QR Code સ્કેન દ્વારા પણ થાય છે મોટા ફ્રોડ, આ વાતનું ધ્યાન નહીં રાખો તો ખાતુ થઈ જશે ખાલી

QR Code: આજના ડિજિટલ યુગમાં પેમેન્ટ કરવું ખૂબ જ સરળ બની ગયું છે. બિલની ચુકવણી, સામાનની ખરીદી અથવા ઓટો-કેબ સહિતની તમામ બાબતો માટે તમે QR કોડ સ્કેન કરીને સરળતાથી પેમેન્ટ કરી શકો છો. જ્યારે આજના સમયમાં ડિજિટલ પેમેન્ટ  કરનારા લોકોની કમી નથી માત્ર એક ક્લિક અને મની ટ્રાન્સફર… પરંતુ QR કોડ દ્વારા પૈસાની લેવડદેવડ કરવી જેટલી સરળ છે તેટલી જોખમી પણ છે. બદલાતા સમય સાથે લગભગ દરેક વ્યક્તિ પોતાનો સમય બચાવવાનો પ્રયાસ કરે છે અને ડિજિટલ પેમેન્ટ દ્વારા ઘણો સમય પણ બચે છે.

જો તમે પણ QR કોડ સ્કેન કરીને ઓનલાઈન પેમેન્ટ કરો છો તો તમારા માટે કેટલીક બાબતોનું ધ્યાન રાખવું ખૂબ જ જરૂરી છે. કારણ કે જો તમે આવું નહીં કરો તો તમારું એકાઉન્ટ ખાલી થઇ શકે છે. આજના ડિજિટલ યુગમાં આપણું મોટા ભાગનું કામ ઓનલાઈન થાય છે. આજના સમયમાં, લોકોએ તેમના ખિસ્સામાં રોકડ રાખવાનું બંધ કરી દીધું છે કારણ કે ઓનલાઈન પેમેન્ટ ખૂબ જ લોકપ્રિય થઈ ગયું છે. વિવિધ એપ્સના માધ્યમથી તમે તમારા સ્માર્ટફોનમાંથી માત્ર QR કોડ સ્કેન કરીને ગમે ત્યાં પેમેન્ટ કરી શકો છો. પરંતુ શું તમે જાણો છો કે આ રીતે કોડ સ્કેન કરવાથી તમે પેમેન્ટ કરતી વખતે પણ પૈસા ગુમાવી શકો છો? આજે અમે તમને કેટલીક મહત્વપૂર્ણ બાબતો જણાવવા જઈ રહ્યા છીએ જે તમારે QR કોડ સ્કેન કરતી વખતે ધ્યાનમાં રાખવી જોઈએ.

આ પણ વાંચો:

બોલિવૂડ સ્ટાર્સના ફોટા લાઈક કરો અને રોજના 3000 રૂપિયા મેળવો!જાણો ન્યુ WhatsApp સ્કેમ

Unknown No.થી વારંવાર વિડિયો કોલ આવે છે! તો ચેતી જજો તો મિનિટોમાં થઈ શકો છો કંગાળ

એરટેલનો નવો પ્લાન Jio ની કરી દેશે છુટ્ટી, 148 રૂપિયામાં માણી શકશો 15 OTT એપ્સની મજા
 

QR કોડ કઈ વેબસાઈટ પર લઈ જાય છે તેની નોંધ કરો
QR કોડ સ્કેન કરીને પેમેન્ટ કરતી વખતે, કેટલીકવાર કોડ તમને અન્ય વેબસાઇટ્સ પર લઈ જાય છે. આ વેબસાઇટ્સ પર કંઈપણ કરતા પહેલા ચોક્કસપણે URL વાંચો કારણ કે કૌભાંડો સમાન માધ્યમો દ્વારા કરવામાં આવે છે.

QR કોડથી એપ્લિકેશન ડાઉનલોડ કરશો નહીં
જો ક્યારેય QR કોડ સ્કેન કરવાથી તમે કોઈ એપ ડાઉનલોડ કરવા માટે કોઈ લિંક પર લઈ જાઓ છો, તો સાવચેત રહો અને એપ સ્ટોર અથવા ગૂગલ પ્લે સ્ટોર સિવાય કોઈપણ જગ્યાએથી કોઈપણ એપ ડાઉનલોડ કરશો નહીં.

મેલમાં આવેલ QR કોડથી બચો
ઘણી વખત હેકર્સ તમારા મેઇલમાં ક્યૂઆર કોડ પણ મોકલી દે છે કે જો પેમેન્ટ ફેલ થઈ ગયું હોય તો અહીંથી પૂર્ણ કરો. આવા મેઇલ્સને ટાળો અને તેમાં આવતા QR કોડને સ્કેન ન કરો.

QR કોડ પેમેન્ટ્સ એપ્લિકેશન પરથી જ સ્કેન કરો
જો તમે ક્યાંય પણ QR કોડ વડે ચુકવણી કરી રહ્યાં હોવ, ખાસ કરીને કૅફે અથવા રેસ્ટોરન્ટમાં, તો ધ્યાનમાં રાખો કે QR કોડ તમને સ્કૅન કર્યા પછી જ તમારી ચુકવણી ઍપ પર લઈ જાઓ.

QR કોડ તપાસો
QR કોડને ક્યાંય પણ સ્કેન કરતા પહેલાં એકવાર તેને તપાસો કારણ કે ઘણી વખત હેકર્સ QR કોડ પર એક પારદર્શક ફોઇલ મૂકે છે જે ધ્યાન આપ્યા વિના દેખાતું નથી અને તે તમારા માટે ખૂબ જ નુકસાનકારક સાબિત થઈ શકે છે.