અમેરિકાના હ્યુસ્ટનમાં (Huston) આજે રાત્રે 9 વાગ્યે ભારતીયોનો સૌથી મોટો શો હાઉડી મોદી (Howdy Modi) ચાલુ થશે. અમેરિકી રાષ્ટ્રપતિ ડોનાલ્ડ ટ્રમ્પ (Donald Trump) પણ તેમાં ભાગ લેશે. હ્યુસ્ટનનાં NRG સ્ટેડિયમમાં વડાપ્રધાન નરેન્દ્ર મોદી (Narendra Modi) 50 હજાર ભારતીય અમેરિકી સમુદાયને સંબોધિત કરશે. ભારતીય સમય અનુસાર રાત્રે 09.30 વાગ્યે ડોનાલ્ડ ટ્રમ્પ હાઉડી મોદી કાર્યક્રમમાં ભાગ લેશે. ટ્રમ્પ ભારત- અમેરિકાની સંયુક્ત વારસો અને વિશ્વ શાંતિ, માનવ સભ્યતાની પ્રગતિ અંગે વાત કરશે. આ કાર્યક્રમમાં અમેરિકાનાં તમામ 50 રાજ્યોના પ્રતિનિધિ ભાગ લેવા માટે આવી રહ્યા છે. મહેમાનો માટે સ્ટેડિયમનો ગેટ કાર્યક્રમના એક કલાક પહેલા ખોલી દેવામાં આવશે.