IND vs AUS: ટીમ ઈન્ડિયા હજું પણ જીતી શકે છે પિંક બોલ ટેસ્ટ! બસ ત્રીજા દિવસે કરવું પડશે આ કામ

IND vs AUS Adelaide Test: એડિલેડ ટેસ્ટ મેચમાં ભારતીય ટીમ બેકફૂટ પર છે. ઓસ્ટ્રેલિયા વિરુદ્ધ આ ડે નાઈટ પિંક બોલ ટેસ્ટના બીજા દિવસે સ્ટંપ્સ સુધી ભારત 29 રનથી હજું પણ પાછળ છે, જેનો મતલબ છે કે હજું પણ આ ઈનિંગમાં હારવાનો ખતરો મંડરાઈ રહ્યો છે. ભારતને અહીંથી મેચ જીતવી ખુબ જ મુશ્કેલ છે, પરંતુ અસંભવ નથી. એવું નથી કે ભારત જે સ્થિતિમાં છે, ત્યાંથી મેચ જીતી શકે તેમ નથી, પરંતુ તેના માટે ટીમે કોઈ ચમત્કાર કરવો પડશે.

પંત-નીતિશને કરવી પડશે કમાલ
ભારતને આ મેચમાં જો કોઈ જીતનું સપનું દેખાડી શકે તેમ છે તો ઋષભ પંત (28 રન અણનમ) અને નીતીશ રેડ્ડી (15 રન અણનમ)ની જોડી છે, જે બીજા દિવસની રમત બાદ અણનમ રહ્યો. ત્રીજા દિવસે જો આ જોડીની વચ્ચે 200 અથવા કે તેનાથી વધારે રનની પાર્ટનરશિપ થઈ તો ભારત આ મેચમાં કમબેક કરી શકે છે. જોકે, આ સ્ટાર્ક, કમિન્સ અને બોલેન્ડની તિકડી જોડીની આગળ આ કામ બિલકુલ સરળ દેખાતું નથી.

ત્રીજી ઈનિંગમાં 250 રનથી વધારે નથી બન્યો સ્કોર
એડિલેડ ઓવલમાં ડે નાઈટમાં ત્રીજી ઈનિંગનો સર્વોચ્ચ સ્કોર 250 રન છે, જે નવેમ્બર 2016માં દક્ષિણ આફ્રિકામાં બનાવ્યો હતો. જો ભારત અહીં સુધી પણ પહોંચે છે તો ઓસ્ટ્રેલિયાને 100 રનના આસપાસના લક્ષ્યાંક મળશે, જેણે હાંસિલ કરવામાં મેજબાન ટીમને વધુ મહેનત કરવી પડશે. પાકિસ્તાને નવેમ્બર 2019માં ત્રીજી ઈનિંગમાં 239 રન બનાવ્યા હતા, જેમાં ડેવિડ વોર્નરે અણનમ 335 રનની મોટી ઈનિંગ રમી હતી. ન્યૂઝીલેન્ડે નવેમ્બર 2015માં પહેલી પિંક બોલ ટેસ્ટમાં ત્રીજી ઈનિંગમાં 208 રન બનાવ્યા હતા. જો આંકડા પર નજર કરીએ તો ભારતને કંઈક મોટું કરવાની જરૂર છે. ખાસ કરીને નીતિશ કુમાર રેડ્ડી અને ઋષભ પંતમાંથી કોઈ એક ખેલાડીએ મોટી ઈનિંગ રમવી પડશે.

એડિલેડ ડે-નાઈટ ટેસ્ટના ત્રીજા દાવનો સ્કોર

• દક્ષિણ આફ્રિકા - 250 વિ ઓસ્ટ્રેલિયા (2016)
• પાકિસ્તાન - 239 વિ ઓસ્ટ્રેલિયા (2019)
• ઓસ્ટ્રેલિયા - 230/9d vs ઈંગ્લેન્ડ (2021)
• ન્યુઝીલેન્ડ - 208 વિ ઓસ્ટ્રેલિયા (2015)
• ઓસ્ટ્રેલિયા - 199/6d vs વેસ્ટ ઈન્ડિઝ (2022)
• ઓસ્ટ્રેલિયા - 138 વિ ઈંગ્લેન્ડ (2017)
• ભારત - 36 વિ ઓસ્ટ્રેલિયા (2020)

બોલરો આપવું પડશે બેસ્ટ
સૌથી પહેલા તો ભારતને ઓસ્ટ્રેલિયાની સામે 200 કે તેનાથી વધારે રનનો લક્ષ્યાંક રાખવો પડશે. જો એવું સંભવ થયું તો ટીમ ઈન્ડિયાના બોલિંગના બોલિંગ એટેક પર જીત અપાવવા માટે પુરેપુરી જવાબદારી આવી જશે. ખાસ કરીને અનુભવી જસપ્રીત બુમરાહ અને મોહમ્મદ સિરાજ પર. તમને જણાવી દઈએ કે ઓસ્ટ્રેલિયાના નામ આ મેદાન પર ડે નાઈટ ટેસ્ટ મેચમાં સૌથી મોટો સફળ રનચેજનો રેકોર્ડ છે. તેણે ન્યૂઝીલેન્ડ વિરુદ્ધ 2015માં 187 રન બનાવીને મેચ જીતી હતી.