World Cup 2023 : ન્યૂઝીલેન્ડ સામે ભારતની શાનદાર જીત, 4 વિકેટથી હરાવ્યું
India vs New Zealand Live Score : ટીમ ઈન્ડિયાએ ન્યૂઝીલેન્ડને હરાવીને વર્લ્ડ કપ 2023માં સતત પાંચમી જીત નોંધાવી છે. વર્લ્ડ કપ 2023માં સતત 5 મેચ જીતીને ટીમ ઈન્ડિયાના 10 પોઈન્ટ છે. ટીમ ઈન્ડિયા વર્લ્ડ કપ 2023ના પોઈન્ટ ટેબલમાં ટોપ પર પહોંચી ગઈ છે.
Trending Photos
- 5
- 5
- 6
- 5
)
World Cup 2023 IND vs NZ Updates ધર્મશાલાઃ ICC ક્રિકેટ વર્લ્ડ કપ 2023માં ધર્મશાલામાં રમાયેલી મેચમાં ટીમ ઈન્ડિયાએ ન્યૂઝીલેન્ડને 4 વિકેટથી હરાવ્યું છે. ટોસ હારીને પ્રથમ બેટિંગ કરવા ઉતરેલી ન્યૂઝીલેન્ડની ટીમે 50 ઓવરમાં 273 રન બનાવ્યા હતા અને ભારતને જીતવા માટે 274 રનનો લક્ષ્યાંક આપ્યો હતો. ન્યૂઝીલેન્ડ તરફથી ડેરેલ મિશેલે સૌથી વધુ 130 રન બનાવ્યા હતા, જ્યારે રચિન રવિન્દ્રએ 75 રનની ઇનિંગ રમી હતી. ટીમ ઈન્ડિયા તરફથી આ મેચમાં મોહમ્મદ શમીએ સૌથી વધુ 5 વિકેટ લીધી હતી.
વર્લ્ડ કપ 2023માં ભારતનો વિજય ન્યૂઝીલેન્ડના 274 રનના લક્ષ્યાંકના જવાબમાં ટીમ ઈન્ડિયાએ 48 ઓવરમાં 6 વિકેટ ગુમાવીને 274 રન બનાવીને મેચ જીતી લીધી હતી. ટીમ ઈન્ડિયા માટે સ્ટાર બેટ્સમેન વિરાટ કોહલીએ 104 બોલમાં 95 રનની ઈનિંગ રમી હતી. કેપ્ટન રોહિત શર્માએ પણ 40 બોલમાં 46 રનની તોફાની ઇનિંગ રમી હતી. વર્લ્ડ કપ 2023માં ભારતે સતત પાંચ મેચ જીતીને વિજયી મુક્કો આપ્યો છે. વર્લ્ડ કપ 2023 પહેલા ભારત ઓસ્ટ્રેલિયા, અફઘાનિસ્તાન, પાકિસ્તાન અને બાંગ્લાદેશને પણ હરાવ્યું છે.
ભારતીય ટીમમાં બે ફેરફાર કરવામાં આવ્યા હતા. હાર્દિક પંડ્યા અને શાર્દુલ ઠાકુરની જગ્યાએ સૂર્યકુમાર યાદવ અને મોહમ્મદ શમીને ટીમમાં સામેલ કરવામાં આવ્યા હતા. સૂર્યકુમાર યાદવનું આ વર્લ્ડ કપ ડેબ્યુ છે. એક તરફ, ન્યુઝીલેન્ડ અત્યાર સુધી અજેય રહ્યું છે અને ચાર મેચ જીતીને પોઈન્ટ ટેબલમાં ટોચ પર છે. તે જ સમયે, ભારતીય ટીમ પણ ટૂર્નામેન્ટમાં એકપણ મેચ હારી નથી અને 8 પોઈન્ટ સાથે બીજા સ્થાને છે. આજે બંનેમાંથી કોઈ એક ટીમનો સતત જીતનો સિલસિલો અહીં જ અટકશે. વર્લ્ડ કપમાં બંને ટીમો વચ્ચે 9 મેચ રમાઈ છે, જેમાં ન્યૂઝીલેન્ડે 5 અને ભારતે 3માં જીત મેળવી છે જ્યારે 1 અનિર્ણિત રહી છે.
બંને ટીમોની વર્લ્ડ કપ ટીમો
ભારત: રોહિત શર્મા (કેપ્ટન), હાર્દિક પંડ્યા (વાઈસ-કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ, રવિન્દ્ર જાડેજા, મોહમ્મદ સિરાજ, કુલદીપ યાદવ, મોહમ્મદ શમી, રવિચંદ્રન અશ્વિન, ઈશાન કિશન, સૂર્યકુમાર યાદવ, શાર્દુલ ઠાકુર, જસપ્રીત બુમરાહ.
ન્યુઝીલેન્ડ: કેન વિલિયમસન (કેપ્ટન), ડેવોન કોનવે, ટોમ લાથમ, ડેરીલ મિશેલ, જીમી નીશમ, ગ્લેન ફિલિપ્સ, રચિન રવિન્દ્ર, મિશેલ સેન્ટનર, ઈશ સોઢી, ટિમ સાઉથી, વિલ યંગ, ટ્રેન્ટ બોલ્ટ, માર્ક ચેપમેન, લોકી ફર્ગ્યુસન, મેટ હેનરી.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
