MP: એક કલેક્ટરે ડે.કલેક્ટર સાથે કરી આવી વોટ્સએપ ચેટ? સ્ક્રિન શોટ થયો ખુબ વાઈરલ 

ભોપાલ: મધ્ય પ્રદેશના શહડોલના કલેક્ટર અનુભા શ્રીવાસ્તવ અને ડેપ્યુટી કલેક્ટર પૂજા તિવારી વચ્ચેની વોટ્સએપ ચેટનો સ્ક્રિનશોટ આજકાલ સોશિયલ મીડિયા પર ખુબ વાઈરલ થઈ રહ્યો છે. જે મુજબ શહડોલના કલેક્ટર ડે.કલેક્ટરને વિધાનસભા ચૂંટણી દરમિયાન કોંગ્રેસને હરાવવા અને ભાજપને જીતાડવાનું કહી રહ્યાં છે. આ ચેટ વિધાનસભા ચૂંટણી દરમિયાન થયેલી હતી. આ મામલે ડે.કલેક્ટર પૂજા તિવારીએ ત્રણ દિવસ પહેલા જ પોલીસ સ્ટેશનમાં એફઆઈઆર નોંધાવી છે. જો કે ઝી ન્યૂઝ આ ચેટની પુષ્ટિ કરતું નથી. 

BJPના આ દિગ્ગજ નેતાએ આપ્યું મોટું નિવેદન, 'ચૂંટણી તો ગાઝીપુરથી જ લડીશ, ટિકિટ ન મળી તો...'

કલેક્ટર અનુભા શ્રીવાસ્તવ અને ડેપ્યુટી કલેક્ટર પૂજા તિવારી વચ્ચે થયેલી કથિત વાતચીત કઈંક આ પ્રકારની હતી. 

"મને કોંગ્રેસ ક્લીન સ્વીપ જોઈએ. હું આરઓ ડેહરિયાને ફોન કરું છુ. પૂજા તારે એસડીએમનો ચાર્જ લેવો હોય તો જેતપુરમાં ભાજપને વિન (જીત) કરાવો."

"Ok Mam,  હું મેનેજ કરું છું પરંતુ કોઈ તપાસ તો નહીં થાય"

કોલકાતામાં આજે વિપક્ષનો ભાજપ વિરુદ્ધ મેગા શો, 41 વર્ષ બાદ એક જ મંચ પર નેતાઓનો જમાવડો

"હું છું ને, મહેનત કરીશ તો ભાજપની સરકાર બનતા જ તને એસડીએમનો ચાર્જ મળશે."

FIR નોંધાઈ
આ મેસેજને લઈને ડેપ્યુટી કલેક્ટર પૂજા તિવારીએ પોલીસ સ્ટેશનમાં 3 દિવસ પહેલા એફઆઈઆર નોંધાવી છે. પોલીસે અજાણ્યા લોકો વિરુદ્ધ આઈટી એક્ટ હેઠળ મામલો નોંધ્યો છે અને તપાસ શરૂ કરી દીધી છે. આ બાજુ ચૂંટણી પંચે આ ચેટની વિશ્વસનિયતા પર સવાલ ઉઠાવ્યાં છે. 

ભાજપનો કટાક્ષ, 'જ્યારે 'બહેનજી'એ છોડી દીધા, તો સ્વાભાવિક છે કે 'દીદી'ને યાદ કરશે રાહુલ'

રાજ્યના શહડોલ જિલ્લામાં 3 વિધાનસભા બેઠકો બ્યોહારી, જયસિંહનગર અને જેતપુર છે. જેમાંથી એક સીટ જેતપુરથી ભાજપના મનિષા સિંહે કોંગ્રેસના ઉમા ધુર્વેને ગત વર્ષે વિધાનસભા ચૂંટણીમાં હરાવ્યાં હતાં. ભાજપના મનિષા સિંહને 74279 મતો અને કોંગ્રેસના ઉમા ધુર્વેને 70063 મતો મળ્યાં હતાં. 

દેશના વધુ સમાચારો વાંચવા માટે કરો ક્લિક...