ઈન્ડિયન એરફોર્સની સૂર્યકિરણ એરોબેટિક ટીમના હવાઈ કરતબ જોઈને રહી જશો ચકિત

પુણેઃ ઈન્ડિયન એરફોર્સની 'સૂર્ય કિરણ એરોબેટિક ટીમ' (SKAT)એ શનિવારે દિલ ધડકાવી દેનારા કરતબ દેખાડીને દર્શકોને પોતાની હવાઈ શક્તિનો પરચો આપ્યો હતો. મહારાષ્ટ્રના લોહેગાંવ ખાતે આવેલા એરફોર્સ સ્ટેશન ખાતે ટીમે પોતાનું ચકિત કરી દેનારું પ્રદર્શન કર્યું હતું. 

Pune: Surya Kiran Aerobatic Team (SKAT) of the Indian Air Force today conducted an aerobatic display at Air Force Station Lohegaon. #Maharashtra pic.twitter.com/c6USOvGXBL

— ANI (@ANI) November 24, 2018

આજે શનિવારે પુણેના આકાશમાં દિલ ધડકાવી દેનારા કરત દેખાડનારી આ એરોબેટિક ટીમ 30 નવેમ્બર, 2018ના રોજ નેશનલ ડિફેન્સ એકેડમીની પાસિંગ આઉટ પરેડમાં પણ પોતાનું પ્રદર્શન દેખાડશે.

#Suryakiran team is back to one of the premier Air Force Station of IAF for another scintillating aerial display. The team will be performing tomorrow at AFS Pune, 1100 hrs onwards.

They will also be performing at NDA for the Passing our Parade on 30 Nov 2018. pic.twitter.com/8S6RkWxnvd

— Indian Air Force (@IAF_MCC) November 23, 2018

હજુ થોડા દિવસ પહેલા જ ઈન્ડિયન એરફોર્સ દ્વારા એક ફોટો ટ્વીટ કરાયો હતો, જેને SKATના એક પ્રશંસકે બનાવ્યો હતો. આ સ્કેચ ટ્વીટ કરતાં ઈન્ડિયન એરફોર્સે લખ્યું હતું કે, 'કોલકાતાના વિદુલાની એક યુવતી વેકેશનમાં બિકાનેર આવી હતી. અહીં તેણે રાજસ્થાનના સ્વચ્છ વાદળી આકાશમાં સૂર્ય કિરણના કરતબો જોયા હતા. તે તરત જ સૂર્ય કિરણ એરોબેટિક ટીમની ફેન બની ગઈ હતી અને SKATની ટીમ માટે તેણે એક પેન્સિલ સ્કેચ તૈયાર કર્યો હતો. આટલું જ નહીં આ સ્કેચ તેણે SKATની ટીમને પણ આપ્યો હતો.'

#ThankYou : A young girl from Kolkata Vidula, while on vacations at Bikaner, witnessed #SuryaKiran display over the blue skies of Rajasthan. She immediately became a Suryakiran fan & drew a picture for the SKAT team as a tribute to the Ambassadors of the IAF. pic.twitter.com/ymESUHgVxC

— Indian Air Force (@IAF_MCC) November 16, 2018

ઉલ્લેખનીય છે કે, ઈન્ડિયન એરફોર્સની સૂર્ય કિરણ એરોબેટિક ટીમ આકાશમાં વિવિધ ફોર્મેશન માટે પ્રખ્યાત છે. એક વિમાનની ઊપરથી બીજું વિમાન ઉડાવવું અને વિમાનને હવામાં ગુલાંટીઓ ખવડાવવી એ તેની વિશેષતા છે. તેમના આ બધા કરતબ જોઈને દર્શક મોઢામાં આંગળા નાખી જાય છે.