ગુજરાતના કરોડપતિ ઉમેદવાર - હર્ષ સંઘવીથી લઈને પબુભાની 5 વર્ષમાં થઈ છપ્પર ફાડકે સંપત્તિ

અમદાવાદ :ક્યારેક લોકો કહે છે કે રાજકારણ એટલે રૂપિયા બનાવવાનું મશીન. એવા અસંખ્ય નેતાઓ છે, જેઓ રાજકીય પક્ષોમા આવ્યા બાદ કરોડપતિ, અબજોપતિ બની ગયા છે. તેથી જ અનેક લોકો રાજકારણમાં આ હેતુથી આવવાના ખ્વાબ જુએ છે. ગુજરાતની તમામ રાજકીય પાર્ટીઓના ઉમેદવારો ફાઈનલ થઈ ગયા છે, મોટાભાગનાઓએ ઉમેદવારી ફોર્મ પણ ભરી દીધું છે. ત્યારે આ ફોર્મમાં તેમની મિલકત કેટલી છે તે સામે આવ્યું છે. માહિતી બતાવે છેકે, ગુજરાતના અનેક નેતાજીઓની સંપત્તિમાં વધારો થયો છે. અનેક નેતાઓની પાંચ વર્ષ પહેલાંની અને હાલની સંપત્તિમાં મોટો તફાવત છે. ચૂંટણી પંચને આપેલા સોગંદનામામાં અનેક ઉમેદવારો કરોડપતિ હોવાનું ખૂલ્યુ છે. જે સંપત્તિમાં વધારો ઉમેદવારોના ચૂંટણી લડવાના ઝનૂનનો ભેદ ખોલે છે. ઉમેદવારોની મિલકતોમાં વધારો ઊડીને આંખે વળગે તેવો છે.