ભરૂચના નેત્રંગ ખાતે ટાઇલ્સ ભરેલી ટ્રકે 3 બાઇકોને અડફેટે લીધી, 3નાં મોત, 3 ઇજાગ્રસ્ત

ભરૂચ : જિલ્લાના નેત્રંગ પાસે ધાણીખુટ અને થવા ગામની વચ્ચે નાળા પર ટ્રકે ત્રણ બાઇકોને અડફેટે લેદા 2 બહેનો સહિત 3 લોકોનાં મોત નિપજ્યાં છે. જ્યારે 3 લોકો ઇજાગ્રસ્ત થયા છે. ઘટના અંગે માહિતી મળતાની સાથે જ નેત્રંગ પોલીસ ઘટના સ્થળે પહોંચી ગઇ છે. તમામ ઇજાગ્રસ્તોને નેત્રંગ પીએચસી ખાતે સારવાર બાદ ગંભીર લોકોને ભરૂચ ખાતે ખસેડવામાં આવ્યા છે. 

ગુજરાતના ખેડૂતો મોતીની ખેતી કરીને કમાય છે કરોડો, તમે પણ મહિને છ આંકડામાં કરો કમાણી!

ઘટના અંગે વિગતે મળતી માહિતી અનુસાર નેત્રંગ ડેડિયાપાડા રોડ પર મહારાષ્ટ્રથી ટાઇલ્સ ભરીને નેત્રંગ આવી રહેલી ટ્રક દ્વારા 3 લોકોને હડફેટે લેવાયા હતા. જેમાં બે બહેનો સહિત 3 લોકોનાં ઘટના સ્થળે જ મોત નિપજ્યા હતા. 3 લોકો ઇજાગ્રસ્ત થયા હતા. જેથી ગંગાપુર અને ડેડિયાપાડાથી 108 એમ્બ્યુલન્સ પહોંચી ગઇ હતી. ઇજાગ્રસ્તોને નેત્રંગ સીએચસી ખાતે ખસેડવામાં આવ્યા હતા. જે પૈકી એક વ્યક્તિની સ્થિતી ગંભીર છે. જેના કારણે તેને સારવાર માટે રાજપીપળા સિવિલ ખાતે ખસેડવામાં આવ્યા છે. 

IPL માં બોલર તરીકે જોડાવાની તક, VIRAT KOHLI શોધી રહ્યો છે ગુજરાતી બોલર

મિનેશ મનસુખભાઇ વસાવા પોતાની બહેન આશા વસાવા અને બે ભાણી દ્રષ્ટી અને ધ્રુવીને લઇને બાઇક પર ડેડિયાપાડાના ચુલી ગામ તરફ જઇ રહ્યા હતા. ત્યારે અકસ્માત થતા બે ભાણીઓનાં ઘટના સ્થળે જ મોત નિપજ્યા હતા. જ્યારે બહેન અને ભાઇ ગંભીર રીતે ઇજાગ્રસ્ત થયાહ તા. જે પૈકી ભાઇની સ્થિતી ગંભીર છે. આ ઉપરાંત બાબદા પોસ્ટ ઓફિસના પોસ્ટ માસ્તર સંજય દામજી વસાવા નેત્રંગ પોસ્ટ ઓફીસનાં કામ પતાવી પરત ફરી રહ્યા હતા ત્યારે અકસ્માત થતા તેમનું મોત નિપજ્યું હતું. 

PM મોદીએ દિવાળીએ ઉદઘાટન કર્યા બાદ ચારવાર બંધ પડી હજીરા ઘોઘા રો-પેક્સ ફેરી સર્વિસ

મૃતકોનાં નામ
સંજય દામજીભાઇ વસાવા (ઉ.વ 35)
દ્રષ્ટી ધિરેન વસાવા (ઉં.વ 06)
ધ્રુવી ધિરેન વસાવાલ (ઉ.વ 10)
ઇજાગ્રસ્તોનાં નામ 

ઇજાગ્રસ્તોના નામ
મિનેશ મનસુખ વસાવા (ઉ.32) (રહે, ખરેડા, તા.નેત્રંગ, જિ.ભરૂચ)
આશા ધિરેન વસાવા (ઉ.25) (રહે, ચૂલી, તા.ડેડિયાપાડા, જિ.નર્મદા)
શનાભાઇ નરસીભાઇ વસાવા(ઉ.35), (રહે, ગુલજાજામ, તા.ડેડિયાપાડા, જિ.નર્મદા)

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube