હવે સમય આવી ગયો છે...અમિત શાહે ભારતીય જવાનોને જણાવી દીધો આગામી ટાર્ગેટ, બે પાડોશી દેશોની ખેર નથી

કેન્દ્રીય ગૃહમંત્રી અમિત શાહે નેપાળ અને ભૂટાન જેવા મિત્ર દેસો સાથે લાગેલી સરહદોની રક્ષામાં મહત્વપૂર્ણ ભૂમિકા નીભાવવા અને બિહાર તથા ઝારખંડમાં નક્સલવાદ વિરુદ્ધ લડાઈમાં યોગદાન બદલ શુક્રવારે સશસ્ત્ર સીમા દળ (એસએસબી)ની પ્રશંસા કરી. શાહે પશ્ચિમ બંગાળના સિલીગુડીમાં એસએસબીના 61માં સ્થાપના દિવસ સમારોહને સંબોધિત કરતા કહ્યું કે, સશસ્ત્ર સીમા દળે નેપાળ અને ભૂટાન જેવા મિત્ર દેશો સાથે જોડાયેલી આપણી સરહદોને સુરક્ષિત રાખવામાં મહત્વપૂર્ણ ભૂમિકા ભજવી છે. તેમની સતર્કતા અને હાજરીએ સિલીગુડી કોરિડોર અને પૂર્વ ક્ષેત્રમાં સુરક્ષાની ભાવના સુનિશ્ચિત કરી છે. 

લાલ ઉગ્રવાદને પહોંચવામાં એસએસબીના પ્રયત્નોનો ઉલ્લેખ કરતા ગૃહમંત્રીએ  કહ્યું કે, એસએસબીએ બિહાર અને ઝારખંડમાં નક્સલવાદને ખતમ કરવામાં મહત્વપૂર્ણ ભૂમિકા ભજવી છે. અન્ય સુરક્ષા એજન્સીઓ અને સ્થાનિક પોલીની સાથે  તેમના સક્રિય સહયોગે છત્તીસગઢમાં નક્સલવાદી ગતિવિધિઓને મહદઅંશે નબળી કરી છે. આ સાથે જ તેમણે કહ્યું કે સરહદના માધ્યમથી ઘૂસણખોરીને સંપૂર્ણ રીતે રોકવામાં આવે. તેમણે એ પણ ઉલ્લેખ કર્યો કે નેપાળ અને ભૂટાનની સરહદોના માધ્યમથી તસ્કરીનો પ્રયત્ન લગભગ બંધ થયો છે. 

કેમ કહ્યું કે હવે સમય આવી ગયો છે?
અમિત શાહે  કહ્યું કે, હવે સમય આવી ગયો છે કે બે મિત્રતાવાળા પાડોશીઓ સાથે આપણી સરહદોના માધ્યમથી ઘૂસણખોરીને સંપૂર્ણ રીતે રોકવામાં આવે. આપણે ભારતને નુકસાન પહોંચાડવાના ઈરાદે સરહદ પાર કરનારા પ્રત્યેક વ્યક્તિને પકડવો પડશે. તેમણે કહ્યું કે દેશના ગૃહમંત્રીએ નેપાળ અને ભૂટાન સાથે ભારતની 2450 કિલોમીટર લાંબી સરહદ પર સુરક્ષા વિશે ચિંતા કરવાની જરૂર નથી. એસએસબીના જવાનો આ વિસ્તારની સુરક્ષા કરી રહ્યા છે. વાડ વગરની સરહદો દ્વારા માદક પદાર્થો, હથિયારો અને માનવ તસ્કરીની પ્રવૃત્તિઓ હંમેશા જોવા મળી છે. એસએસબીના જવાનોએ આવી કોશિશોને રોકી છે.  તેમણે દાવો કર્યો કે એસએસબી જવાનોની લાંબી નિગરાણી બાદ બિહાર અને ઝારખંડ માઓવાદી વિદ્રોહીઓથી મુક્ત થયા છે. તેમણે કહ્યું કે ઝારખંડ અને બિહારમાં એસએસબીએ માઓવાદીઓ પહોંચી વળવામાં મહત્વપૂર્ણ ભૂમિકા ભજવી છે. આ વિસ્તારોમાં આંદોલન લગભગ ખતમ થઈ ગયું છે. 

બંગાળમાં 900 કિમીની સરહદની સુરક્ષા કોણ કરે
શાહે સિલિગુડી અને આસપાસના વિસ્તારોની સુરક્ષામાં એસએસબીની રણનીતિક અને મહત્વપૂર્ણ ભૂમિકા પર ભાર મૂક્યો. તેમણે કહ્યું કે મહાનંદા અને તીસ્તા નદીઓ વચ્ચે આવેલા સિલીગુડી કોરિડોર એક મહત્વપૂર્ણ માર્ગ છે જે પૂર્વોત્તર રાજ્યોને બાકી ભારત સાથે જોડે છે. તેમણે કહ્યું કે એસએસબી આ રસ્તા પર શાંતિ જાળવી રાખે છે જેના કારણે સુગમ પરિવહન શક્ય બને છે. આવા વિસ્તારમાં એસએસબીની હાજરી સમગ્ર દેશ માટે નિશ્ચિત રહેવા અને રાહતના શ્વાસ લેવાનું કારણ બની છે. શાહે બીએસએફના અધિકારીઓ સાથે પણ મુલાકાત  કરી જે  ઉત્તર બંગાળમાં 936 કિલોમીટરની સરહદની રક્ષા કરે છે. તેમણે પેટ્રાપોલ એકીકૃત ચેક પોસ્ટ પર  બીએસએફ કર્મીઓ માટે આવાસ સુવિધાઓનું વર્ચ્યુઅલ ઉદ્ધાટન પણ કર્યું.