ગુજરાત માથે સંકટના વાદળો, એક સાથે ચાર-ચાર સિસ્ટમ સક્રિય, આ જિલ્લાઓ માટે આગામી 5 દિવસ ભારે

 ગુજરાતમાં મેઘરાજા વિરામ લેવાનું નામ લઈ રહ્યાં નથી. રાજ્યના ઘણા જિલ્લામાં પૂર જેવી સ્થિતિ છે. હવામાન વિભાગે આગામી પાંચ દિવસ માટે વરસાદનું પૂર્વાનુમાન જાહેર કરી રાજ્યમાં અતિ ભારેથી મધ્યમ વરસાદની આગાહી કરી છે. આઈએમડીનું કહેવું છે કે ડ્રિપ્રેશન, શિયર ટ્રફ, મોનસૂન ટ્રફ શિયર ઝોન, ચાર સિસ્ટમ સક્રિય થવાને કારણે ગુજરાતમાં ભારે વરસાદની સંભાવના છે.  

હવામાન વિભાગ દ્વારા 3 સપ્ટેમ્બરે ભરૂચ, સુરતમાં ભારે વરસાદની સંભાવના સાથે રેડ એલર્ટ જારી કરવામાં આવ્યું છે. ભાવનગર, બોટાદ, આણંદ, વડોદરા, નર્મદા, તાપી, ડાંગ, નવસારી, વલસાડ, દમણ અને દાદરા નગર હવેલીમાં અલગ-અલગ જગ્યાએ ભારે વરસાદ સાથે ઓરેન્જ એલર્ટ જાહેર કરવામાં આવ્યું છે. અમરેલી, રાજકોટ, સુરેન્દ્રનગર, અમદાવાદ, ખેડા, પંચમહાલ, છોટાઉદેપુરમાં યેલો એલર્ટ જાહેર કરવામાં આવ્યું છે.

આ સિવાય ચાર સપ્ટેમ્બરની વાત કરવામાં આવે તો કચ્છ, બનાસકાંઠા, વલસાદ, વવસારી, દાદરા નગર હવેલીમાં છુટાછવાયા વરસાદ સાથે ઓરેન્જ એલર્ટ જાહેર કરવામાં આવ્યું છે. તો મોરબી, સુરેન્દ્રનગર, પાટણ, મહેસાણા, સાબરકાંઠા, સુરત, તાપી, ડાંગમાં યેલો એલર્ટ જાહેર કરવામાં આવ્યું છે. 

પાંચ સપ્ટેમ્બરની આગાહીની વાત કરીએ તો કચ્છ, પાટણ, બનાસકાંઠા, નવસારી, વલસાડ, દાદરા નગર હવેલીમાં છુટાછવાયા સ્થળે વરસાદ સાથે યેલો એલર્ટ જાહેર કરવામાં આવ્યું છે. 

છ સપ્ટેમ્બરે રાજ્યમાં વરસાદની સ્થિતિ નબળી પડી શકે છે. છ તારીખે નવસારી, વલસાદ, દમણ દાદરા નગર હવેલીમાં છુટાછવાયા વરસાદ સાથે યેલો એલર્ટ જાહેર કરવામાં આવ્યું છે. તો સાત સપ્ટેમ્બરે નવસારી, દાદરા નગર હવેલી અને વલસાડમાં અલગ-અલગ જગ્યાએ યેલો એલર્ટ જાહેર કરવામાં આવ્યું છે.