તિલક વર્માએ રચ્યો ઈતિહાસ! T20 આંતરરાષ્ટ્રીયમાં બનાવ્યો અનોખો વર્લ્ડ રેકોર્ડ, વિરાટ પણ પાછળ

Tilak Varma World Record: ટીમ ઈન્ડિયાના સ્ટાર ક્રિકેટર તિલક વર્મા તાજેતરમાં રન બનાવીને ચારેબાજુ ચર્ચામાં છે. ચેન્નાઈમાં રમાયેલી બીજી ટી-20 મેચમાં તિલક વર્માએ ઈંગ્લેન્ડના બોલરોને બરાબરના ધોયા હતા. તિલક વર્માની તોફાની અણનમ 72 રનની ઈનિંગના આધારે ભારતે બીજી T20 મેચમાં ઈંગ્લેન્ડને 2 વિકેટે હરાવ્યું હતું. ભારત હવે પાંચ મેચની T20 શ્રેણીમાં 2-0થી આગળ છે. તિલક વર્માએ 55 બોલમાં 4 ચોગ્ગા અને 5 છગ્ગાની મદદથી અણનમ 72 રન બનાવ્યા. આ સાથે તિલક વર્માએ T20 ઈન્ટરનેશનલ ક્રિકેટમાં વર્લ્ડ રેકોર્ડ બનાવ્યો છે.

તિલક વર્માએ ઈતિહાસ રચ્યો
તિલક વર્માએ ટી20 ઈન્ટરનેશનલમાં આઉટ થયા વિના સૌથી વધુ રન બનાવવાનો વર્લ્ડ રેકોર્ડ તોડ્યો છે. તિલક વર્માએ આઉટ થયા વિના અવિશ્વસનીય રીતે 318 રન બનાવ્યા છે. આ પહેલા આ રેકોર્ડ ન્યૂઝીલેન્ડના માર્ક ચેપમેનના નામે હતો, જેણે એકપણ વિકેટ ગુમાવ્યા વિના 271 રન બનાવ્યા હતા. તિલક વર્માએ વિરાટ કોહલીનો ભારતીય બેટ્સમેન બનવાનો રેકોર્ડ પણ તોડી નાખ્યો જેણે સતત ચાર T20 આંતરરાષ્ટ્રીય ઇનિંગ્સમાં આઉટ થયા વિના સૌથી વધુ રન બનાવ્યા. આ સમયગાળા દરમિયાન તિલક વર્માએ વિરાટ કોહલી (258), સંજુ સેમસન (257), રોહિત શર્મા (253) અને શિખર ધવન (252)ને પણ પાછળ છોડી દીધા છે.

T20 ઈન્ટરનેશનલમાં બનાવ્યો વર્લ્ડ રેકોર્ડ
તિલક વર્માએ તેની છેલ્લી 4 T20 આંતરરાષ્ટ્રીય ઇનિંગ્સમાં 107*, 120*, 19* અને 72* રન બનાવ્યા છે. તિલક વર્માએ રવિવારે ઈંગ્લેન્ડ સામે રમાયેલી બીજી T20 ઈન્ટરનેશનલ મેચમાં 55 બોલમાં અણનમ 72 રન બનાવ્યા હતા. તિલક વર્માએ એકલા હાથે ભારતને પાંચ મેચની શ્રેણીમાં 2-0ની લીડ અપાવી અને T20Iમાં આઉટ થયા વિના 318 રન બનાવ્યા. ન્યૂઝીલેન્ડના માર્ક ચેપમેન તિલક વર્માથી પાછળ છે, T20 ઈન્ટરનેશનલમાં આઉટ થયા વિના 271 રન બનાવ્યા હતા. માર્ક ચેપમેન પછી આ યાદીમાં શ્રેયસ અય્યર (240), એરોન ફિન્ચ (240) અને ડેવિડ વોર્નર (239)નું નામ આવે છે.

T20 આંતરરાષ્ટ્રીય મેચમાં આઉટ થયા વિના સૌથી વધુ રન (સંપૂર્ણ સભ્ય દેશ)

- 318* તિલક વર્મા (107*, 120*, 19*, 72*)
- 271 માર્ક ચેપમેન (65*, 16*, 71*, 104*, 15)
- 240 એરોન ફિન્ચ (68*, 172)
- 240 શ્રેયસ ઐયર (57*, 74*, 73*, 36)
- 239 ડેવિડ વોર્નર (100*, 60*, 57*, 2*, 20)