દિકરી પિતાને ખૂબ વ્હાલી હોય છે, એક પિતા તેના માટે હીરો સમાન હોય છે, પરંતુ સુરતમાં એક પિતાએ રાક્ષસી કૃત્ય કર્યું હતું, જેની સજા તેને ફાંસીના રૂપમાં મળી છે. સુરતની સ્પેશિયલ પોસ્કો કોર્ટે સગી દીકરી પર દુષ્કર્મ અને હત્યા મામલે પિતાને ફાંસીની સજા ફટકારી છે. વર્ષ 2017માં બનેલી આ ઘટનામાં પાંડેસરાના ટુકના દાસે પોતાની દીકરીનું એક વર્ષ સુધી શારીરિક શોષણ કરી તેને ગર્ભવતી બનાવ્યા બાદ પોતાનુ પાપ છુપાવવા દીકરીનુ ગળુ દબાવી તેને મોતને ઘાટ ઉતારી દીધી હતી. એટલુ જ નહીં દીકરી ગર્ભવતી પોતાના પ્રેમી સાથેના અફેરને કારણે થઇ હોવાનુ જુઠ્ઠાણું ચલાવી પોલીસને ગેરમાર્ગે દોરી હતી. જોકે પોલીસે DNA તપાસ બાદ આરોપી પિતાની ધરપકડ કરી હતી. સાયન્ટિફિક પુરાવા બાદ આજે પોસ્કો કોર્ટે મોતની સજા ફટકારી છે.