કોલકત્તાના માજેરહાટમાં ફ્લાઇઓવર ધરાશાયી, 1નું મોત, 19 લોકો ઈજાગ્રસ્ત

કાટમાળમાંથી અત્યાર સુધી ત્રણ લોકોને બહાર કાઢવામાં આવ્યા છે. જેમની સ્થિતિ ગંભીર છે.

Last Updated: Sep 04, 2018, 09:18 PM IST

કોલકત્તાના માજેરહાટમાં ફ્લાઇઓવર ધરાશાયી, 1નું મોત, 19 લોકો ઈજાગ્રસ્ત

કોલકત્તાઃ પશ્ચિમ બંગાળની રાજધાની કોલકત્તામાં ફ્લાઇઓવર ધરાશાયી થવાથી મોટી દુર્ઘટના સર્જાઈ છે. દક્ષિણ કોલકત્તાના માજેરહાટ ફ્લાઇઓવરનો એક ભાગ ધરાશાયી થયો જેમાં કેટલાક લોકો દબાયા હોવાની આશંકા છે. આ દુર્ઘટનામાં 1નું મોત અને 19 લોકોને ઈજા થઈ છે.

રાજ્યના મંત્રી ફરહદ હકીમે જાણકાતી આપતા જણાવ્યું કે, આ ઘટનામાં ફસાયેલા તમામ લોકોને સુરક્ષિત બહાર કાઢી લેવામાં આવ્યા છે. 6 ઈજાગ્રસ્તોને હોસ્પિટલમાં દાખલ કરવામાં આવ્યા છે. તેમણે કહ્યું કે, આ બ્રિજ 40 વર્ષ જૂનો હતો. હજુ સુધી કોઈના મોત થયાના સમાચાર નથી. પરંતુ સર્ચ ઓપરેશન ચાલુ છે. બીજીતરફ મુખ્યપ્રધાન મમતા બેનર્જીએ કહ્યું કે, પ્રથમ બચાવ કાર્ય કરવામાં આવશે. બાદમાં દુર્ઘટનાના કારણોની તપાસ કરવામાં આવશે.

દુર્ઘટના વિશે વડાપ્રધાન નરેન્દ્ર મોદીએ ટ્વીટ કરીને ઘટના પર દુખ વ્યક્ત કર્યું અને તેને દુર્ભાગ્યપૂર્ણ ગણાવી હતી. મારી સંવેદનાઓ પીડિત પરિવારની સાથે છે. હું ઈજાગ્રસ્ત લોકો જલ્દી સ્વસ્થ થાય તેવી પ્રાર્થના કરુ છું.

The collapse of a part of a bridge in Kolkata is deeply unfortunate. My thoughts are with the families of the victims. I pray that those who are injured recover at the earliest.

— Narendra Modi (@narendramodi) September 4, 2018

સીએમ મમતા બેનર્જીએ રાહત તથા બચાવ કાર્યની સાથે મામલાની તપાસ કરવાના પણ આદેશ આપી દીધા છે. ભાજપે આ દુર્ઘટના માટે પશ્ચિમ બંગાળની મમતા સરકાર પર હુમલો કર્યો છે. ભાજપના સાંસદ રૂપા ગાંગુલીએ કહ્યું કે, મમતા બેનર્જીની સરકાર આ દુર્ઘટનાથી થયેલું નુકસાન ઓછી કરીને જણાવશે. તેમણે કહ્યું કે, મમતા બેનર્જીને માત્ર સીએમની ખુરશીથી મતલબ છે.

We are very worried. We are receiving information from the rescue team on ground(majerhat bridge collapse in Kolkata). We want to go back as soon as possible. There are no flights in the evening, we are unable to do so: West Bengal CM Mamata Banerjee in Darjeeling (file pic) pic.twitter.com/DJfU1QDEm2

— ANI (@ANI) September 4, 2018

#WATCH: Rescue teams and ambulances arrive at the spot where part of Majerhat bridge in South Kolkata has collapsed. #WestBengal pic.twitter.com/5pgpxSgwke

— ANI (@ANI) September 4, 2018

પ્રત્યક્ષદર્શીઓ અનુસાર, આ ઘટનામાં ઘણા લોકો દબાયા હોઈ શકે છે. ઘણી ગાડીઓ પણ કાટમાળની નીચે દબાયેલી હોઈ શકે છે. કાટમાળમાંથી અત્યાર સુધી ત્રણ લોકોને બહાર કાઢવામાં આવ્યા છે. જેમની સ્થિતિ ગંભીર છે.