ભાદરવી પૂનમનો મહામેળો ચાલી રહ્યો છે ત્યારે લાખો માઈ ભક્તો માં અંબેના દર્શન માટે પગપાળા અંબાજી પહોંચ્યા છે. પગપાળા આવતા ભક્તોની સેવા માટે રસ્તામાં અનેક કેમ્પ ખોલવામાં આવે છે. ત્યારે આ વખતે દાંતાના પુજપુર ગામના મુસ્લિમ બિરાદરો દ્વારા પગપાળા જતા હિન્દૂ લોકો માટે સેવા કેમ્પ ખોલીને કોમી એકતાનું ઉદાહરણ પુરુ પાડ્યું હતું. પુજપુર ગામના મુસ્લિમ બિરાદરોએ ધર્મનો ભેદભાવ રાખ્યા વગર જ અંબાજી પગપાળા જતા હિન્દૂ લોકો માટે સેવા કેમ્પ ખોલ્યા. જેમાં ચા, પાણી અને નાસ્તાની સગવડ ઉભી કરવામાં આવી.