ધુતારા ધનજી સામે ગાંધીનગરના પેથાપુર પોલીસ સ્ટેશન બાદ હવે અમદાવાદના ચાંદખેડા પોલીસ સ્ટેશનમાં અરજી દાખલ થઈ છે. ધુતારા ધનજીએ મહિલાઓને પણ છેતરવામાં કંઈ બાકી ન રાખ્યું હોવાનું ખુલ્યું છે. ચાંદખેડા પોલીસ સ્ટેશનમાં થયેલી અરજી મુજબ ધુતારા ધનજીએ એક મહિલાને સરકારી નોકરી આપવાનું કહીને બે લાખ રૂપિયા પોતાના ટ્રસ્ટમાં જમા કરાવી લીધા. નોકરી તો ન મળી પરંતુ હવે બે લાખ રૂપિયા પાછા મેળવવા માટે પીડિતાએ ધુતારા ધનજી સામે ચાંદખેડા પોલીસ સ્ટેશનમાં અરજી કરી છે.