Watch Video: 104 કલાક બોરવેલમાં ફસાયેલો રહ્યો રાહુલ, આખરે મોત સામે જંગ જીતી

Boy Trapped In Borewell Saved: છત્તીસગઢમાં 100 કલાક કરતા પણ વધુ સમયથી ચાલતા રેસ્ક્યૂ ઓપરેશનનો સુખદ અંત આવ્યો છે, અને બોરવેલમાં ફસાયેલા રાહુલે મોતને માત આપી દીધી છે. છત્તીસગઢના જાંજગીર ચાંપામાં બોરવેલમાં ફસાયેલા રાહુલનું રેસ્ક્યુ ઓપરેશન પૂરું થઈ ગયું છે. લગભગ 104 કલાક સુધી ચાલેલા રેસ્ક્યુ ઓપરેશન બાદ રાહુલને સુરક્ષિત બહાર કાઢવામાં આવ્યો છે. CM ભૂપેશ બઘેલે રાહુલની બહાર થવા પર ખુશી વ્યક્ત કરી છે. જણાવ્યું હતું કે, પડકાર મોટો હતો પરંતુ અમારી રેસ્ક્યુ ટીમે સારું કામ કર્યું. CMOના જણાવ્યા અનુસાર રાહુલની હાલત હવે સ્થિર છે. એમ્બ્યુલન્સના ડોક્ટરે જણાવ્યું કે પ્રાથમિક તપાસમાં બીપી, સુગર, હાર્ટ રેટ નોર્મલ છે અને ફેફસાં પણ સાફ છે. રાહુલની સ્થળ પર હાજર ડોક્ટરની ટીમ દ્વારા તપાસ હાથ ધરાયા બાદ વધુ સારી સારવાર માટે ગ્રીન કોરિડોર બનાવીને અપોલો હોસ્પિટલ બિલાસપુર મોકલવામાં આવ્યો હતો. 

હાલ કેવી છે સ્થિતિ?
હાલ રાહુલ બિલાસપુર ખાતે અપોલો હોસ્પિટલમાં સારવાર હેઠળ છે. સવારે નર્સ દ્વારા તેને નાશ્તો કરાવવામાં આવ્યો હતો. કલેક્ટરના જણાવ્યાં મુજબ રાહુલને સાધારણ તાવ છે. રાહુલની સારવાર ચાલુ છે. 

મહત્વનું છે કે છત્તીસગઢના પિહરીડ ગામમાં એક બાળક ઘરની પાછળ આવેલા 80 ફૂટ ઊંડા બોરવેલમાં પડી ગયો હતો. તે લગભગ 65 ફૂટની ઉંડાઈએ ફસાઈ ગયો હતો. જે બાદ તેને ઓક્સિજન મળી રહે તે ખાસ વ્યવસ્થા કરાઈ હતી. બોરવેલમાં ફસાયેલા રાહુલ સાહુને 100 કલાકથી વધુ ચાલેલા ઓપરેશન બાદ આખરે તેને બહાર કાઢવામાં સફળતા મળી છે. પાંચ દિવસની મહેનત બાદ 11 વર્ષના રાહુલને બહાર કાઢવામાં આવ્યો હતો. તેને બહાર કાઢવા માટે NDRF અને SDRFની ટીમો રાત-દિવસ એક કરી હતી.

#WATCH | Chhattisgarh: 10-yr-old Rahul who fell into a borewell in Pihrid village of Janjgir-Champa district was successfully rescued after over 100 hours of operation. pic.twitter.com/HDsoRXvjt3

— ANI MP/CG/Rajasthan (@ANI_MP_CG_RJ) June 14, 2022

રાહુલ જેવો સુરંગમાંથી બહાર આવ્યો કે તેણે આંખ ખોલી અને એકવાર ફરીથી  દુનિયા જોઈ. આ ક્ષણ બધા માટે ખુબ જ આનંદની હતી. સમગ્ર વિસ્તાર રાહુલમય થઈ ગયો. દેશના સૌથી મોટા રેસ્ક્યૂ અભિયાનને કલેક્ટર શ્રી જિતેન્દ્રકુમાર શુક્લાના નેતૃત્વમાં અંજામ અપાયો. સુરંગ બનાવવાના રસ્તામાં વારંવાર મજબૂત પથ્થર આવવાથી 4 દિવસ સુધી ચાલેલા આ અભિયાનને આખરે રેસ્ક્યૂ ટીમે અંજામ આપી રાહુલને એક નવું જીવન આપ્યું. 

We have won, our team has won. It was a challenging situation. We were given all kinds of assistance from the administration. CM Bhupesh Baghel was continuously monitoring the situation. We're taking Rahul directly to Apollo hospital in Bilaspur: Jitendra Shukla,Collector Janjgir pic.twitter.com/c17jLGZqew

— ANI MP/CG/Rajasthan (@ANI_MP_CG_RJ) June 14, 2022

10 જૂને પડી ગયો હતો બોરવેલમાં
અત્રે જણાવવાનું કે જાંજગીર-ચામ્પા જિલ્લાના માલખરૌદા બ્લોકના ગામ પિહરીદમાં 11 વર્ષનો બાળક રાહુલ સાહુ તેના ઘરની પાસે ખુલ્લા બોરવેલમાં પડીને ફસાઈ ગયો હતો. 10 જૂનના રોજ બપોરે લગભગ 2 વાગે અચાનક ઘટેલી આ ઘટનાની જાણ થતા જ જિલ્લા પ્રશાસનની ટીમ કલેક્ટર જિતેન્દ્રકુમાર શુક્લાના નેતૃત્વમાં તૈનાત થઈ ગઈ. સમયસર ઓક્સીજનની વ્યવસ્થા કરાઈ અને કેમેરા લગાવીને બાળકની ગતિવિધિઓ પર પળેપળની દેખરેખ રાખવામાં આવી રહી હતી. ઈમરજન્સી ચિકિત્સા વ્યવસ્થા અને એમ્બ્યુલન્સ પણ તૈનાત કરાયા હતા. સ્ટેટ ડિઝાસ્ટર મેનેજમેન્ટ ટીમ ઉપરાંત NDRF ની ટીમ પણ  રેસ્ક્યૂમાં લાગી હતી. સેનાના કર્નલ ચિન્મય પારીક પણ પોતાની ટીમ સાથે મિશનમાં લાગ્યા હતા. 

દેશના સૌથી મોટા રેસ્ક્યૂના પહેલા દિવસે એટલે કે 10 જૂનની રાતે જ રાહુલને મેન્યુઅલ ક્રેનના માધ્યમથી રસ્સી દ્વારા બહાર લાવવાની કોશિશ કરાઈ પરંતુ રાહુલ દ્વારા રસ્સી પકડવા માટે કોઈ પ્રતિક્રિયા ન આવતા પરિજનોની સહમતિ અને એનડીઆરએફના નિર્ણય બાદ નક્કી કરાયું કે બોરવેલના કિનારા સુધી ખોદકામ કરી રેસ્ક્યૂ કરવામાં આવે. રાતે લગભગ 12 વાગે ફરીથી અલગ અલગ મશીનથી ખોદકામ કરાયું. 60 ફૂટનું ખોદકામ કરતા પહેલા રસ્તો તૈયાર કરાયો. બિલાસપુરથી વધુ ક્ષમતાવાળી ડ્રિલિંગ મશીનો મંગાવવામાં આવી અને પછી ખુબ જ સાવધાની વર્તતા રાહુલ સુધી પહોંચાયું. 

દેશના વધુ સમાચારો વાંચવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube