Cyclone Amphan: બંગાળ-ઓડિશાના દરિયા કાંઠાની નજીક અમ્ફાન, સાંજે 4 વાગ્યાથી લેન્ડફોલની શરૂઆતની શક્યતા

નવી દિલ્હી: 21 વર્ષ બાદ ભયાનક તોફાનથી તબાહીનું જોખમ તોળાઈ રહ્યું છે. બંગાળની ખાડીમાં ઉઠેલું આ અમ્ફાન તોફાન ઝડપથી ઓડિશા અને પશ્ચિમ બંગાળના કાંઠાના વિસ્તારો તરફ આગળ વધી રહ્યું છે. અમ્ફાનનો પહેલો પ્રહાર પારાદીપ પર થશે જ્યાં અત્યારથી જ આંધી તોફાન જોવા મળી રહ્યાં છે. ભારે વરસાદ પડી રહ્યો છે. અમ્ફાન તોફાન બપોર બાદ દીઘા કાંઠે ત્રાટકે તેવી શક્યતા છે. લગભગ 12.30 વાગે ભારતીય હવામાન ખાતા તરફથી મળેલી માહિતી મુજબ અમ્ફાન બંગાળની ખાડીમાં નોર્થવેસ્ટમાં દિઘાના સાઉથ ઈસ્ટથી 95 કિમી દૂર હતું. 

IMDના જણાવ્યાં મુજબ આજે સાંજે 4 વાગ્યાની આસપાસ અમ્ફાન વાવાઝોડું ઉત્તર-ઉત્તરપૂર્વ તરફ જતા પશ્ચિમ બંગાળ અને બાંગ્લાદેશના તટીય વિસ્તારો દીઘા અને હાતિયાને પાર કરતા 155-165 કિમી પ્રતિ કલાકની ઝડપે ફૂંકાતા પવન સાથે 185 કિમી પ્રતિ કલાકની ઝડપે સુંદરવન પાસે પહોંચશે. ભારતીય હવામાન વિજ્ઞાન વિભાગ ભુવનેશ્વરના ડિરેક્ટર એચ આર બિશ્વાસે કહ્યું કે લેન્ડફોલ 4 વાગ્યાથી શરૂ થાય તેવી આશા છે. ઓડિશા તટમાં પવનની ઝડપ 100-125 કિમી છે. બાલાસોરમાં સાંજ સુધી પૂરપાટ પવનની અસર રહેશે. 24 કલાક બાદ હવામાન ચોખ્ખુ થઈ જશે. 

SUCS AMPHAN about 95 km south-southeast of Digha (West Bengal) at 1230 IST of 20th May. To cross West Bengal-Bangladesh coasts between Digha (west Bengal) and Hatiya Islands (Bangladesh) close to Sunderbans. Landfall process to commence from today late afternoon (4pm onwards) pic.twitter.com/dbq9EOhSqm

— India Met. Dept. (@Indiametdept) May 20, 2020

ઓડિશા અને બંગાળના કાંઠાના વિસ્તારોમાં સન્નાટો પ્રસરેલો છે. કોરોના મહામારી વચ્ચે તોફાનથી તબાહીની આશંકાથી લોકો ડરેલા છે. ખુબ ઝડપથી ફૂંકાતા પવનથી લોકો દહેશતમાં છે. લોકોને સતત સાવધાન રહેવાની સૂચના આપવામાં આવી રહી છે. પ્રશાસને 14 લાખથી વધુ લોકોને સુરક્ષિત સ્થળોએ પહોંચાડ્યા છે. એનડીઆરએફની ટીમો પણ મોરચે તૈનાત છે. 

#WATCH Rains accompanied by strong winds lash Bhubaneswar in Odisha. #Amphan pic.twitter.com/pYkrnqr8PZ

— ANI (@ANI) May 20, 2020

NDRFના પ્રમુખ એસ એન પ્રધાને કહ્યું કે પશ્ચિમ બંગાળમાં 20 ટીમો અને ઓડિશામાં 16 ટીમો તૈનાત કરાઈ છે. સુપર સાયક્લોન અમ્ફાન પર અમારા ઓફિસર સાથે વાત થઈ છે. ઓડિશા અને પશ્ચિમ બંગાળમાં ભારે વરસાદ અને પવન છે. બપોર બાદ તેમાં વધારો થાય તેવી શક્યતા છે. અમારી ટીમો સતત કામ કરી રહી છે.

Odisha: Trees uprooted in Paradip as wind speed touches 102 km/ph. #CycloneAmphan is expected to make landfall today. pic.twitter.com/10Aq8Y19CE

— ANI (@ANI) May 20, 2020

છેલ્લે મળતી માહિતી મુજબ ઓડિશાના કાંઠાના જિલ્લાઓમાં ખુબ  પવન ફૂંકાઈ રહ્યો છે અને ઝાડ અને વીજળી થાંભલા પડવા લાગ્યા છે. ઓડિશામાં ચંદબલીમાં 74 કિમી પ્રતિ કલાક, બાલાસોરમાં 61 કિમી પ્રતિ કલાક, અને ભૂવનેશ્વરમાં 56 કિમી પ્રતિ કલાકની પવનની ઝડપ જોવા મળી છે. પારાદીપમાં સૌથી વધુ 197.1 મિમી વરસાદ નોંધાયો છે. 

કોરોના વાયરસ પર તમામ સમાચારો જાણવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube