શું પ્રદૂષણને કારણે આંખોમાં બળતરા અને ખંજવાળ આવે છે? આ ઉપાયોથી મળશે રાહત

Eye Problems: હવામાનમાં ઠંડી વધવાની સાથે હવામાં પ્રદુષણનું સ્તર પણ વધ્યું છે. પ્રદૂષણના કારણે શ્વાસ સંબંધી સમસ્યાઓ વધવા લાગે છે અને તેનાથી બચવા માટે લોકો માસ્કનો ઉપયોગ કરવા લાગે છે, પરંતુ હવા પ્રદૂષણની આંખો પર પણ ખરાબ અસર પડે છે. હવામાં રહેલા ઝેરી તત્વોને કારણે આંખોમાં લાલાશ, પાણી આવવું, ખંજવાળ, બળતરા, શુષ્કતા વગેરે જેવી સમસ્યાઓ થવા લાગે છે. તેનાથી બચવા માટે તમારે બહાર જતી વખતે ચશ્માનો ઉપયોગ કરવાનો પ્રયાસ કરવો જોઈએ, આ તમારી આંખોને યુવી કિરણોથી થતા નુકસાનથી બચાવશે.

આંખો શરીરનું ખૂબ જ નાજુક અને સંવેદનશીલ અંગ છે, તેથી આંખોની ખાસ કાળજી લેવી જરૂરી છે. હવામાં ઓગળેલા ઝેરી પદાર્થોથી થતા નુકસાનથી પોતાને બચાવવા માટે તમારે ચશ્મા પહેરવા જ જોઈએ, આ સિવાય જો હળવા લક્ષણો દેખાય તો કેટલીક સરળ ટિપ્સ અપનાવીને રાહત મેળવી શકાય છે.

કોલ્ડ કોમ્પ્રેસથી મળશે રાહત
જો તમે ખૂબ થાક અનુભવો છો અથવા તમારી આંખોમાં દુખાવો અનુભવી રહ્યા છો, તો કોલ્ડ કોમ્પ્રેસ ઘણી રાહત આપે છે. આ માટે બજારમાંથી આઈ પેડ ખરીદી શકાય છે, જેને તમે સૂવાના થોડા સમય પહેલા પહેરી શકો છો. આ સિવાય સ્વચ્છ કપડાની પટ્ટીને પાણીમાં પલાળીને થોડીવાર આંખો પર રાખવાથી પણ આરામ મળે છે.

સ્વચ્છતાનું રાખો ખાસ ધ્યાન 
જો પ્રદૂષણને કારણે આંખોમાં ખંજવાળ અને લાલાશ જેવા હળવા લક્ષણો હોય તો સ્વચ્છતાનું ખાસ ધ્યાન રાખવું જોઈએ. તમારા હાથ ધોવાનું ચાલુ રાખો, કારણ કે જો બેક્ટેરિયા હાથ દ્વારા આંખોમાં જાય છે, તો સમસ્યા વધી શકે છે. આ સિવાય આંખોને વારંવાર ઘસવાનું કે સ્પર્શ કરવાનું ટાળવાનો પ્રયાસ કરવો જોઈએ.

આંખો પર પાણી છાંટવું
જો તમે બહારથી ઘરે આવ્યા છો અથવા ઓફિસ પહોંચ્યા છો, તો તમારી આંખો સાફ કરવા માટે પાણીનો છંટકાવ કરો, જો તમે કામ દરમિયાન ખૂબ થાકેલા હોવ તો પણ તમારી આંખો સામાન્ય પાણીથી ધોઈ શકાય છે. આ દિનચર્યા નિયમિતપણે અપનાવો.

સ્વસ્થ આહાર લો, શરીરને હાઈડ્રેટ રાખો
પ્રદૂષણની વચ્ચે તમારી આંખો તેમજ તમારા આખા શરીરને સ્વસ્થ રાખવા માટે સારો આહાર લેવો જોઈએ. તમારા આહારમાં વિટામિન સી, પ્રોટીન, વિટામિન એ અને ફાઈબરથી ભરપૂર ખોરાકનો સમાવેશ કરો. આ સિવાય શરીરને હાઇડ્રેટેડ રાખો. આનાથી તમે સૂકી આંખોની સમસ્યાથી બચી જશો.

આ વાતનું રાખો ધ્યાન
પ્રદૂષણ કે અન્ય કોઈ કારણોસર આંખની કોઈ સમસ્યા હોય તો ડોક્ટરની સલાહ લેવી જોઈએ. જો આંખોમાં લાલાશ, દુખાવો, બળતરા, ખંજવાળ વગેરેની સમસ્યા તમને થોડી પણ પરેશાન કરતી હોય તો તરત જ આંખોની તપાસ કરાવી જોઈએ.