₹ 8.10 લાખની આ ફેમિલી કાર પાછળ ભારત પાગલ, મારુતિ સ્વિફ્ટ Dezireથી લઈને Brezza સુધી તમામ કારો ફેલ

નવી દિલ્હીઃ Tata Nexon Becoms Top Selling Car Of India: વર્ષના છેલ્લા મહિનામાં ભારતીય કાર બજારમાં ઘણી ઉથલપાથલ જોવા મળી હતી અને પ્રથમ વખત Tata Nexon દેશની સૌથી વધુ વેચાતી કાર બની હતી. સૌથી રસપ્રદ વાત એ હતી કે નવેમ્બર 2023માં સૌથી વધુ વેચાતી કાર મારુતિ સુઝુકી વેગનઆર ડિસેમ્બરમાં ટોપ 10 કારની યાદીમાં પણ સ્થાન મેળવી શકી નથી.

ગયા ડિસેમ્બરમાં, Tata Nexon SUV બેસ્ટ સેલર હતી અને તેણે મારુતિની સૌથી વધુ વેચાતી સેડાન ડિઝાયર તેમજ Tata Punch, Ertiga, Maruti Brezza, Maruti Swift, Mahindra Scorpio, Maruti Baleno, Hyundai Venue અને Maruti Eeco જેવા સેગમેન્ટના શ્રેષ્ઠ પેસેન્જર વાહનોને પાછળ રાખી દીધા છે. આવો, અમે તમને ડિસેમ્બર 2023ની ટોપ 10 કાર વિશે જણાવીએ.

ડિસેમ્બર 2023 માં કેટલા લોકોએ આ કાર ખરીદી
ગયા મહિને એટલે કે ડિસેમ્બર 2023માં Tata Nexonને 15,284 ગ્રાહકોએ ખરીદી છે. ડિસેમ્બર 2022માં Tata Nexonના 12,053 યુનિટ્સનું વેચાણ થયું હતું, તેથી આ સબ-4 મીટર કોમ્પેક્ટ એસયુવીના વેચાણમાં વાર્ષિક ધોરણે 27 ટકાનો વધારો થયો છે. Nexon ના માસિક વેચાણમાં થોડો ઘટાડો થયો છે. નવેમ્બર 2023માં તેને 15,311 લોકોએ ખરીદી હતી.

મારુતિ સુઝુકી ડિઝાયર સતત બીજા મહિને બીજા સ્થાને
મારુતિ સુઝુકીની સૌથી વધુ વેચાતી સેડાન કાર  Dezire ગયા ડિસેમ્બરમાં બીજા સ્થાને રહી હતી. મારુતિ સુઝુકી  Dezireને ગયા મહિને 14012 ગ્રાહકોએ ખરીદી હતી. ડિસેમ્બર 2022ની સરખામણીમાં ડિસેમ્બર 2023માં Dezireના વેચાણમાં 17 ટકાનો વધારો થયો છે. ડિસેમ્બર 2022 માં, 11,997 ગ્રાહકોએ Dezire ખરીદી.

આ પણ વાંચોઃ Jio: માત્ર કોલિંગની જરૂર હોય તો આ છે જિયોના સૌથી બેસ્ટ પ્લાન, પૈસાની પણ થશે મોટી બચત

Tata Punch ત્રીજા સ્થાને પહોંચી
Tata Punch ગયા મહિને ત્રીજી સૌથી વધુ વેચાતી કાર હતી અને તેને 13,787 ગ્રાહકોએ ખરીદી હતી. ડિસેમ્બર 2022ની સરખામણીમાં Tata Punchના વેચાણમાં 30 ટકાનો વધારો થયો છે. જોકે, માસિક વેચાણમાં ભારે ઘટાડો જોવા મળ્યો છે. નવેમ્બર 2023માં 14383 લોકોએ પંચની ખરીદી કરી હતી.

Ertiga ચોથા સ્થાને પહોંચી 
ડિસેમ્બર 2023માં સૌથી વધુ વેચાતી કારની યાદીમાં મારુતિ સુઝુકીની સૌથી લોકપ્રિય 7 સીટર કાર Ertiga ચોથા સ્થાને રહી હતી. Ertiga ગયા મહિને 12975 ગ્રાહકો દ્વારા ખરીદાઈ હતી અને આ વાર્ષિક 6 ટકાની વૃદ્ધિ છે. ગયા નવેમ્બર 2023માં 12,857 ગ્રાહકોએ મારુતિ Ertiga ખરીદી હતી.

Maruti Brezza પાંચમા નંબરે પહોંચી
મારુતિ સુઝુકીની લોકપ્રિય SUV Brezza ગયા ડિસેમ્બરમાં 5માં નંબરે રહી હતી. Brezza ગયા મહિને 12884 ગ્રાહકો દ્વારા ખરીદવામાં આવ્યો હતો અને આ વાર્ષિક 15 ટકાનો વધારો છે. જોકે, માસિક વેચાણમાં ઘટાડો જોવા મળ્યો છે.

આ પણ વાંચોઃ New Rules: WhatsApp ની ફ્રી સેવા ખતમ! હવે પૈસા ખર્ચીને કરવો પડશે ઉપયોગ

ટોપ 10માં મારુતિ સુઝુકીની 6 અલગ-અલગ સેગમેન્ટની કાર
ડિસેમ્બર 2023ની ટોપ 10 કારમાં મારુતિ સ્વિફ્ટ 6ઠ્ઠા નંબરે હતી, જેને 11,843 ગ્રાહકોએ ખરીદી હતી. સ્વિફ્ટના વેચાણમાં વાર્ષિક 2 ટકાનો ઘટાડો થયો છે. આ પછી મહિન્દ્રા સ્કોર્પિયો શ્રેણીની SUV છે. જેને 11,355 ગ્રાહકોએ ખરીદી હતી. મારુતિ બલેનો પ્રીમિયમ હેચબેક 8મા સ્થાને હતી અને તેને 10,669 ગ્રાહકોએ ખરીદી હતી. આ પછી, હ્યુન્ડાઇ વેન્યુ 9મા સ્થાને હતી, જેને 10,383 લોકોએ ખરીદી હતી. ગયા ડિસેમ્બરમાં 10મી સૌથી વધુ વેચાતી કાર મારુતિ સુઝુકી Eeco હતી, જેને 10,034 ગ્રાહકોએ ખરીદી હતી.

Tata Nexon: કિંમત અને માઇલેજ
દેશની સૌથી વધુ વેચાતી SUV Tata Nexonની વર્તમાન એક્સ-શોરૂમ કિંમત રૂ. 8.10 લાખથી શરૂ થાય છે અને રૂ. 15.50 લાખ સુધી જાય છે. Nexon પેટ્રોલ અને ડીઝલ એન્જિન વિકલ્પોમાં ઉપલબ્ધ છે અને તેની માઈલેજ 24.08 kmpl સુધી છે.

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube