દેશની 15 AIIMS માં ખાલી પડેલી જગ્યાઓ ભરાશે, ઓગસ્ટ મહિનાની આ તારીખ સુધી કરી શક્શો અરજી
AIIMS Recruitment 2024: દેશભરની AIIMSમાં સરકારી નોકરી મેળવવાની મોટી તક છે. દેશની 15 AIIMSમાં નર્સિંગ ઓફિસરની ખાલી જગ્યાઓ ભરવાની છે, જેના માટે અરજીઓ શરૂ થઈ ગઈ છે. રસ ધરાવતા ઉમેદવારો અહીં ભરતી સંબંધિત તમામ વિગતો જોઈ શકે છે
Trending Photos
- 5
- 6
- 8
- 7
)
AIIMS Nursing Officer Vacancy 2024: મેડિકલ ક્ષેત્ર સાથે જોડાયેલા યુવાનો માટે AIIMS માં સરકારી નોકરી મેળવવાની મોટી તક છે. જો તમે પણ આ ફિલ્ડ સાથે જોડાયેલા છો અને નોકરી શોધી રહ્યા છો, તો આ સમાચાર તમારા કામના છે. ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સ (AIIMS), નવી દિલ્હીએ નર્સિંગ ઓફિસરની જગ્યાઓ માટે અરજીઓ મંગાવી છે, જેના માટે દેશભરમાં પોસ્ટીંગ કરાશે.
આ ભરતી માટે અરજીઓ શરૂ થઈ ગઈ છે. ઉમેદવારો AIIMS પરીક્ષાની સત્તાવાર વેબસાઇટ rrp.aiimsexams.ac.in પર અરજી કરી શકે છે. AIIMS નર્સિંગ ઓફિસર ભરતી 2024 માટે વય મર્યાદા કેટલી છે, પસંદગી કેવી રીતે થશે? અહીં જાણો તમામ વિગતો...
15 AIIMS માં ભરતી કરવામાં આવશે
AIIMS ના 7મા નર્સિંગ ઓફિસરની આ જગ્યા દેશભરની 15 AIIMS સંસ્થાઓ માટે છે. AIIMS રાયબરેલી, AIIMS ગોરખપુર, AIIMS પટના, AIIMS રાયપુર અને અન્ય AIIMS હોસ્પિટલોમાં નર્સિંગ ઓફિસરની જગ્યાઓ પર નિમણૂંક કરવામાં આવશે. AIIMS નર્સિંગ ઓફિસરની ભરતી માટે 80 ટકા બેઠકો મહિલાઓ માટે અનામત છે.
અરજીની છેલ્લી તારીખ
નર્સિંગ ઓફિસર ભરતી કોમન એલિજિબિલિટી ટેસ્ટ (NORCET) માટે રજીસ્ટ્રેશનની છેલ્લી તારીખ 21 ઓગસ્ટ (સાંજે 5 વાગ્યે) નક્કી કરવામાં આવી છે.
ફોર્મમાં 22 થી 24 ઓગસ્ટ 2024 સુધીમાં સુધારા કરી શકાશે.
ઉમેદવારની લાયકાત
જે ઉમેદવારોએ માન્યતાપ્રાપ્ત યુનિવર્સિટીમાંથી B.Sc નર્સિંગ કોર્સ કર્યો છે તેઓ નર્સિંગ ઓફિસરની જગ્યાઓ માટે અરજી કરી શકે છે. આ સાથે, ઉમેદવારોએ રાજ્ય અથવા ભારતીય નર્સિંગ કાઉન્સિલમાં મિડવાઇફરી નર્સ તરીકે નોંધણી કરાવવી પણ જરૂરી છે. જો તમને આ સંબંધમાં વધુ વિગતો જોઈતી હોય, તો AIIMS NORSET ની ભરતીની સૂચના ધ્યાનથી વાંચો.
વય મર્યાદા
AIIMS NORSET પરીક્ષામાં બેસવા માટેની લઘુત્તમ વય 18 વર્ષ અને મહત્તમ વય મર્યાદા 30 વર્ષ નક્કી કરવામાં આવી છે. જ્યારે, AIIMS NITRD, નવી દિલ્હી માટે ઉપલી વય 35 વર્ષ છે. અરજદારોની ઉંમર 21મી ઓગસ્ટ 2024 ના રોજ ગણવામાં આવશે.
અરજી ફી
સામાન્ય અને OBC ઉમેદવારોએ 3,000 રૂપિયાની અરજી ફી જમા કરવાની રહેશે. જ્યારે SC, ST અને EWS ઉમેદવારોએ 2,400 રૂપિયા ફી ભરવાની રહેશે. PH ઉમેદવારો આ ખાલી જગ્યા માટે મફતમાં અરજી કરી શકે છે.
પસંદગી
આ ભરતી માટેની પસંદગી પ્રક્રિયાના ભાગરૂપે પૂર્વ અને મુખ્ય પરીક્ષાનું આયોજન કરવામાં આવશે. સ્ટેજ-1ની પરીક્ષા 15 સપ્ટેમ્બર 2024ના રોજ અને સ્ટેજ IIની પરીક્ષા 4 ઓક્ટોબર 2024ના રોજ લેવામાં આવશે.
પગાર
રૂ 9,300 – 34 800 ગ્રેડ પે – 4600/-
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
