକ୍ତ ଏସପି ପହଞ୍ଚି ଅଭିଯୁକ୍ତକୁ ଅଠରବାଙ୍କି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିବା ସହିତ ତଦନ୍ତ ଆରମ୍ଭ କରିଛନ୍ତି । ତେବେ ଅଭିଯୁକ୍ତକୁ ସ୍ବାସ୍ଥ୍ୟ କେନ୍ଦ୍ରକୁ ନେବା ସମୟରେ ପୋଲିସ କର୍ମଚାରୀଙ୍କୁ ଧକ୍କା ମାରି ଚାଲିଯିବା ପାଇଁ ପ୍ରୟାସ କରିଥିବା ସମୟରେ ପୋଲିସ ତାକୁ କାବୁ କରି ପାରାଦୀପ ଅଠରବାଙ୍କୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିବା ଜଣାପଡିଛି । ଏହି ନିର୍ମମ ହତ୍ୟା ଜରାଶ୍ରମ ସମେତ ସ୍ଥାନୀୟ ଲୋକଙ୍କୁ ସ୍ତବ୍ଧ କରିଦେଇଛି ।
ଏହା ବି ପଢ଼ନ୍ତୁ: Padampur Bypoll: ଧାମନଗର ଝଟକା ପରେ ପ୍ରାର୍ଥୀଙ୍କୁ ନେଇ ଦ୍ୱନ୍ଦ୍ୱରେ ବିଜେଡ଼ି ଓ କଂଗ୍ରେସ, ପୁଣି ବାଜି ମାରି ନେବ କି ବିଜେପି!
ଏହା ବି ପଢ଼ନ୍ତୁ: Husband cheats wife: ସ୍ତ୍ରୀର ମୂଲ୍ୟ ସାଢ଼େ ପାଞ୍ଚ ଲକ୍ଷ, ଭାଇ ସାଜି ସ୍ୱାମୀ କଲା କନ୍ୟାଦାନ!
ଏହା ବି ପଢ଼ନ୍ତୁ: T20 World Cup: ପାକିସ୍ତାନ ପ୍ରଧାନମନ୍ତ୍ରୀଙ୍କୁ 'ଠେଙ୍ଗା' ଦେଖାଇଲେ ଇରଫାନ ପଠାନ, ଟ୍ୱିଟ କରି କହିଲେ ଏହି କଥା
