યૂક્રેનથી આવી રહેલા ભારતીયોનું એરપોર્ટ પર સ્વાગત, કેન્દ્રીય મંત્રી કરશે આગેવાની

નવી દિલ્હી: કેન્દ્રીય મંત્રી પીયૂષ ગોયલ અને વી. મુરલીધરન યુદ્ધગ્રસ્ત યુક્રેનથી સરકારી ચાર્ટર્ડ ફ્લાઇટ્સ પર ઘરે પરત ફરતા ભારતીયોને એરપોર્ટ પર નેતૃત્વ કરશે. 

સૂત્રોએ જણાવ્યું હતું કે ગોયલ શનિવારે રાત્રે મુંબઈ એરપોર્ટ પર રોમાનિયાની રાજધાની બુખારેસ્ટથી એર ઈન્ડિયાની ફ્લાઈટમાં આવતા ભારતીયોને આવકારશે, જ્યારે મુરલીધરન યુક્રેનથી ઘરે પરત ફરી રહેલા લોકોને મળવા દિલ્હી એરપોર્ટ જશે.

યુક્રેનમાં ફસાયા છે આટલા લોકો
વિદેશ સચિવ હર્ષવર્ધન શૃંગલાએ ગુરુવારે જણાવ્યું હતું કે લગભગ 16,000 ભારતીયો યુક્રેનમાં ફસાયેલા હોવાનો અંદાજ છે, જેમાં મોટાભાગના વિદ્યાર્થીઓ છે. તો બીજી તરફ કિવમાં ભારતીય દૂતાવાસે શુક્રવારે કહ્યું કે તે રોમાનિયા અને હંગેરી દ્વારા સ્થળાંતરનો માર્ગ સ્થાપિત કરવાનો પ્રયાસ કરી રહ્યું છે.

219 મુસાફરો પહોંચશે મુંબઈ
અધિકારીઓએ જણાવ્યું કે એર ઈન્ડિયાની પ્રથમ ઈવેક્યુએશન ફ્લાઈટ યુક્રેનમાં ફસાયેલા 219 ભારતીયોને લઈને શનિવારે બપોરે બુકારેસ્ટથી મુંબઈ માટે રવાના થઈ હતી. એરલાઇનની બીજી ઇવેક્યુએશન ફ્લાઇટ શનિવારે સવારે 11.40 વાગ્યે ઉપડી હતી અને IST સાંજે 6.30 વાગ્યે બુકારેસ્ટ પહોંચવાની સંભાવના છે.

બુકારેસ્ટ લઈ જવામાં આવશે
અધિકારીઓના જણાવ્યા અનુસાર, યુક્રેન-રોમાનિયા બોર્ડર પર સડક માર્ગે આવતા ભારતીય નાગરિકોને ભારતીય સરકારી અધિકારીઓ દ્વારા બુકારેસ્ટ લઈ જવામાં આવ્યા છે, જેથી તેઓને એર ઈન્ડિયાની ઈવેક્યુએશન ફ્લાઈટ્સ દ્વારા પરત મોકલી શકાય.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube