ગુજરાતમાં લોકસભાની ચૂંટણીનો ધમધમાટ શરૂ થઈ ગયો છે. લોકસભા ચૂંટણી તેના નિર્ધારિત સમય પર કરાવવાના મુખ્ય ચૂંટણી કમિશનરની જાહેરાત બાદ ધમધમાટ શરૂ થયો છે. રાજ્યના મુખ્ય ચૂંટણી નિર્વાચન અધિકારી ડો.એસ. મુરલીક્રિષ્ણા આજે 12 જિલ્લામાં લોકસભાની ચૂંટણીની તૈયારીઓની સમીક્ષા કરશે. મુખ્ય ચૂંટણી નિર્વાચન અધિકારી આજે સુરત અને વડોદરાના પ્રવાસે છે. સુરતમાં સવારે 10 વાગ્યે સુરત, ભરૂચ, વલસાડ, નવસારી, તાપી અને ડાંગ જિલ્લાની સમીક્ષા કરશે. તો વડોદરામાં ૪ વાગ્યે વડોદરા, દાહોદ, પંચમહાલ, મહિસાગર, છોટાઉદેપુર અને નર્મદા જિલ્લાની સમીક્ષા બેઠક કરશે.