Hockey, India Vs Pakistan: ભારતે પાકિસ્તાનને 3-1થી હરાવીને ઘૂંટણીએ પાડ્યું, હરમનપ્રીત-આકાશદીપ જીતના હીરો

નવી દિલ્હી: એશિયન ચેમ્પિયન્સ ટ્રોફીમાં ભારતે પાકિસ્તાનને 3-1થી હરાવ્યું હતું. ટીમ ઈન્ડિયાના સ્ટાર ખેલાડી હરમનપ્રીત સિંહે ચોથા ક્વાર્ટરમાં ટીમ ઈન્ડિયા માટે ત્રીજો ગોલ કરીને જીત સુનિશ્ચિત કરી હતી. એશિયન ચેમ્પિયન્સ ટ્રોફીની આ શાનદાર મેચ જીતીને ટીમ ઈન્ડિયા સેમીફાઈનલ તરફ આગળ વધી ગઈ છે.

ટીમ ઈન્ડિયાના વાઇસ કેપ્ટન હરમનપ્રીત સિંહે આ મેચમાં બે ગોલ કર્યા હતા. આમાંથી પ્રથમ આઠમી મિનિટે અને બીજો 53મી મિનિટે આવ્યો હતો. બંને ગોલ પેનલ્ટી કોર્નરથી થયા હતા. જ્યારે આકાશદીપ સિંહે મેચની 42મી મિનિટે ગોલ કર્યો હતો. પાકિસ્તાન માટે માત્ર એક જ ગોલ હતો, જે જુનૈદ મંઝૂરે 45મી મિનિટે કર્યો હતો.

54' Suraj Karkera you beauty! 🔥🤩

The keeper makes his second save off the Penalty Corner and Pakistan are denied once again.

🇮🇳 3:1 🇵🇰#IndiaKaGame #HeroACT2021

— Hockey India (@TheHockeyIndia) December 17, 2021

બાંગ્લાદેશમાં યોજાઈ રહેલી આ ટૂર્નામેન્ટમાં ટીમ ઈન્ડિયાની આ બીજી જીત છે. અગાઉ ટીમ ઈન્ડિયાએ બાંગ્લાદેશને 9-0થી કારમી હાર આપી હતી, જ્યારે પાકિસ્તાન હજુ પણ પહેલી જીતની શોધમાં છે. પાકિસ્તાનનો પહેલો મુકાબલો જાપાન સાથે થયો હતો, જે ડ્રો મેચ રહી હતી.

હાફ ટાઈમમાં ભારત 1-0થી આગળ હતું
આ દરમિયાન પાકિસ્તાને ગોલ કરવાના ઘણા પ્રયાસો કર્યા પરંતુ ભારતે મેચ પર તેની પકડ ઢીલી કરી નહોતી. ભારતે બોલને પોતાના કબજામાં રાખ્યો અને પાકિસ્તાન પર દબાણ બનાવી રાખ્યું. પાકિસ્તાન તરફથી અફરાઝે ઘણા પ્રયાસ કર્યો પરંતુ ભારતીય ડિફેન્સની સતર્કતાએ આ યુવા ખેલાડીને ગોલ કરવા દીધો નહીં. હાફ ટાઇમ સુધી સ્કોર 1-0 રહ્યો હતો.

ત્રીજા ક્વાર્ટરમાં ભારત
આકાશદીપ સિંહે ત્રીજા ક્વાર્ટરમાં ભારત માટે બીજો ગોલ કર્યો હતો. તેણે 42મી મિનિટે બોલને નેટમાં રોકીને ભારતની લીડ બમણી કરી હતી. જોકે, જુનૈદ મંઝૂરે ટીમ માટે પહેલો ગોલ ફટકાર્યા બાદ થોડી જ વારમાં બદલો લીધો હતો. આમ ત્રીજા ક્વાર્ટરના અંત સુધીમાં સ્કોર 2-1 હતો.

ભારતને 54મી મિનિટે વધુ એક પેનલ્ટી કોર્નર મળ્યો અને હરમનપ્રીત સિંહે તેનો ભરપૂર ફાયદો ઉઠાવ્યો. તેણે જબરદસ્ત હિટ બનાવતા બોલને પોસ્ટમાં ગુંચવ્યો હતો. આ સાથે ભારતીય ટીમની લીડ 3-1 થઈ ગઈ. આ પછી પાકિસ્તાને વળતો હુમલો કરવાનો પૂરો પ્રયાસ કર્યો, પરંતુ મજબૂત ભારતીય સંરક્ષણને ભેદવામાં નિષ્ફળ ગયું.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube