Instant Noodles Side Effects: ભૂખ ભગાડવાનો સૌથી સરળ રસ્તો કે પછી સ્વાસ્થ્ય માટે મોટું જોખમ? જાણો ઈન્સ્ટન્ટ નૂડલ્સની હકીકત

ઈન્સ્ટન્ટ નૂડલ્સમાં સામાન્ય રીતે વધુ પ્રમાણમાં સોડિયમ મળી આવે છે. વધુ સોડિયમનું સેવન હાઈ  બ્લડ પ્રેશનરનું કારણ બની શકે છે. હાઈ બ્લડ પ્રેશર હ્રદયની બીમારી અને સ્ટ્રોકનું જોખમ વધારી શકે છે. 

ઈન્સ્ટન્ટ નૂડલ્સમાં  પ્રોટીન, વિટામીન, મિનરલ્સ અને ફાઈબર જેવા જરૂરી પોષક તત્વોની કમી હોય છે. નિયમિત રીતે તેનું સેવન કરવાથી શરીરને જરૂરી પોષણ મળી શકતું નથી. જેનાથી નબળાઈ અને થાક જેવી સમસ્યા થઈ શકે છે. 

ઈન્સ્ટન્ટ નૂડલ્સમા ફેટ અને કેલેરીનું પ્રમાણ વધુ હોય છે. આ સાથે જ ફાઈબર ઓછું હોય છે. જેનાથી ભૂખ જલદી લાગે છે અને તમે વધુ ખાઈ લો છો. તેનાથી મોટાપાનું જોખમ વધે છે. 

ઈન્સ્ટન્ટ નૂડલ્સમાં રહેલા રિફાઈન્ડ કાર્બ્સ અને અનહેલ્ધી ફેટ પાચન સંબંધિત સમસ્યા પેદા કરી શકે છે. તેના સેવનથી ગેસ, પેટ ફૂલવું અને કબજિયાત જેવી સમસ્યાઓ થઈ શકે છે. 

ઈન્સ્ટન્ટ નૂડલ્સમાં મળી આવતા અનહેલ્ધી ફેટ અને સોડિયમ હ્રદયની બીમારીના જોખમને વધારે છે.