મોરબી જિલ્લામાં લગ્નના વરઘોડામાં જાહેરમાં ઘડાઘડ ફાયરીંગનો વિડિયો સોશિયલ મીડિયામા વાયરલ થયો છે. માળીયા મિયાણા તાલુકાના વાઘરવા ગામને લગ્ન પ્રસંગ દરમ્યાન 6 થી 7 ઇસમો દ્વારા જુદા જુદા હથિયારોમાંથી ફાયરિંગ કરવામાં આવ્યુ હતું. સોશ્યલ મીડીયામા વાયરલ થયેલા વિડીયોમાં વરરાજા સત્યપાલસિંહ કિશોરસિંહ જાડેજા દ્વારા પણ ફાયરિંગ કરાયું હતું. આમ, લગ્ન પ્રસંગમાં ફુલેકા અને ફેરા વખતે હવામાં ફાયરિંગ કરીને કાયદો વ્યવસ્થાના ધજાગરા ઉડાવવામાં આવ્યા.